Gästebuch

Einen neuen Eintrag für das Gästebuch schreiben

 
 
 
Felder mit * sind Pflicht.
45 Einträge
Müüüsli geschrieben am Februar 15, 2024
1. Wenn mit de Sabi am SCHMUDO zum Fanartikel verchaufe iiteilt bisch, bisch noher wohrschindli bitz ahgsürslet und wenn Glück hesch, wird dir gad au no en Job ahbote.
2. Du merksch, dass dini beste Johr verbii sind, wenn dii en junge Burscht 25i schätzt, du mit nei 27i antwortisch und er eifach kommentarlos weglauft und niemeh wieder bi der a de Bar go bstelle chunnd.
3. Wenn der den z'Goldige en andere junge Burscht zerst sät, dass usgsechisch wie de Grinch und denn dass 27i gär nöd schlimm seg, well er nard immer scho alti Fraue gha het, machts die Sach mit em Alter definitiv nöd besser.
4. Wenn am SCHMUDO de Cöni ide Weegee 4.0 schloft, denn dörfsch nöd nur am Fritigmittag Chäshörnli mampfe, sondern au am Samstigmittag und am Samstig ide Nacht. Vellicht no bitz viel, aber definitiv u fein gsii. Dankä 1000!!
5. Wenn am Fritig noch em SCHMUDO eigendli am Nomi pfüsele wötsch, hesch evtl. no spontan und ohni z'wüssä Tag der offenen Tür.
6. Han mer sägä loh, dass mer amne nüechterne Peter nöd glaube sött, wie isch denn das bim Stägi, well de het öppis vo churzem Umzug i Wittebach gred.
7. Wenn de Mäthi, am Fasnachtssamstig erst spöter zuestigt, chasch ehn guet emol ersetze. Anschinend heissts denn aber nöd Randstäääbier, sondern Randsteibier. Da mit em Dialekt moni glab nochli üebe.
8. Apropos Dialekt, wenn die alli immer weg dem "Ä" fertig machet, bisch scho chli froh, wenn d Steffi um de Egge chunnd und neberem "jo i wäss" antwortet.
9. Wennd weg dene blödä Konfetti zwei Nahtoderfahrige mache mosch, bisch wohrschindli z'St. Galle am Umzug. Dankä, aber nei Dankä!
10. Wenn am Sunntig no nöd gnueg Fasnacht gha hesch för da Wochenend, denn chasch guet no gschwind ah d'Uslumpete goh.
11. Wenns denn aber kei Gschwind meh isch, denn bisch evtl. am Mäntigmorge bim Schaffä chli müed.
12. Wenn der en Mösliger understellt, dass er eigendli no de Notnagel för mi seg, het er wohrschindli die andere 10 Schränzer ide Halle nonöd gseh. Well en Städtli-Schränzer kommt selten allein.
13. Wenn denn glich mol en einsame Schränzer gsehsch, ischs vellicht de Peter, wo im Stollä vergesse gange isch. SORRY!
14. Wenn z'mol vo dinä Fründinnä besorgti Nochrichte öberchunnsch, hends nöd metöberchoh, dass am Fasnachtssamstig Stv.-Tag gsii isch.
15. Apropos Stv.-Tag: schono streng, wenn z'mol alles mitspiele mosch.
16. Deför umso schöner, wenn de überglücklich Schlegel vor dir stoht, uf 4 zehlt und de Clown macht.
17. Isch jo nüt neus, dass sich Fraue, wo viel mitenand underwegs sind, sich irgendwenn bi gwössä Sachä anenand ahpasset. D'Synchronisierig vo de Silvana und mer het mer denn aber im nochhinein scho chli Angst gmacht. Silvana, vellicht lohsch dii mol dörä checke, ob au e Laktoseunverträglichkeit hesch.
18. Wenn am Fasnachtszistig s'Clödeli Dankä sät, denn chunnsch zmol chli under Zytdruck, welld scho z'Ganterschwil verbii gfahre bisch.
19. Notiz ah mi: s'nögst mol mach i die Kussufforderig a Desi nöd im scharfe Rank, de Kuss ellei isch nämli scho gnueg scharf gsii.
20. Chömmer üsen Tourplan bitte ahpassä, dass de Sprenger-Lars immer mit eme Smirnöffli parat stoh cha? So guet isch mir nämli nonie glueget worde während eme Uftritt.
21. Wenn im Stollä meh am grinsä, als am spielä bisch, denn hesch eifach nur freud, dass de ganz Sauhufä leite dörfsch.

EXTRA-BONUS: Ehr sind eifach nur grossartig! Dankä för so ä unglaublich schöni Saison! Hopo die rotä!
Invalid 1 geschrieben am Februar 15, 2024
1. Kurz aber geil isch s'gsi in Adelberg.
Wenn de Fäschtsiig mit emenä chlinä Umweg in Spitol mit de Ramona holsch, weisch das Fasnacht worschindlich frühner fertig isch als Planet.
PS: mit de Ramona im Spitol hesch sicher immer was zum lache aber im Rollstuhel hesch den glich mengmol chli angst wenn Sie dur schwäbisch gmünd rennt.

2. Wenn s' Guggähärz blüetet weld nöd chasch mit spiele weisch das mit em Schränzer-Fieber infisziert bisch.

3. Wennd vom Regi z'mol es Entli überkunsch mit em Kommentar, welld glich ad Fasnacht kunsch, wirsch gad bitzeli verlegä. "Danke Regi"

4. Wennd weisch wo de Car durä fahrt hocksch definitiv nöd ah dim normale Platz sondern ganz vorne.

5. Wenn ah jedem Fest en neue Humpelkumpel findsch, fühlsch di nöd so allei und weisch das diä Saison rentiert het für Ärzt.

6. Wennd wäret em Ihtrag schriebe belehrt wirsch das es nöd 1. Konfetti sondern 1. Konfetto heisst, weisch du hesch Schränzer Dütschkurs verpasst. "Danke für Nohilf Invalid 2"

7. D'Stöck sind ebe nöd nur guet zum laufe, sondern au zum en Federball vode Decki hole, wenn dä Mäthi no z'chli isch. "Mir het no immer was mit hai vom Fest"

8.Wenn Samira zu dir kunnt und findet ih bin nonig volle, den musch aber SCHNELL ad Bar go en dopllete Suuräöpfel mit ice Tee go hole.

9. Wennd nochem letschte Uftritt überweltiget bisch vo allne Emotionä, vorallem von Leni sinerä Umarmig weisch es isch eifach eh geili Saison gsi und zum Glück nochli länger gange als denkt.

10. Wenn Guggähose usrumsch und zwei Dicko-Saurus führe chömmet weisch au wieso das en Blauefleck am bei hesch wo schinä drucket het.

11. Wenn bis Lenis zum Pizza esse ihglade wirsch, gits kei bessers Gschenk als eh Insel-hopping Palme mit allne möglichkeite.

12. Schränzerfamilie isch doch eifach di best, au wenn immer wieder mol en Spruch kunnt söllsch chli schneller Sii, helfeter alli und es isch kei problem zum dis Instrument neh oder dir helfe bim uf bühni cho.. Daaankee Tuuusssiig, eu hani Gärn.

PS: Falls öbert mol als Humpelkumpel ad Fasnacht will ih het sus alles de hai.

Erholet eu guet.!
Captain Hinkebein
Siilv geschrieben am Februar 15, 2024
i weiss gärnümä wo afangä mit de Erkentnis vo dem Wucheend!

1. wen am Mittwuch d Nochricht chunt das d Silvi krank isch denn machsch der gad echli sorgä um s Monster am Donnschdig obig. Isch den aber alles guet glaufä, d Stefi und i hend kurzerhand mol s Zepter id hand gno und müsä merkä „goot den scho“
2. me hend den au gmerkt me sind keis Team sondern mer sind „das Team“
3. Wen den am Fritig noch em Hallä ufrumä denksch chöntsch no 1-2 stündli go Pfüsselä merksch zimli schnell das ez i de Weeegeee wohnsch wil det wird an Tisch ghokt und witer Bier trunkä.
4. I glaub irgend öppis het s Müssli am Fritig z Nacht mit mir gmacht wil am Samschdig Morgä mit Hüftschmerzä eifach so ufwachä isch nöd normal.
5. wen d Claudia z Schänis zu dir chunt und vom Mami zur Guggä wet mutierä musch halt schnel s Schöttli wot no irgendwo i de Hosä häsch suechä, au wen sie sich bis es gfundä hesch chli Ignoriert fühlt.
6. aso Kaffi Stobä wösets z Schänis nöödwa da isch.
7. den musch halt kurzerhand mit de Frau Präsidäntin id Hallä go ab rave. d Claudia het da nämli schono gern
8. als chlinä Tip vo mer, glaubet niä am Peter wen er nüechtern isch! isch den äbä glich guet gsi i de Laser Halle
9. Went s Car fahrä äbä doch nöd magsch verlidä und di zum Peter fürä gsellsch hend den nöd alli freud went afangsch is Mikrofon schwäzä (singä)
10. wen de Lenny z Moslig zu dir chunt und seit er heg dasmol au fasch chli müsä brüelä wils ihm so gfallä het den musch ihm halt schnel en Vodka Redbull zahlä als ufmunterig.
11. aber isch jo au nu fair gsie weni ihm scho en ganzä wegtrunkä hesch werend em Uftrit. Dankä Lenny (Brüederherzli)
12. De St.Galler Umzug wär jo schono schö aber diä Goffä mit de Konfetti nöd so, zum glück sto i nöd am rand ossä.
13. s Monster Konzert chamer guet mol us lo noch em Umzug.
14. Zum glück bin i und d Melanie am Sunntig werend em Uftrit vo de Sprenger z voderschd gsie. den hemer de Dömi wenigstens chönä as Lachä errinerä. glaub so vill het er noniä glachet werend em spilä.
15. Aso langsam sind jo d Melanie und ich wiä Schwösterä, mer hend ned nu immer di glich frisur sondern au einigi anderi sachä ufenand abgstumä.
16. de Höch teil vom Tärätärätärä isch halt nöd min Teil, aber d Stefi het den gmerkt das en d Olivia und d Anita au ned gspilt hend. uf zmol isches ruhig do hinä. Upsiii hani noniä gspillt
17. Aso i hock glaub ezden immer bi de Samira vornä, hend gmerkt das mer eigentlich no de glich grüssig humor hend. wär gschider fürener fürä ghoket.
18. wen di de Stägi z Beunoderä d Spagetti zwingt zum essä magsch den vilicht nümä sicher mitspilä, zum glück het mi niemer ghört uf em Beüggli obä.
19. Went an Sprengerstolä mit 10 Konfetti Kanonä inä laufsch chas sid das öppä 3x gseit bechunsch das nöd inä dörfsch. Has den aber gschaft.
20. I glaub ez möget mi alli Sprenger noch dem i allne verzellt ha das da mini Idee gsie isch mit de Konfettikanonä. hihihihihi


Sooo mini liäbä erhollet eu guet.
lg Siiilv
Invalid 2 geschrieben am Februar 15, 2024
1. I weiss nöd obi stolz oder enttüscht sii söll, dasses endi Saison no soviel Glitzer übrig het.

2.Wennd in Adelberg während em Uftritt nöd sicher bisch, ob alli wüssed welles Lied dasmer spieled, chas nur Layla oder dä Bobo sii

3. Wennd mitte imene guete Gspröch mit emene Junggugger bisch unds denn ufzmol heisst; du muesch jetzt wäg. Hani mi scho bitz verarscht gfühlt. Vorallem well praktisch alli andere Plätz bsetzt gsi sind.

4.Wenn am Schmudo ade Innebar stohsch und en Gugger di froged wo denn dGuggeverpflegig seg. Merksch ufzmol, dass am Schmudo nonie nebis gesse hesch.

5. Wennd bim Ufrume en Bäse oder es Schüfeli hesch, hesch schochli en guete Job verwütscht. Aber wenn dä Bode nochem Wüsche immerno scheisse usgseht, schissts di schochli ah. Drum hani nocher de Sack ufghebet.

6. Nochem ufrume direkt hei go pfuuse isch scho huere schöön. Und wenn di dä Stägi mit äm Satz weckt; i goh go Pizza hole. Isches schochli geil.

7. En chline Tipp am Rande. Egal wie geil bequem die Luftmattratzebetter sind. Chaufed kai, die sind huere schnell kaputt. Und mis Sofa isch halt schochli chlinner als dä Stägi.

8. À propos Stägi... Danke dass du für mi de ganzi Car informiert hesch, wies i mim Liebeslebe lauft🤣

9. Wenn ufzmol alli im Car ahfönd strippe und dusse ehren Buuch zeiged, weisch du bisch zMoslig. Me sind denn aber alli chli verwirrt gsi, dasmer im chalte Rege hend möse verusse warte, bismer hend chöne i die Sauna go en geile Uftritt spiele.

10. Wenn din Brüeder zvorderst am zuelose isch und voll abgoht, weisch hesch nebis richtig gmacht. Und wennd denn i sis Gsicht luegsch und merksch dasser im Chopf mitspielt, bisch schochli stolz, dassd weisch, dasser i paar Johr au debii sii dörf.

11. I ha scho bitzli möse lache, wos gheisse het me dörfi kai Bier me trinke ade Schuelfasnacht... Und das imene Kaff🤣🤣 und nödmol es Caprisonne hends mer gäh.

12. Wenn am Sprengerstollä sogar dis Instrument sait, dasses nüme mag, isches glaub e gueti Saison gsi. #Regi i bruch es neus Fell

13. D'Schränzerfamilie isch doch eifach di best. Wenn jede gad chunt und froged obmer helfe cha und me sogar zemegschisse wird, wemmer selber mitm Wägeli dStege abelauft, merkt mer denn scho gad nomel, wie gern mer doch alli het.
Clödeli geschrieben am Februar 15, 2024
1. Wenn am Schmudo vo allne ahgfiehlet wirsch, öb wieder representativi Ufgabe hägsch, dörfsch nach de Guggeverpflägig stolz sägä, das mal hani definitiv meh weder am letschte Fäscht gschaffet.
2. Wenn der Desi seit, dass dä vode Amriswiler ä super Trompete seg, glaubsch es erst, wenn stuhnend vor dem Herrgöttli stohsch und s Mul vor luuter guet spille nömä zuä bringsch. Eimal im Läbä würd ich gern so spille chönä.
3. Wenn de Leni am Schmudo muäss nüchtern bliibe, chaner guät Taxidienst für alti Guggegspähnli mache. Nur häter gmeint, er chemi niä meh im Ulisbach ah, d Lise hät doch drüü Hält dezwüschet brucht.
4. Wenn am Friitig nachem Schmudo Ziiht für en Znüni im Hueber häsch, simmer huärä schnäll gsi mit ufruhme. Und übrigens, de Schlegel got denn au nur eimal im Johr in Züni.- Proscht Pädi Lüzli
5. Wenn mit dä ano dazumal Lehrlingsusbildnerin z Goldige schnäppslisch, isches dumm gloffe, wenn sie nur Appezeller gern hät.
6. Wenn d Kind am Fasnachtsamstig kei Energie meh hend zum bim Tschüss sägä z’brüehle, weisch dass für hüt definitiv gnuäg Umzug gloffe sind.
7. Ä schlächteri Kafistube als z Schänis hani die ganz Fasnacht oder gar miner läbtig nu nie gseh – Punkt!
8. Wenn de nüchtern Peter seit, es lohnt sich nöd id Laserhalle z go, du det ine äs riise Fäscht häsch, will mir das BumBum äbä scho nu gfallt, glaubsch ihm ab jetzt nüt meh.
9. Wenn us dere coole Laserhalle denn usechunsch, und Guggemusig ghörsch, erinnerisch dich, warum überhaupt do bisch, ah ja isch ja eigentlich Fasnacht, hami nu gwunderet warum d Silvana so en farbige Grind hät.
10. Wenn im Car alli Fraue d Hülle falle lönd und ihri BH’s zeiget, denn stoht de heissischt Uftritt vo de Saison bevor.
11. Cha dene Mosliger mal öbbert sägä, dass d Mänschheit äs Gwohnheitstier isch? De ganz Uftrtitt lang han ich gstudiert, wo ich denn jetzt i dere Halle am Guggemusige bin.
12. Wenn am Kevin en warme Hamburger in Car mitbringe willsch, muäsch sälber lache, uf was für Wärme-Ideeä chunsch. Ha scho lang nömä so ab mir sälber müässä lache, au wenni glaub die einzig gsi bin, wo min Spruch luschtig funde hät.
13. Wenn de Pfüdi en Böller abloht und wartet und wartet bis de cheib abhot, hoffsch, dasses ihm bide Fraue nie so got.
14. Wenn s eigete Kind im Car is Mikrofon liiret, häts verstande, dass s Mami sit dem Johr öbbis zsägä hät im Verein.
15. Apropos Kind: Der Apfel fällt nicht weit vom Stamm, wenn de Knopf denn mal offe isch, schnorrets wie es Buäch… ich wünsch üch jetzt scho vill Spass wenn denn die zweit au nu richtig rede chan.
16. Wennmer am Fasnachtsziistig nur drü Lüt nocheschminket, händ all verstande, dass de Numitag au zum Programm ghört und eigentlich en choge dankbare Tag isch.
17. Wenn am Obig vom Fasnachtsziistig kei Gäld meh bruchsch und glich en glatte Obig häsch, chunsch sicher nöd nüchtern hei.
18. Wenn stolz bisch, dass nachem letschte Uftritt nöd so emotional bisch, häsch nunig am Mäthi tschüss gseit, wo üsi Schränzerfamili mit vill Träne verloht.
19. Wenn uf de Kippi gsi bisch, öb nu im Sprängerstolle blibe söllsch oder doch lieber brav de Car go uslade gosch, chasch guät ide Underhose am eigete Kuchitisch mit em Maa uf ä wunderschöni Gugge-Saison ahstosse.
20. Wenn am Aschermittwoch zum Pizzaplausch ihladsch, bruchsch praktisch kei Alkohol, guät chönd mir de Reste wieder am Haab zrugg bringe.

Danke tuusig vill mal für die wunderschön Saison, ich wird üch vo Härzä vermissä!
Egon P. geschrieben am Februar 15, 2024
1. Rein statistisch gseh isch jede dritt Sprenger genau glich dumm wie die andere zwei.

2. Wenn am Sunntig 4 Bolläspicker uf em Tisch ligget, häsch vermuetlich z'viel Kollege, wo dä Saich verchaufet.

3. Apropro Bolläspicker: Wenn dä Schneider din Penis-Huet entdeckt, muesch dävo usgoh, das er nochher nüme dir ghört.

4. Agseit: Churze Umzug. Gmacht: Lange Umzug. Differenz: 4 Kilometer. Danke Stägi für dini präzise Aagobe.

5. Wenn dir am Fritig bim Ufruume dä Chapeau seit was z'tue isch, merksch ufzmol, das es Lüüt git wo no weniger schaffet als ich.

6. Das mit em ufhöre muess ich mir würklich nomol guet überlegge. S'Agebot vom Silvio für ä gmeinsami Saison als Fahneträger isch zu verlockend. Wer sis Instrument also au möcht wechsle, ä Posune und ä Trompete wür frei werde.

7. Wenn z'Schänis i d'Kafistube laufsch und dött en DJ ufgrüstet hät, gsehts per se scho mol falsch us. Wenn er denn mit en huufe Bass viel z'luut die falsch Musig laufe loht, fühlt sichs au no falsch ah.

8. Wenn d'Alternative vo dä falsche Kafistube ä Laser-Halle mit Technomusig isch, hät denn das Fest gar nüme so viel mit Fasnacht am Huet. Aber Lüüt häts gha wie verruckt!

9. Wenn Ganz unverhofft wieder mol dörfsch leite, loht das mis alte musikalische-Leiter-Herz doch einiges höcher schloh. Zwor nüme mit glich viel üebig, aber immer no mit genau glich viel Freud wie früehner. Danke Müüsli und Danke eu allne für die zwei geile Uftritt!

10. Wenn dini Posune-Gspändli uf dä Bühni z'mol spielet wies ihne grad so drii passt, bisch vermuetlich eis Wuchenendn lang nöd däbii gsi und d'Rahmebedingige für so es Musigstückli sind chli glockeret worde.

11. Wenn dich z'mol eine vo dä Siitä aquatscht und seit "Zeig mol din Unterarm, mol luege welle das grösser isch", fühlsch dich zwor bitz gschmeichlet, das dä Typ gmeint hät ich seg en uuu Siäch. Wenn denn aber gsehsch, das dä Unterarme wie Baumstämm hät, lohsch din Arm gschieder wo er isch. Vor luuter Freud über sin Sieg hät er denn dä Anita au grad no eis a d'Schnorre ghaue.

12. Wenn am SchmuDo noch em ufruume no alli zäme in Znüni gönd, wirsch komisch aglueget, wenn en Lutz bstellsch. Aber ich nimmm immer en Lutz, wenn ich in Znüni goh.

13. Moslig isch und bliibt ä geili Fasnacht. Aber wenn d'Bühni z'mol uf dä andere Siitä vo dä Halle isch, dä Usgang nüme am gliche Ort isch und kei Maisgold meh zum trinke git, fühlt sichs so ah, als wärsch s'erst mol a dem Fest. Gspässigi Type die Mosliger.

14. Wienerli mit Brot, Pizza, Berliner und Spaghetti Bolognese - und das alles innerhalb vo 4 Stund. Herzlich Willkomme du schöne Fasnachts-Zistig!

15. Wenn i dä Spanisch en Dicke alte Maa mit Vollbart hinterem Trese fürechunnt, häsch z'erst s'Gfühl d'Welt goht unter. Wenn denn merksch das da s'Barpersonal isch, wunderets dich nöd, das es nur komischi Mensche i dem Spuntä hät.

16. Apéro, Chäshörnli und Shisha bim Hinti sind eifach immer no die beste Start i so es Fasnachtswuchenend. Muchas Gracias!

17. Wenn am Cedrin sis Mami noch em Stollä will dä Bueb go hole, chas passiere das sie s'Auto zwor volle Schränzer hät, dä Cedrin aber gar kei Lust gha hät zum hei goh.

18. Wenn d'Sabi Hamburger isch, muesch dir die ganz Fasnacht kei Sorge drumm mache, das es dir a öppis chönnt fehle. Grossartige Isatz gsi, danke! Mini Stimm häsch uf jede Fall.

19. Dä letzt Uftritt vo dä Saison nebed eme lachende Hinti stoh, will endlich mol beidi dra denkt händ zum dä Penis-Huet mitneh, isch en würdige Abschluss vo dä Fasnacht.


Gueti Erholig!

Hochachtungsvoll

Egon Pimmelmann
GlitzerQueen geschrieben am Februar 12, 2024
1. Wenn d Chalberhalle vo mehrere Gugge als Hexekessel bezeichnet wird, ischs glaub es tolls Fest gsii😘
2. En gfitzte Gugger schnappt sich bim Ufruume am Fritig sofort en heiss begehrte Bese😎
3. Wenn für dich Nagellack mitnimmsch zum während em Schminke chli ahmölele, chas sii, dass plötzlich di ganz Gugge mit schöne Nägel ad Fasnacht got 💋
4. Gär nöd gwüsst, wie gross da Wittebach isch. I ha gmeint mir chönd nüme ah😅
5. De Macarena-Tanz got imfall zu jedem Lied und i jedem mögliche Tempo🎵
6. En gfitzte Gugger spielt in Moslig nur mit BH unterem Gwändli😁
7. Guggegwändli tuet mir ja nöd wäsche, aber wenn de Pfüdi drufseicht, würis vilicht glich mol uswäsche😂
8. Für das, dass St.Galle e grossi Stadt isch, isch de Umzug huere eng
9. Monsterkonzert noch Umzüg sind für Ahfänger😜
10. Wenn mehreri Mösliger zu dir chönd und säget, wie Freud das hend, dass sooo viel Städtlischränzer ad Uslumpete cho sind, zeigt da, wa für e tolli Truppe mir sind😍
Öle geschrieben am Februar 12, 2024
1. Wenn Claudia mit eim riese Grinse zu dir chunnt und seit: „Olivia ich bin schockverliebt“ Und sie verzellt vo eim wo Trompete spielt wie es „Herrgöttli“ weiss sie ez ganz genau wie ich mich gfühlt han bim Schlagzüüger im Sattel.
2. Apropos Schlagzüüger. Aso i ha scho immer gwüsst das Schlagzüüg spiele en riese flex isch. ABER Schlagzüüger sii bide Sprenger. Respekt.
3. I ha nöd gwüsst das Kathrin so chan usraste. bin gad echli verschrocke. Aber isch guet isches mol gseit gsi, danke!
4. Wenn din „gfitzte gugger move“ isch, zum sich im car scho abschminke und di alli dumm amachet, weisch spötischtens ufem weg vo moslig hei, dases garnöd sooo e schlechti idee isch. De Stägi isch nämli au ohni schminki zum car us gstige.
5. Wenn am Monster en Maa zu dir chunnt und frögt öb die 4 Italiener wo nebet ihm stönd dörfet es Föteli mit dir mache. fühlsch dich irgendwie scho echli gschmeichlet...au wenn de Grund nur isch, dass sie das z'Italie nöd kennet.
6. Wenn am Fasnachtssunntig alli mit blau lackierte Fingernägel umelaufed, fehlt nur no s buuchfreie Schränzer-Shirt und de Tanga.
7. Es isch zwor schad, cha de Cedrin amel nüme mitspiele. Het aber au Vorteil, wenn er ade Uftritt chan filme. danke!
8. Wennd jedes mol froh bisch, hesch di am Afang vo dinnere Guggekarriere für d Chillerzone entschiede. Regi mit dir machi gern powernaps <3
9. Irgendwie isch niemer begeisteret gsi vo minnere Idee zum Woodie spiele nöchsti Saison. I ha denn aber usegfunde das i garnöd die einzig bin wo s instrument wött wechsle. Ich bin jo gspannt uf die Wechsel😂Und danke Stefi das du mi unterstützisch 😌
10. Ich find mir chönd jede Sunntig en MüüsliUsgang mache. Vorallem wennmer denn defür no en Fröschli-Turm öberchönd, wil mir meh als füüf lüüt vonnere Gugge gsi sind.

Bonus:
Ich freu mich uuu uf de letzt Tag mit eu morn😚
Siilv geschrieben am Februar 5, 2024
Jeeeeey es got ab uf Adelberg……….

1.Am Fritig chum in Car igstigä bisch und scho musch dini Hosä abälo nu wil alli de Blau Fleck wend gse wo der de Silvio gmacht het.

2.Da chogä Knoblerä isch lustig, aber 2 Schnäps mitenand isch gärnöd so guet, veralem wens den no en Rahmigä und en Normalä zämä isch.

3.Aso Claudia mir wär das immer as Nastüechli denkä eifach z vill woni müst überleggä, i bi definitiv Team Betazug wäschä 🙂

4.Ich Glaubä so vil galachet wi a derä Apresski Party in Adelberg hemer alli no niä weret em Uftrit, wen den aber du und d Desi mitenand lachet chas den halt sie das d Sakia alei mus spilä. Aber he glich scho lang nüm so vill Kompliment übercho für üsä Uftrit.

5.Am Samstig z Adelberg go schminkä isch jo kei Problem, diä Schminkkomision isch jo huerä guet igrichtet.

6.Apropos Schminkä. I ha mi scho gad echli gehrt gfühlt wo de Stägi gmeint het ich derf das Wucheend chlli Rot schmink. D Sternä hend den aber nöd so klapet sind eher Flädä gsie. Uuuupsii

7.I ha jo gärnöd gwüst wa üs do z Schwäbisch Gmünd so erwartet, eifach mol istigä und luegä wa chunt. I Glaubä went immer schö machsch wa d Nina und d Sabine säget den chunts guet.

8.Uf de Bühni musch den aber eher mol uf s Clödeli losä will chan halt würkli si das ihrä de Titti z lang got. I ha mi doch gad uf di churz Verschnufpausä gfreut gha!

9.Wen d Desi di im Paulaner werend em Uftrit in Arm nint und di chum me loos lot weisch das irgend öpis richtig gmacht hesch. Aso ich bin au Stolz uf mich das ich d Desi soooooooo Stolz gmacht han.

10.Mitlerwilä bini Zimlich froh het mi s Müüsli und min chlinä Brüeder dezuä bewegt hend zum i de Schwachmatä Verein z go. Aber he er sind di geilstä Schwachmatä wos git!!!

11. Und he ich glaub kei anderi Guggä het so e geili Stimmig, weder Unteränand no ud de Bühni! und da isch jez jo definitiv au hoch Offiziel! Top Stimmungsmacher 2024 in Gmünd

12.Noch drü Täg Späzle mit Sauch chan der Irgendwen auch chli verleidä aber wen di de Silvio am Sunntig scho zum Zmittag iladet den derfsch halt au nöd mötzlä.

13.Apropos iladä, i find da uuuuhuerä schö das mit de Schränzer eifach mol es Wucheend chasch weg und vo alnä igladä wirsch, vilicht lits au dra das eifach d Euro nöd mitgno hesch.

14.Aso mir und mim Portmonnaie hets wörkli gfale, i has so wenig brucht das is am Sunntig den natürli au gad im Car lo han, aber usene chamer jo eh niemer öpis, will Geld hani kei dinä!

15.Aso eis muni sägä Claudia! Für mich isch es noch dem Wucheend es klars JA!
Raver Melanie geschrieben am Februar 5, 2024
Was war das? Bi eifach immer no mega öberwältiget vom letschte Weekend 😍

1. Wenn im Car endli wieder knobleret wird, isch sehr wohrschindli de Adi au mit debii.
2. Wenn d' Claudia vom Höpperle redet und erklärt, dass mengmol au eifach s Papi underem Chüssi neh mosch, frogsch dii vellicht, öb denn da nöd scho bockhärt isch.
3. E lustigi Carfahrt, e schweti Dütschi, wo üs freudig erwartet, es Zimmer bi Privatlüt, e grandioses zmorgä Ahgebot mit optionale Extrawünsch, e Aprè Skiparty, wo extra of da Wochenend verschobe worde isch, demet mer au öppis devo hend... Liebi Lüt, da isch Adelberg!
4. Wenn der d'Silvana im Bett seit, "isch glich, wenn i no eh Gschichtli laufe loh. I cha denn ebbe chli besser schlofä", mosch recht lut lache, wenns nebet dir zmol "Ringringringring tritratralala tritratralala.." macht.
5. Ide zweite Nacht bisch denn vellicht chli enttüscht, wenns Gschichte vo de 3 ? ? ? sind.
6. E frog a alli: Wie erklärt d'Ramona am Gastvater vo de Jölä, dass no mit em Chrankeauto im Spitol gsii sind?
Richtig! "Und dann, und dann.. mit Tütütütüüü."
7. Cha mer näbert sägä, ob die 1. Posune a de Après Skiparty ein of Arschlochposune het wöllä mache? Höch ischs jo gsii, aber definitiv nöd Arschlochhöch. Aber schö, wie ers alli döräzochä hend. Und wörkli es isch alles eeeeeeeeaaaaasyyy.
8. Wenn de Bobo ahseisch und de Hugo gspielt wird, denn mosch glab ahfange Diiiitscheeeeeii Bobo sägä.
9. d'Claudia het sich am Wochenend definitiv als Chefin dörä gsetzt. Wenn sie e musikalisch Abchörzig macht, machet alli e musikalischi Abchörzig..PUNKT!
10 ah d'Emotione vom Stägi mag etz wörkli niemer ane. D'Sarlach of de Bühni het er glab meh Handherzli gmacht, als Sousi gspielt. Aber Stägi I löver juuu trotzdem.
11. Apropos Sarlach: bi mer teilwies nöd sicher gsii, ob de Adi etz s'Partyanimal glich useloh wött oder nö. I glaub aber, dass er da selber au nöd so recht gwüsst het.
12. Apropos Partyanimal 1.0: Jolanda, en Flamingo inere falsche Farb isch demet nöd gmeint.
13. Apropos Partyanimal 2.0: Stägi, eh gschosses Reh isch au nöd s Ziel.
14. ganz nochem Motto "Die Letzten werden die Ersten sein" sind mer am Zunftmeister verhocket und hend am Sunntig no es Prisli heignoh. Im Prinzip hend mer zwo Mol gwunnä.
15. Und wenn no de Promi z'Morge to go mitzehlsch mindestens drüü Mol.
16. Zur Info: D'Schminki isch zwor nöd schweiss-, deför tränefest. Ha vor luter Freud no gschwind en Extrem-Test gmacht.
17. Wichtig!! Liebi Chind passet i de Schuel uf und lernet schö. Ä Mc Donalds-Karriere chan nämli scho recht beschiesse sii. Vor allem, wenn en Ehreschränzer mit em Geld zahlt, wo voher i sinere Kacke glege isch.
18. I weiss jo nöd wa er i 3 Johr machet, aber evtl. hend d'Silvana und i üsnä Gasteltere "Tschüss bis i 3 Johr" gseit.


Zuesatzerkenntnis:
1. Dank Claudia, etz weiss i au wie die Cammerer-Chind heisset.
2. E Sunnebrüllä mo nöd guet usgseh. Du muesch sie fühlä. 😎
Inselhüpferin geschrieben am Februar 5, 2024
Wenn chum weisch wod söllsch starte, mit de Erkenntnis, fangsch am beste eifach mal ah schriebe:

1. Wenn's a dä HV ä grossi, emotionali Diskusione git öbmer das Johr uf Adelberg/Schwäbisch Gmünd söllet go, wunderisch dich nöd, wenn es chliners Trüppli als gwohnt in Car ihstigt.

2. Umso meh biberisch aber bis am Friitig morge, dass kei wiiteri Abmeldige ineschniiet (und jetzt spötistens wüsset ihr wem die Erkenntnis ghöret:-)), und bisch denn doch entüscht, wenn krankheitsbedingt numal drüü usfallet.

3. Es git zwei Möglichkeite wie mer nach de schönschte Näbetsach vode Wält mit de Mikroläbewäse umgot. Zu wellem Team ghörsch du? Inselhüpfe oder Bett frisch bezieh?

4. Au wenn es grosses Muul häsch, amne wenig guät bekanntem Kuchitisch Smalltalk betriibe isch denn sogar für mich usserhalb vo de Komfortzone. Wenn dich am Sunntig bide Verabschidig herzlich Umarmsch, weisch aber wieder, das sind eifach au nach vier Johr immer nur Härzensgueti Mänsche.

5. Äntli chum isch jetzt bi dere Cammerer-Familie au mal druss, de grösst isch dä Robin, de jüngst isch dä Pascal, de wo am meiste redet isch dä Frederic und dänn gits do nu d Schwöschter Sonja wo am Bodesee wohnt und d Schapo-Schwöschter Maria und dä Koch wo üs am Friitig fein verköstigt hät. Tschegget?

6. Apropos Cammerer Familie: gäll Frederic, muäschs nöd nur do ha.... sondern au do..... d Gestik chönder üch nach dem Wucheend sicher denke... 1:0 für mich - gelöscht-gelöscht!

7. Wenn de FC s Fäscht äxtra ä Wuche füre verschiebt weg üs, freusch dich, dass a dem Friitig nu öbbis lauft. Nur das mit de Bar ufstelle, müänds üs Schwiizer glaub nu bitz abluägä.

8. Wenn de Melanie seisch, probier lieber am Friitig Obig us, was mit üsere chlii Formation möglich isch zum Spille, muäsch dich nöd wundere, wenn nach em Uftritt die 1. Posune muäsch go ufheitere - eeeeeeeeaaaaasssyyyy, die Dütsche wüsstet wenigstens wie d Layla würd töne.

9. Uf dä Stägi isch verlass! Wenns heisst, morge am 9ni parat sie zum Schminke, richtet de Stägi alles gut gelaunt und wartet bis all sini Schminkkommissionsgspähnli nur nur d Schminkpistole müänd id Händ näh. Apropos Stägi, wenner im Liiri Modus isch, nützt mit lieb rede und bittibätti mache nüt, anehocke und schnorre zue, isch vill efizienter.

10. S'erst Mal an Zunftmeister z Schwäbisch Gmünd isch ä Ehr. Aber nüchtern betrachtet eigentlich au nüt Speziells. Ussert mer dörf de Momänt mit zwei liebe Mänsche teile!

11. Wenn de Bobo ahgseit wird, de Hugo verstohsch unds nu luut hindere rüefsch, wirds en depremierende erste Uftritt. Danke Silvi dass du am schnellschte reagiert häsch und mir knapp vorem Pray denn nu d Kurve verwütscht hend.

12. Defür sind ab dem Ziihtpunkt alle höchst konzentriert parat gstande und reagiertet üsserscht flexibel, wenn mir s Stückli eifach zu lang got und ichs chli abkürze. Danke tuusig ihr sind eifach super!

13. Während em Päusli vom Ufrtitt bis zum nächste, hänksch dich eifach paar Schränzer ah, wem spillt das Johr so überhaupt kei Rolle, jedem mit jedem eifach genial!

14. Zum Glück hend mir nachem Znachtesse nomal vorem Prediger dörfe zeige wie mir richtig Musig machet, min absoluti Highlith Uftritt vom Tag, vo zforderst bis z hinderst sind alli Händ dobe gsi und hend mit gmacht.

15. Guet sind de Adi und dä Mäh mit uf Gmünd cho, immerhin kennet sie jetzt dä Prediger in und uswendig, für meh häts aber leider nöd glanget.

16. Wenn bim 9. und letzte Uftritt denn doch mal nu dä Schrumpfkopf ihsetzt, bisch froh, dass es erst so spot passiert.

17. Normalerwiis hend mir am Sunntig z Adelberg aml rasch bitz es ihwärme gmacht bevor mir uf Schwäbisch Gmünd. Aber was isch das Johr scho normal, himmel, so vill Adelberger han ich ja nu nie gseh! geil!

18. Heisst aber au, dass nach de Dankes-Ahsproch denn grad es Schnäppsli zur beruhigig vode Närve bruchsch. De Job duät mir glaub nöd guät, seg schiins ide letschte Wucheene nöd s erste Schnäppsli gsi wos brucht heg.

19. Bravo Tourplaner, äntli hend mir s aller ersti Mal dörfe i dere grosse Halle spille! Gäll Regi, es isch doch au din ersti Uftritt i dere Halle gsi oder?

20. Wenn 3/4 vo de 22 spillendende Schränzer nöd wüsset, das mer a dem Guggeträffe Prise gwünne chan, zeigt das, das mir vo tüüfem Härze das machet, wo üs Freud macht. Eifach einzigartigi Schränzer-Musig!!!

Ich bin so wahnsinnig stolz uf jede einzelne wo alles gäh hät, das mir spielbar gsi sind ihr sind genial und ich freu mich mega, das mir ab jetzt wieder hoffentlich (!) vollzählig chönd zämä Musig mache, wie geil muäss dänn fascht doppleti Schränzer-Power töne?!


p.s. nu än Tipp vomne gfitzte Gugger:
En gfitzter Gugger blost die Wuche mal nu rasch die andere 12 Stückli vom Repertoire dure, damit mer abem Dunnstig denn nöd überrascht sind:-)
Lord of the Ducks geschrieben am Januar 31, 2024
1. Wennd würkli a jedere Fasnacht uf dini zu de Gwändli passende Frisur agsproche wirsch, denn hend sich die 4 Stund anehebe und s Kopfweh die zwei Nächt druf sich scho glohnt, danke Anita!
2. Wenn dir während eim Uftritt e Becki weggheit und sich bimene Tom 3 vo 6 Schrube lööset, denn frogsch di scho, öb denn de Adi die letschte Johre d Chuchi nur gstrichelet het
3. Das es mol en Schläger nimmt während emne Uftritt, isch es ja kei Sach. Aber wenn du mit 6 Schläger startisch und am Obet nocheme chline Umzug und eim Halleuftritt nurno zwei hesch, muesch für nögst Johr glaubs dringend e Budget iigeh für Drumsticks
4. Apropo z’wenig Drumsticks, dass isch au de einzig Grund, wieso dass de Ogi am Narregottesdienst kein Schläger an Grind übercho het. Aber wenn mer so en Chabis zämespielt, dörf mer sich den nöd wundere, wenn halt mol öppis anders z’flüüge chunt
5. Wenn im Tögg nebetem Lösi und em unschuldige Cedrin hocksch, chasch ihm vieles biibringe. Zum Biespiel weiss er ez, wieso dass mers Zuckerpäckli vorem Uftue sött schüttle und wie mers am beste vo de Hose wegbringt …Immer Klopfe, nöd weg striiche Cedrin!!! HAIaiai, ENTLich hetters begriffe 😉
6. Apropo Entli, wenn mer sich die verdient het, dörf mer das au mit Stolz präsentiere. Wennd jetzt kei Ahnig hesch vo was d’Red isch, denn würi mi chli astrenge. Kevin, Lösi und Öle sind vorne mit debi
7. Wenn mer sich scho d Müeh nimmt und e Person Znacht mit extra Umweg no heifahrt und am nöchste Morge sogär wieder abholt, dörf mer doch mindestens mitemne Ihklemte rechne, nöd?
8. Isch das e Regle, dass dir ah de Chuchi währen dem Spiele keine es Bier oder en Whiskeycola dörf bringe? Wenn ja, chömmer da bitte ändere?
9. Wenn en (Ex)Paukist vo de Sprenger miteme riise Lätsch uf dich zuechunt und meint, dass mir ab jetzt leider kei PaukeBros meh sind, well er het müesse uf Chuchi wechsle, het er e riise Freud wenn ihm seisch, dass mer jetzt halt (für die Saison) ChuchiBros sind.
10. Falls öppert no Kaugummi wöt, i han immer debi 😉
Oköl geschrieben am Januar 30, 2024
Ha no vergesse sege

12. Wenn dis instrument all uftritt muesch umstimme, chas entweder nur wiiblich sii oder uf wish bstellt

Dankä tschau
Oköl geschrieben am Januar 30, 2024
I cha nüt defür d'Melanie het de Name als super empfunde😂

1. Wennd ade Bar schaffsch und dir ufzmol e Telefonnummere gschickt wird, merksch villicht au mol das am flirte gsi bisch

2. Dating wärend de Fasnacht isch huere sträng, wönd alli immer uptodate sii

3. De Hinti isch en Maa für alles. Bruchsch Datingtipps, eppis zum Schlecke oder e helfendi Hand, de Hinti isch für di do, muesch nur en Pfiil go nä bevor de Car fahrt

4. Nöd chöne Esse und trinke het de glich Effekt ufd Schminki wie umeschlecke, gwüssi Gugger verstönds denn amel nöö

5. Wenn zwei Schränzer bi dir im Gästezimmer ufnimmsch muesch demit rechne das ufzmol beid bi dir im Bett ligged und wönd kuschle

6. Du weisch das Katz gschisse het, wenn de Stägi is Badzimmer goht und fast chotzed

7. Schono reudig wenn dä Boooo nöd mol für nebis z'esse langed und du no mosch druffzahle für so en lumpeburger

8. Wennd dir d'Deko scho id Hand druckt wird, weisch hesch alles richtig gmacht

9. Umegumpe und Tanze isch halt huere geil, abgoh wie uf de Hüpfburg isch zwor am Obig lustig, am nöchste Tag hanis wie nomeh gspürt. Danke Dööv dass mir dra denke hilfsch, dasi nöd dör umegumpe

10. Und jo schlegel de Schnupf het uhuere gstunke, ha noher gad nomel es Kroki möse go näh ad Bar, dasi da überstande ha

11. Du weisch du bisch mit de richtige Lüüt underwegs, wennd nach 5 Minute scho ade Bar stosch und es Kroki vor dir stoht
GlitzerQueen geschrieben am Januar 29, 2024
Wenn so viel neui Lüüt plötzlich Ihträg schriibet, starti doch au mol min Versuech 😉

1. Jo, ich han min Pulli jetzt au ahgschriebe und loh ihn nie meh los.
2. Es git zwor trotzdem so Kandidate (Pfüdi) wo trotz super beschriftetem Pulli de Falsch mit hei nehmet.
3. Wenn kurz vor Saisonbeginn e riiiese Temu-Bstellig achunnt, chönds nur Ohrering oder Entli sii
4. Ganz vorne Sitze im Car muemer zerst üebe. Isch gär nöd so eifach wie mer denkt. Und au eifach schad um die Smirnoff
5. Wenn im Narregottesdienst de Regi nurno de Kopf schüttlet und so bös luegt, dass er bald en Schläger wirft, weisch dass de Ogi no nöd ganz wach isch und en huere Seich zämespielt
6. Falls öppert ah de Chuchi mol usfallt, i cha sit de Bar bim Resti Churfirste jetzt de Guggemarsch 👍
7. Laufe isch für Ahfänger, en gschiide Gugger fahrt mit de Kutsche an Fotitermin
8. Wennd de Hueste hesch, muesch nur zu de Claudia. Die isch für en Appezeller immer zha.
9. En gfitzte Gugger schminkt sich scho im Car ab (Danke Ölä😘)
10. Minnere Meinig no chönnt höchstens de Uftritt in Moslig no geiler werde als de in Ganterschwil. Leck hend mir Gas geh.
11. In Bazeheid hets für Essensbööö au eifach Shots geh
12. De Cedrin het im Tögg sis erste Kafirähmli gesse
13. Vilicht söttet mir de Melanie au es Podestli organisiere, wie de Obergugger vo de Flamingos. Denn wür sie bim Gumpe au endlich höch uecho.

I wünsch eu es wundervolls Wuchenend in Dütschland und freu mi ez scho uf de Schmudo💕
Verkehrslotsin EFZ geschrieben am Januar 29, 2024
Han no öppis vergesse..

Hihi sie het Fütz gschriebe!

Okee dankee
Verkehrslotsin EFZ geschrieben am Januar 29, 2024
1. Wenn am Mäntig Morge mit eme Kaffi und «Auge wie Schwiifütz» an Tisch hocksch und d’Erkenntnis schriebsch, ischs glab e guets Wochenend gsi. (M.L. Eigenmann, o.D.)
2. Tatsächlich hets d’Weegee au mol rechtzitig zum Schminke gschafft. I hoff, dass da de Samstig und de Sunntig wieder bitzeli guet gmacht het.
3. De Securita z’Mogelsberg hets übrigens da Johr immer no lustig gfunde, wo i gseit ha, dass mer au hüür gladni Gäst seget.
4. Wenn s’Mami am Sunntig obig frögt, obs im Scherrer obe guet gsii seg, well d’Rös ehre verzehlt heg, dass dei nard nie so viel Lüt het, erklärt das einiges.
5. Wenn dei obe d’Frau Präsidentin seit «ah es Gummibärli», denn söt d’Antwort nöd sii «Ah stimmt du bisch jo so Alt, dass da no kennsch»
6. Wenn bi de Kollegä Gähwil 12 Bier holsch und nur 10 Stutz zahle mosch, hesch definitiv en guete Deal gmacht.
7. Het mer au näbert chönnä sägä, dass z’Gähwil mit 3 Lieder dur de halb Umzug magsch, denn het i nämli de Grappa wehemend nomol e Saison verteidigt.
8. Wenn z’Gähwil am Umzug go frögä gosch, wer do denn de Tom isch und der 3 halbi Manne im bare ernst erkläret, dass Tom Schwizerdütsch för Dumm seg, sinds vellicht chli verdutzd, wenn miteme Lachä weglaufsch und seisch «Wow, ehr leistet demfall dem Name alli Ehr».
9. Wenn vor em Uftritt z’Ganterschwil d’Frau Präsidentin zu dir chunnd und seit «hüt all in», denn chasch guet mol 35 Minute spiele. Isch aber GEIL gsii! Dankä Müslis!!
10. Wennd währendem Ganterschwil-Uftritt die verhület Ramona gsehsch, mosch der glich au es Tränli verkneife.
11. Anschinend hend jo d’Mösliger min Ample-Spruch nöd so lustig gfunde. Aber i ha au ghört, dass dei no öppä en Humorlegastheniker heg.
12. Wichtigi Frog: Het nomol näbert Muskelkater vom Gugug?
13. Und wenn am Morge «Auge wie Schwiifütz» hesch, chas guet sii, dass dini 10 Erkenntnis erst am Nomittag ueladsch. (M.L. Eigenmann, o.D.)
Dr. Sommer geschrieben am Januar 29, 2024
Nochtrag zum letzte Wuchenend:

Lieber siebe Henne am Tisch, als eini uf em Teller.

Und do no dä Rückblick vo dem Wuchenend:

1. Dä Ruef vom Fraueflüsterer hät sich so schnell umegsproche, das im Car fäng alli Henne wönd Tipps ha vo mir. Wenn das so wiiter goht, muess ich jo bald Sprechstunde ifüehre.

2. Wenn im Tögg am Hinti sin z'Nacht grad au zahlsch, will er nöd ume isch, häsch s'Gfühl du häsch ä gueti Tat vollbrocht. Wenn er denn aber scho im Car hockt und seit, er hät selber scho zahlt, gsehsch huere alt us.

3. Schön, wenn mer dä junge Gugger no so legendäri Sache wie dä Haselmöösler-Wage chan zeige. No schöner, wenn denn d'Olivia seit: Ah, jetzt chum i druss: Das sind jo gar kei Haselmüüs, sondern die chömmed vom Haselmoos. I ha mi no gwunderet.. HASEEELMÖÖÖSLER - ALLES GEILI SIÄCHE!

4. Grad nomol schön, wenn mer en junge Gugger mit em alte Schnupf verwütscht. No schöner, wenn denn d'Eveline seit: Wäääh, dä stinkt jo huere!

5. Wenn sich dä Sprenger-Silvan zum d'Schuehbinde bückt, muesch d'Situation sofort usnutze. Dä Lümmel han i schön an Bode abe gvöglet.

6. Wenn sich dä Regi i dä Chirche umtrüllt und zum Stägi seit "chasch du bitte nöd eifach mol dini Fresse hebe?", denn spielt d'Orgle ziemlich sicher nöd "Schneewiisi Chreeeiää..". Hahahaaha, Herrgott han ich müesse lache!

7. Wenn am gliche Wuchenend grad zwei mol dä Isatz als Schminkhelfer verpassisch, machsch dir nöd so viel Fründe. Viellicht müesst mer sich für nöchst Johr mol überlegge zum en Ämtliplan mache und ufhänke, das wür sicher helfe.

8. Apropro Schminkhelfer: Wenn di denn würklich nüme chasch us dä Situation useschnorre und muesch die huere Schablone putze (Weiss dä Geier, wieso das mer die noch jedem mol schminke sött suber mache) muesch ziemlich hart lache, wenn ghörsch das dä Manser din Putz-Partner isch, wo grad direkt vo Ganterschwil um dä Egge gschletzt chunnt..

9. Wenn i dinere Sprechstund ä spannendi Gschicht vo dä Petra verzellsch und dich am Schluss alli frogend alueget, gits ziemlich sicher gar kei Petra i dä Gugge. Cha mol passiere, bin jo au nonig so lang däbi.

10. Es Armchetteli wo "Pfiffeli" druffstoh - es brucht mängmol scho nöd viel, zum mir ä Freud mache. Danke Müüsli!

11. Im erste Moment häsch s'gfühl, das isch no en cheibe gäbige Umzug. Im zweite Moment häsch denn eher s'gfühl, das isch jo en mega scheiss Umzug. Däfür han ich zwüschet ihne Ziit gha, zum wieder mol mini alte Pauke-Fähigkeite noh zgoh. Dä Chochlöffel goht jetzt immer.

12. Falls eu i dä nöchste Täg z'Kengelbach hine ä Susi über dä Weg lauft - isch vermuetlich dä Stägi, wo immer no s'richtige Plätzli für s'Foti am sueche isch.

13. Notiz a mich: Wenn dir en Blätz vo dä Lippe wegplatzt, söttsch Posune besser nöd uf em Kirchebänkli entspuddere. a) gits en grosse rote Fleck uf em Bänkli und b) wirsch vo dä Käthärä aapfutteret.

14. Nomol Notiz a mich: Wenn sich anderi Gugger drüber freuet, das ehemolige Schränzer Tränli vergüsset wenns üs gsehnd isch "Wenn ich mol nüme däbii bin, brüell ich höchstens vor Freud, das ich eu Mongos nüme muess gseh" nöd die richtig Antwort.
Siiilv geschrieben am Januar 29, 2024
1. Z Mogelsberg inä laufä und zersch mol mit de Eveline und em Silvio 2 Krokis trinkä wird sicher lustig.
2. noch all dänä Krokis wider diä villä Stägä ufä laufä isch den aber chogä streng
3. Went uf em Heiwäg no is Feld gosch isch s Heileit vom Obig definitiv all diä Blick wen de Car anä fahrt und 6 Trümligi Schränzer usstiget.
4. zum glück hemer noch em Feld als Weegee absacker no schnaps vom Göni gha, wil s Bierfässli isch nämlich scho läär gsie.
5. bim Ufwärts laufä Spilä isch chogä sträng au wens nu par Meter sind.
6. Z Ganterschwil wiä abgmacht dur d Kuchi inä glaufä aber de Adi isch nöd dötä gsie. bi Schwäääär entüschd Papi
7. I glaub s Stillhartä het de Uftrit gfallä d Ramona het Trändli gha, de Adi gstralet bis über beidi Ohrä und de Lenny het sich gad für d Neumitglider Info a gmoldä.
8. Wen am Nögstä Morgä alli din Brüeder suechet bim Schinkä lütsch mol de ganzä Familiä a, aber wen er nöd dihei sonder z Ganterschwil i de Hallä schloft ischs den no chli Schwirig zum en findä. Er isch den halt direkt go Schminkä cho.
9. Lösii i ha emfal au kein Kather gha wel ziit zum afangä usnüechterä isch definitiv z wänig gsie.
10. s Gumpischloss isch no chogä Sträng. Fam Lenherr, Losser und Brander i chum den süs de Lohn am Fritig go izüchä.

Bonus 1. 1 Posunä, 2 Trompetä und 1 Schlagzüg a de Bushaltestell tönt gärnöd mol so guet.

Bonus 2. am Silvio hock i nüm im Bus ihnä sus hesch sicher 7 Blaui Fläckä und e kaputs Ohr

Soo ez set au ich langsam go Schaffä bis am Fritig ihr Schwachmatä.
Clödeli geschrieben am Januar 29, 2024
1. Alkohol isch zwar kei Lösig, aber mängisch brucht mer zur Verdauig vo schlächte Nachrichte zerst en Schnapps.
2. Wenn de Herzensmaa fescht am Arm hebsch zum Heilaufe und er dich ahluägt und sich bedankt, dass er so nöd die ganz Stross brucht, hät er villicht meh we ein Schnapps brucht.
3. Für mich zur Erinnerig: «Esse nöd vergässä»…
4. Mir häts z Mogelsberg scho immer gfalle, dasi das Johr sogar no en gratis Burger und es Hahnewässerli dezue übercho han, macht das Fäscht nu vill sympatischer, herzliche DANK. Villicht lihts aber au dra, dass gmerkt hend dasi Punkt drüü vo mine Erkenntnis überseh han.
5. Sötti d'Anita bi üch mal Weibeier und Pfeierseich bstelle, isch das nur en Versuch Hochdütsch z rede, bringet ihre doch eifach Wiiberi und Pfirisch.
6. Wenn dich mit dä Samira nöd richtig absprichsch, chas sii, dass nocher Happy Hour häsch, und statt zwei halt vier Suuri Öpfel Istee parat sind.
7. Wenn devo usgosch, dass d Jolanda am Obig nöme mit däbii isch, will sie en 30. Geburtstag go fiire wett, bisch freudig überrascht, dass sie glich im Car vor Ganterschwil ahtrifsch. Bravo - jetzt isch au d Jolanda mitem Schränzer-Fieber infisziert:-)!
8. Apropos Ganterschwil – was füren geile Uftritt isch das bitte gsi? 35 Minute Schränzer-Power!!!
9. Wenn dich ehemaligi Gugger mit verbrüehlte Auge empfanget, weisch dass es direkt im Herze weh tuä muäss, wennmer die Schränzer-Familie verloht.
10. Wenn dich dis ehemalige Hamburger-Gspähnli umarmt und seit: «Claudia du bisch als dicks, wüäschts Meitli id Gugge cho und jetzt bisch so ä Perle» danksch für sini Offeheit und so charmant wies dä Stegi seit, bisch eifach nur happy über ä wunderschöni Guggefründschaft.

Ich freu mich ufs bevorstehende Wucheend, au wenn mitme chline Wehrmuetstropfe, das nöd alli debii chönd si.
Egon P. geschrieben am Januar 22, 2024
1. Wenn dis Gwändli bis zu dä Gwändlitaufi wege en huufe Extrawünsch unterwegs isch, hoffsch eifach, dass es denn passt wenns ahleisch. Goht denn scho.. A dere Stell nomol en herzliche Dank!
2. Notiz a mich: Wenn du extra Fasnachts-Gadgets chaufsch zum anderi dämit nerve, dörfsch es nie am Manser schenke.
3. Ä Pizza anstatt ä Henne: besti Idee gsi sit langer Ziit. Zäck hocksch mi 7 Fraue am Tisch und häsch en cheibe lustige obig und bisch noch 30 Minute wieder uf em neuste Stand was Klatsch und Tratsch betrifft. Zruck lehne und gnüsse.
4. ... zudem häsch als Maa denn grad au no es Briefing, was mer alless so sött oder ebe au nöd. Achtung fertig, fertig, iischratze oder en Speck häre werfe zum befüechte seg schiints nöd i Ornig. Das muess mer eim halt au mol säge!
5. Wenn plötzlich ganz neui Name im Gästebuech uftauchtecht bisch a) überrascht und b) stolz, das bi allne namentlich erwähnt bisch.
6. Wenn vor em erste Ton en fremde Maa uf dä Bühni stoht und dich froget "wie viel muesch für din Huet ha?", häsch ziemlich sicher ä geni(t)ali Idee gha. Wenn denn währed em Uftritt en huufe Lüüt uf dich zeiget und lachet, bisch sogar ganz sicher, das ä geni(t)ali Idee gha häsch.
7. Wenn s'Instrumentedepot innere Duschi isch, söttsch dini Posune nur denn an Duschchopf hänke, wenn dä Manser nöd hinter dir stoht. Suss wirsch nass.
8. Grundsätzlich löblich, wenns i dä Kaffistube ä Heizig installiert händ. Wenn die aber nur chalti Luft inebloset, ischs ehner kontraproduktiv. Immerhin isch dä Lutz nöd guet gsi.
9. Wenn dich dä Regi froget ob en Kaugummi willsch und du seisch, denn muesch au eine vo mine neh, muesser ziemlich fest lache, wenn dä glich schlecht Scherzartikel us dä Hose zauberisch.
10. Wieso genau muess mer jetzt bim Uszuug ufzmol möglichst langsam uselaufe? I chume nüme druss.

Hopp die rote - bis am Fritig!
Müüüsli geschrieben am Januar 22, 2024
1. Fasnachtsstart isch, wenn am Fritignomittag id Weegee iziehsch und de Zapfhahne scho zum iiweihe parat stoht.
2. Wenn noch de Gwändlitaufi no en Absacker i de Weegee ninnsch, bisch denn froh, wenn d’Silvana d’Lutstärki vom dütsche Gast für 2 Minute uf Sparflamme stellt
3. Apropos dütsche Gast: Zum Glück het er d’Jolanda sicher hei brocht.
4. So es Upgrade vo de Weegee cha ein scho chli überfordere, drum het de Cöni au lieber uf em altbewährte und vertraute Sofa, statt imme kuschlige Bett gschlofe
5. Üsi neu Hamburgerin isch wörkli super! Sie lieferet nöd nur uf de Bühni, sondern au Lebesmittel för de z’Mittag. Dankä Muetter!
6. So blaui Flecke chönnd jo anschinend wörkli ah jedere Körperstell vorchoh. Aber so e BM stell i mer nöd so ahgnehm vor.
7. D’Uzepatscher bruchet amel e ganzes Probeweekend zum ihren neue Tanz iizstudiere, bis üs langet 2 Sekunde um d’Bühni mit Schränzer z’fülle und spontan e Choreo anezaubere
8. Wenn denksch «Dömmer goht’s eh nömä», gsehsch imme Eggli de Schlegel mit ehme Penishuet wie en Schuelergoof über all Bagge strahle.
9. Apropos Bagge: Am Samstig seg anschinend Flätteresamstig gsii.
10. Wenn im Sattel obe z’mittst im Uftritt ein zu der anechunnd und nochere Visitecharte vo de Gugge fröget, denn isch de Uftritt glab scho ganz geil gsii!

Bonus 1:
Wenn am Sunntig z’mol d’Ramona und de Adi vor de Tör stönd het s’Leberli halt erst am Mäntig wieder Pause.
Bonus 2:
Deför hesch denn aber au wieder Schnupf.
Bonus 3:
Hopp die Rote!!
Clödeli geschrieben am Januar 22, 2024
Herzlich willkomme allne nüüe Erkenntnisschriiber, so cool got die Tradiotion wiiter:-).

Natürlich han au ich fliisig Erkenntnis gsammlet:

1. Das ich nöd uf s Muul ghiit bin wüsset ja alli, das mir nach em erste Fasnachtswucheend aber d Wort fählet, het au ich nöd denkt, es isch eifach en hammer Saisonstart gsi und zwüschetziitlich hani füechti Auge gha!
2. Wenn d Olivia feststellt, dass ich "NUR" 15 Johr älter bin als sie, tönt das bim schriebe nöd so schlimm, wie wenn de Underton bim "NUR" nu dezue ghörsch.
3. Wenn merksch, das eigentlich nur am umeschnorre bisch, statt am Buffet z hälfe, muesch nur die passend Usred defür finde - ich han mini Repräsentativi Ufgob vo mim nüüe Ämtli sehr z Herze gno. Definition gemäss Duden:
a)Vertretung einer öffentlichen Einrichtung auf gesellschaftlicher Ebene
b) an einem gehobenen gesellschaftlichen Status orientierter, auf Wirkung nach aussen bedachter, aufwendiger Lebensstil
ich würd sägä das passt wie d Fust ufs Aug
4. Wenn de Schlegel ä abgschminkti Nase hät und em du seisch, du gsehsch us als ob gschnupft häsch, stuhnsch nöd schlächt wänner stolz sis 10jöhrig, bald lääre Schnupfdösli füre nimmt und seit, sicher hani!
5. de "Goht denn scho"... hät überigens recht gha, würd sägä, das sind glungeni ersti Uftritt si.
6. Wenns am Friitig vo Ehemolige Gugger heisst, so vill Schränzer hani am 03:30 Uhr ide Kalberhalle au nu nie gseh, bisch eifach nume stolze uf die geil Truppe!
7. Wenn der de Pädi verzellt, dass er en nüüe Huet hät, bisch ja scho gspannt was ein wieder erwartet und wenen denn zerst mal demit gsehsch, muäsch eifach nur no lache.
8. Au wenn nu sone zueverlässigi bisch, ade Fasnacht pünktlich all Stund parat z stoh für s Stundeschnäppsli mit em Hinti, isch recht herusfordernd.
9. En gfitze Gugger hät sini Kleider mit em Name und de Telefonnummere beschriftet, wenn das so wiiter got wie das Wucheend, bini denn scho froh, wenn die Nummer au würklich gnützt wird, suscht hani denn bald kei Guggekleider meh.
10. Noitz a mich; Hänk doch dini Kleider nöd ad Garderobe sondern rüehrs eifach zum Reste vode Schränzer Kleider wo am Bode ligget, so chan de Car ohni 4 Minute Verspötig abfahre.
11. Wenn ein s Kind am Mäntigmorge nöd go schaffe loh wett, erstuhnts ein nöd, wenn am Numitag denn doch dihei ufem Sofa d Erkenntnis schriibsch.

Ich freu mich jetzt scho wahnsinnig uf s 2. Fasnachtswucheend.
LaNita geschrieben am Januar 22, 2024
I lgaub zom 1.Mol i minere Fasnachtskariere schrieb i än Itrag…

1. Went alles organisiert isch, froit sich di ganz Famili of dFasnacht
2. Organisiere isch nöd immer eifach, aber „es goht denn scho“ irgendwie, wil es isch alles e Sach vo dä Organisation
3. Went än noiä Job a dä Gwänlditaufi machsch, isch dinä schaffe nöd gleich warm ha!
4. i ha wiiteri Föteli för mini Guggäfotiwand
5. ä grossi Guggä hät guet of 4quadratmeter Platz
6. zvorderst im Car chamers au lustig ha, veralem wenn mer erchlärt öberchunt, wieso das zwei füecht sich zwöschäd dä Bei
7. zSattel händ mer dAnimation öberno, eifach keil* gsi
8. wenn sich Anderi of üsen Uftritt froiäd und sich vorher sind go iwärme, das bi üsnä Tanzilage chönd mitmache, froisch die selber au no meh of dä Uftritt
9. Went zWattwil usstiegsch, gmüetlich hei laufsch, duschisch und di froisch zom ischlofä, ohni das di näbertz dra hinderet, isch begeisterig chli, wenn dä Maa, obwohl er of Liechtesteig isch go helfe uslade, glich au scho heichunt und so schnell bim „schidu“ isch, das er vor der im Bett liit und, halt… i redä vom schnarchlä!!!!
10. Went da mit äm Schnäppsle si losch, gots eim am nöchst Tag chogä guet…

Und no einä zom Schluss
11. es isch so schö, das Fasnacht isch

Wartet, i ha nomel eineä…
12. ou Mann, i bi di zweitältisch Frau im Verein

Soooo, i glaub, jetz hanis… adeeeeee

*än insider us alte Ziitä
Bibii geschrieben am Januar 22, 2024
1. Wennd ade Gwändlitaufi immer wieder d Claudia suechsch und merksch dass sie ihrne representative Ufgobe nohgoht, chasch druf goh dass die de ganz Obig nöd hinderem Buffet wirsch gseh.
2. und denn hoffsch ganz fesch dases nöd dra liit das ihre echli vorher emol gseit hesch sie segi NUR 15 johr älter als ich...
3. Wennd zum Stägi echli gosch go schmüüsele und en komische maa nebet ihm stoht, seit ich söll doch au echli zu ihm cho go schmüüsele, lehnsch dankend ab und laufsch devo.
4. Reminder a mich selber fürs 2025: S' Hennenesse isch ebe au lustig und es git au öppis anders als nur Henne zum Esse. Schiisst di denn glich ah wennd zmittstine muesch goh.
5. Es isch aber glich uu lustig gsi bim Pizza esse, au wenni jetzt en Kulturschock han. uuuiiiuiiiuiii
6. Apropos Pizza esse. Aso Speck chan ich eze definitiv niemeh esse. Danke Schlegel!
7. Gesucht: Schlagzüüger mit chäppli retour ah + Sunnebrille, trägerliibli, Bizeps und tattoos: Wenn da hesch - chum zu üüs id Gugge;)
8.Wennd de anderne Gugge zueluegsch bisch mengmol nöd sicher öb sie dezue zwunge worde sind oder öb sie das würklich freiwillig machet...
9. Du freusch di defür umsomeh uf de Uftritt wenn anderi Gugge seget das sie sich uu uf üse Uftritt freuet und alli uf dich wartet.
10. Fasnacht isch, wennd di am Mäntig scho wieder riiesig ufs Wuchenend freusch!!
Siiilv geschrieben am Januar 22, 2024
Uuuuuhuu min erstä Itrag Und d Fasnacht het entlich gstartet.

1. Went am Fritig Nomitag di erst i de dunklä Hallä bisch und nöd weisch wiä s Licht und d Musig a got chunsch der zimlich alei vor, zum glück sind den schnell alli cho
2. Wo den alles ufgstellt gsie isch und mir go schminkä sind, bi den langsam aber sicher au ich nevös wordä.
3. Wen am obig uf eimol einä vo de Guuuuugä Wörger chunt und meint i hegs falsch a gseit, du aber frogsch öb er nöd wöt spillä? merksch den zimli schnell er isch de Fahnäträger. „den muner mir secher nöd dumm cho“
4. Mit de Frau Präsidäntin uf s WC z go isch e ehr aber au chogä lustig, wa do nöd alles erfahrsch.
5. Noch em Hallä bschlüssä direkt wölä go schloffä du aber id Wohnig inä laufsch und alli am Tisch am Bier trinkä sind merksch das ez zu de WG ghörsch.
6. Wen den au no en Schwob am Tisch hocket musch halt vilicht mol sägä er söl d Schnorrä hebä au wens nu 2min sind länger häters nämli nöd gschaft.
7. I glaub de Schlegel got ab ez nurno mit 7 Frauä go essä. Uiiiuiiiuiii
8. Went im Satel obä dem mit em Pinkä Tütüü es Cheteli a leisch mit „YOU R SEXY“ het er sicher froid und verküsst di immer wider mol.
9. Went vor em letschdä Uftrit seisch das vilicht am hüttigä Tag mol öpis ohni Alkohol setsch trinkä, bisch den chogä froh wen dis Brüederli mit enerä Gotterä Wasser umälauft.
10. Wen aber am Sunntig de Adi und d Ramona i de WG stönd chasch devo us go das wider me Bier we Mineral git.

i finds eifach geill isch wider Fasnacht.
Clödeli geschrieben am Januar 18, 2024
Es isch Ziiht, s Gästebuech wieder z aktiviere:

Do mini 10 Vor-Fasnachtserkenntnis:
1. Zum Glück startet d Fasnacht, besser werdet mir nüme.
2. Mit null-komma-null Promille happerets bim Abba und Whatsapp.
3. aber hey, got denn scho… gäll Pfüdi?
4. Ganz spontan nu en Ufdruck für s Gwändli z entwerffe, isch ziitintensiv, aber versöhnt ein mit de ville Nähstunde für s Gwändli, jetzt fählt s Tüpfli ufem i nöme.
5. Zämä go Znachtesse nachere Samstigsprob fühlt sich „wie zu guten alten Zeiten“ ah, nur dass mittlerwile nu vier stolzi Junggugger mit am Tisch hocket.
6. So schön wie alli folget, mittlerwiile müener sogar wieder Tisch zämärucke bim Friiwilligehöck.
7. Für all wo min Dialäkt immer nunig verstönd: ich bin kein Zürcher, kein Glarner sondern ä Märchlerin und wirds au immer blibe;-)
8. Wenn bim Abba am Ogi zueluegsch wie er uf vier zellt, damit er sini drüü Paukeschläg zur richtige Ziiht bringt, chas guet si dass de eiget Ihsatz verpassisch.
9. Verloh dich nie ufen Insta-Countdown, rechne gschider sälber rasch noche.
10. Wenn s Chribble im Buch immer grösser wird, weisch warum mit vill vill Härzbluet en Städtli-Schränzer bisch.

I dem Sinn, ich freu mich riiiissig uf de Fasnachtsstart mit üch verruckte chöge;-)!
Müüüsli geschrieben am Februar 24, 2023
1. Wenn am Schmudo eis Foti noch em andere vo dir gschosse wird, bisch dir nöd sicher, ob da gad en Groupie oder din ehemolige Chef isch.
2. Es git Lüt die chönnd kei Bluet gseh und den git’s de Robin.
3. Wenn s’Zimmer mit em Flitzi teile mosch, schätzischs umso meh, wenns die witere Nächt wieder mit de Ramona teile dörfsch.
4. Wichtig! No well zwo Knalltütene us mim Schueh trinket, heisst da nöd, dass ich die aktuell Bachelorette bi.
5. Wenn z’Niederwil vom Chindermaskeball weg gohsch zum go z’Nacht esse, bisch glich erstuunt, wenn z’Obig wieder chunnsch und de Chindermaskeball immernonöd fertig isch.
6. Übrigens..Han gär nöd gwösst, dass mer so viel Innedekorateure ide Gugge hend. De Wandelefant isch of jede Fall uuh schö worde.
7. Wenn din Plan gsii isch, dass ide WG usstiegsch und go schlofe gohsch, macht der de Peter und dini Labilität ganz sicher no en Strich dur d’Rechnig. De Blick vom Ogi, wo mer denn aber glich no noch ehm dehei gsii sind, ischs aber definitiv wert gsii.
8. Am Mikrofon-Sunntig chasch guet nochli Werbig mache. «Holet eui Wörscht bim Thürig, död het nämli min Papi sini Finger dine gha!»
9. Apropos Mikrofon-Sunntig: Wenn de Adi a de Uslumpete nöd mit em Car metchunnd, chasch guet nomol dini Chance ergriffe und ihn ofem Heiweg vertrete. Im Name vom Vorstand en Dank usspreche isch aber glab glich kei gueti Idee gsii.
10. Moss es eifach au sägä: De Mäthi macht eidütig die beste Long Island!
11. Wenn s’Wochenend chli streng gsii isch, bisch am Mäntig froh, das d’Junggugger Lehni am Mäntig chli Mamizyt brucht hend. Aber mer macht jo au nöd am Fasnachtssamstig ab zum go jogge goh!
12. Wenn am Zistig zwo Fachlüt bim Altersheim de Car iiwisele wönd, lachsch zerst echli, well de Peter jo ä Kamera het. Z’Bütschwil wär er aber sehr wohrschindli öber die Fachlüt glich wieder chli froh gsii.
13. Wenn am Zistig mol en normale Dank usspreche wötsch, wönd der komischerwies dini Guggegspännli s Mikrofon kum geh.
14. Wenn denn findsch, de Schlegel het de met de Fraueküss brocht, denn bring ich de mit de Manneküss. Bisch vellicht es birebitzeli entüscht, wenn als ersts Desi z springe chunnd.

Bonus: Und zum Abschluss no es fröhlichs: Machts gut ihr Trottels!😘
TV-Star geschrieben am Februar 24, 2023
En gfizte Gugger sött eigentlich wüsse, das d'Fasnacht erst am Zistig-Obig fertig isch. Drum do mini Erkentnis über s'komplette Fasnachtswuchenend.

1. Wenn bim Esse schöpfe allne seisch, dass du extra früeh ufgstande bisch zum choche, denn chunsch dä ganz Obig en huufe Kompliment über.

2. Notiz a mich: Wenn bim abbreche vom SchmuDo dä Lösi froget "wer cha mir helfe?", rennsch gschieder so schnell wie möglich dävo. Will wenn er di verwütscht, häsch en strenge Morge.

3. Wenn unverhofft dä Cöni z'mol nebed dir uf dä Bühni stoht, muesch dä Moment nutze und geh was häsch. Will a) muesch dä Seich kompensiere wo er spielt, b) lüüter sii wie er, und c) nöd us em Glichgwicht cho vor luuter gingge. Alles i allem e schwierigs unterfange gsi uf dem Bänkli obe, aber lustig ischs gsi wie verruckt! Ei mol meh ä grossi Ehr gsi!

4. Wenn z'Goldige zum Adi gohsch und ihm seisch, ich han ä Frog und ä Kritik glichzitig: Wieso genau sind mir no nie do gsi? muess er selber lache und stuune, das es i dä nöchi no so gueti Fester git wo er nöd kennt hät.

5. Wenn dä Samstig spöter in Agriff ninnsch, chas dir passiere das glichziitig au no Schminker bisch. Jo danke, ich weiss und nei, ich chum nöd i d'Schminkkommission.

6. Apropro Samstig: Wenn zwei alti Gugge-Legende im Car vor dir nur no chli vor sich ane vegetieret und Sache ghörsch wie "ich bin halt au scho chli älter worde" oder "mini Lippe tuet weh" oder "Mami, chunnsch mi go hole, ich will hei" denn weisch, dass die beste Ziite vo ihne vermuetlich verbie sind.

7. Wenn z'Niederwil es paar schaulustigi Schränzer um ä belüchteti Stäge stönd, sind sich zwei Teenager intensiv am vergnüege. Cha mer mache, muess mer aber nöd.

8. Wer hät jetzt noch em Mosliger Umzug eigentlich dä Schwanzverglich gwunne bi dä "Guggekonzert" hineusse? Hihihihi, ich han Schwanz gseit.

9. Wenn im Car allne Fraue danke seisch, häsch d'Hoffnig das wie letzt Johr für s'Danke säge mitme Kuss belohnt wirsch. Wenn denn aber dä Lösi däher z'gumpe chunnt, häsch s'Ziel definitiv verfehlt.

10. Wenn noch em Uftritt im Sprengerstollä zmol d'Claudia mit Träne i dä Auge vor dir stoht und froget, obs jetzt das würklich gsi seg mit minnere Guggekarriere, bringt das die eigene Gedanke nomol ziemlich durenand.

11. Wenn dis Handy im Car ligge lohsch, wers besser wenn das nöd erst dihei im Bett merksch. Nomol en herzliche Dank a alli wo mir das so schnell wieder zruck brocht händ!

12. Notiz a mich: I dä Risi obe isch "Häts kei Chääääs" rüefe definitiv nöd nötig.
derMANN geschrieben am Februar 21, 2023
1. Wenn eim ime ruhige Moment a de Fasnacht en Sekundeschlof übermannt, isch das grundsätzlich nüt Speziells. Passiert dir das aber wäret dem, dass du aktiv am Pissoir stohsch, chann das zume grössere Usfallschritt füehre und e ganzi Reihe Bauzüün umhaue.
2. Danke Lösi, dass mir und allne Gatter wieder uf d'Bei gholfe häsch.
3. Das Sofa ide WeeGee isch so chli, dass wennt gstreckt druff liesch, nochem Knüü nurno Luft isch. Wennt das aber ersch ide dritte Nacht als störend empfindsch, häsch mindestens zwei gueti Öbig gha.
4. A de Bar isch de gemein Schränzer eher e spendabli Spezies. Wenn denn aber z'Goldinge für 30 Franke nu 2 (in Worten zwei) Hirsch uf Bar gstellt überchunnsch, lueget sich doch es paar verdutzti Gsichter ah. Doh ninnsch jetzt nie zäh! - Würkli nöd! - NEI!
5. De Uftritt isch aber umso toller gsi. Soviel glachet hanni glaub no selte ame Uftritt.
6. De Wechsel zwüschet "So geil, ich channs no" zu "oh Kacke, möööp" hät de Gingg-Schlegel richtig tänzle loh ufem Bank.
7. Wanni no hann wölle säge: I hann d'Choreo kapiert: ufe, abe, ufe, abe, ufe, abe, ...
8. Wennt mitem Ogi a de Bar stohsch, ischs eher was für de Effekt-Trinker under üs und me gönnt sich en Rudel Hirsch. Mit de Ramona muesch doh schochli meh Durst haa. Hann doch müese lache, dassmor au 10 Eve chann bstelle.
9. Wennt z'vierte ide Shot-Bar bisch und bi de Bstellig "I nimm au vier" driirüefsch, bisch au bim hunderste Mol stolz als wärs s'erste Mol. Chunnt denn aber d'Frog: "Wieso? I hann jo grad bstellt.", denn verflügt de Stolz recht schnell.
10. Miteme Schwank us de Anale vo de vergangene Saison im Bollespicker z'lande macht eim lustigerwies scho es bitzli stolz. Vorallem, wenn de Text mit Bild (zum Glück unkenntlich gmacht miteme Strich als Buch) uf de Titelsiite isch. En riese Dank an Egon P.
11. I glaub, s'Wöschhüsli z'Moslig isch würkli e Wöschhüsli und de Ogi landet jedesmohl innere Wöschmaschine. Gfüllt mit Hirsch und im Schleudergang. Es wür Vieles vo derre Nacht erkläre.
12. De Geburtstagsmarsch fangt uf vier ah. Aber da ich als Einzige uf vier gspielt hann, ischs wohl doch min Fehler gsi. Mea culpa!
13. Me chann nöd immer is Rote treffe.
14. De Mäthi macht di beschte Long Iceland Ice Tea. Punkt! - Gern wieder!
15. Wennt am Mentig Obig Musigprob häsch, erwartisch nöd di grösst Tonqualität. Aber bitz meh wie es chratzigs Huuche hets scho dörfe sii.

Es hät Spass gmacht und viele Dank fürs Mitnäh a denne zwei Täg. Lönds nochli krache und ich verabschiede mich miteme tä-tätätä-tä.
Clödeli geschrieben am Februar 20, 2023
1. Wenn de Adi ide Ahsproch vom Monster seit, mir gebet de Galsche-Schlüssel de Claudia, die isch verantwortigsvoll, denn stellsch sicherheitshalber 10‘ vorem Treffpunkt de Wecker, dass jo nöd vergissisch, s Instrumentedepot pünktlich ufzmache.
2. Wenn dich freusch, das bis kurz vor Schluss ide Essensverpflägig für ämal kei Konfetti muesch ufläsä, häsch nöd miteme trümmlige Suri grechnet. Wenn dich denn lutstarch bim ehemalige Schuelkolleg mit *Adrian* beschwärsch und all lachet, denn weisch, dasen wohl niemert meh so nännt.
3. Ich sägs ja immer wieder, mer muess nur mit de Lüt rede. Danke tusig fürs hälfe Ufruhme ide Essensverpflägig ihr sind eifach geil, liebi Semphoniker!
4. So, sitem Friitig wüsset jetzt ali Schränzer, dasmer au geili Fäschter änet em Ricke fiire chan. Het eine mich gfroget, het ich scho lang gseit dasmer grad z Goldige blibet. Ja numä, d Ihladig für nächst Johr hemer üs scho mal gsicheret.
5. Isch nie schlächt, d Lüüt persönlich z känne, so wartet de Apéro direkt nachem Uftrittszällt und nöd wie planet vor de WC uf üs. Und wenns denn vode Apéro-Fraue heisst, das machet mir im Fall nur bi üchere Gugge, bisch doch bitz stolz.
6. Wenn z Goldige im Ländlerzält spilsch, die drüü alt verkleidete Wiiber gsehsch und denksch, die eint gseht wie d Raffi us, aber die sind ja sicher nöd do underwegs, stuhnsch nachem Uftritt nöd schlächt, dass sis ja würkli gsi isch.
7. Ich säg üch eis…. en gfitzte Gugger, hät nachem Uftritt Hamburger Fläcke ufem Gwändli. Wenn dich denn all froget wohär sonen geile Burger häsch, isch d Antwort klar: en gfitzte Gugger, bstellt s Esse vorem Uftritt, daser nachem Uftritt direkt de Hunger stille cha.
8. Apropos gfitzte Gugger: en andere gfitzte Gugger nehmi lieber ä Fläsche Haldeguet, do heger meh devo - proscht Adi, mir wüsset halt wie.
9. Wenn am Leni gfühlt 100mal de gfitzti Gugger under d Nase riibsch, chas guet si, dass s’erst mal i fast 17 Johr „du dummi Chueh“ gnännt wirsch. Ja, wenns bimne Lenherr um s Ässe got, verstohni das.
10. Wenn dich am Friitigobig unverhofft s Kind numal mitme Fieberschub dihei erwartet, es dich froget: Mami, häsch ade Fasnacht gspillt, huere geil gsi? Muesch trotz de Umständ luut lache.
11. Wenn z Niederwil kein Plan häsch wo de Car abfahrt, laufsch gschieder nöd am Silvio hinde noche, de weisses nämli au nöd.
12. Wenn ä Karton Trompete bim Uftritt stört, gönnsch dem junge Schnufer kurz sin Uftritt und ruhmschen denn ziihtnöch entschlosse vode Bühni weg.
13. S grosse Zelt z Sirnach hätmi grad chli überrascht und de cool Uftritt dezue ane grad au nu, das passiert wenn mit wenig Erwartige vom letschte Corona-Johr wieder dethii go spille gosch.
14. En gfitzte Gugger chunt für en Hotdog/Mineral Bon - en suure Öpfel Istee und es Schnitzelbrot über. Danke Sirnach, gnau sovill Flexibilität gägäüber Gugger söttet alli ha.
15. Wenn en Jungugger z Moslig vo ihrne drüü Fähler im Läbe verzellt und s Nr. 2 wo grad mit ihre redet ade Stiehl-Motorsägi ah erkennsch, verstohsch warums en Fähler gsi isch, aber immerhin heg ers chöne. Nach de Gspräch im Foyer wüssemer jetzt aber au, dass nöd jede Schränzer richtig zelle cha, das hät für mich nach meh als drüü Fähler tönt.
16. Söttis Gugger under üs gä wo nöd so en morivierte Sunntigsnumitag/Obig gha hend wie ich, man lerne: es isch ä Ehr z Moslig ade Uslumpete dörfe z spille! Was füren geile Uftritt!
17. Die grösst und wichtigst Erkenntnis vom Fasnachtswucheend lutet aber: wenn de Leni ufem Bank tanze cha, cha ich nu lang uf em Tisch tanze. Und wenner ein denn nu friiwilig zumne Tänzli abholt, weisch, das isch üsen Fasnachts-Momänt.
18. Wenns am Endi vo dere Saison immer nu öbbe es erstuhnts Gsicht git, wenn en Pfiil nimsch oder Schnupf Wucheend häsch, denn wird er ide letschte vier Johr zude Gugge gstosse si, woni entweder Schwanger gsi bin, gstillt ha, oder wieder vo vorne ahgfange ha. Das s Clödeli es Fästfüdle cha si, sött de Alt-Gugger ja nu bekannt si.
19. Und das bringt mich zude nächste Erkenntnis: mit dene Vorussetzige und i dem Alter mit de erste graue Hoor gnüsst mer d Fasnacht umso bewusster. Ahständig due, chani dihei wieder.
20. Übrigens… en gfitzte Gugger hät sich d Erkenntnis sitem Dunnstig vorzue ufgschriebe, darum stönds jetzt scho im Gästebuech.

Juhui ich freu mich sehr uf morn… und denn isch denn aber au wiedermal recht, wenns s normale Läbe wiedee stattfindet.
Ehrenpräsident geschrieben am Februar 16, 2023
  1. Bevors hüt wieder los goht, do au no mini Erkentniss vom letschte Fasnachtsweekend.
  2. Die Bündner sind scho sehr fründlichi Lüüt und wenn denn er no Jäger, Imker, Florischt und Hobbyschnapsbrenner isch. Freusch di würkli öber en feine Schluck Arveschnaps. Danke Pätsch und Chantal für die spontan Gastfründschaft.
  3. Immerhin händs am Sternmarsch z Zizers Fackleträger gha, well Zueschauer händs nämli vergesse.
  4. Wenn zwei Europalette d Bühni näbed de Chuabar isch, denn cha mer spontan gad au i d Chuabar go spiele. Jetzt kenneds döt au das Lied wo mer mues Bänk umewerfe. – Und jo, mit eme Bänkli um e Bar ume gumpe chunt au do nöd soo guet a.
  5. Z Bütschwil häts definitiv scho meh Lüüt gha, aber jo, bi dem Hardstyle-Sound verstohn i wenn d Lüüt d Flucht ergriffed.
  6. Notiz an mich – E Mählsuppe spot i de Nacht isch zwor super, aber bitte nöd z gierig esse, si chönnt heiss si!
  7. Wenn mer so e langi Carfahrt vor sich hät, cha mer sich guet usenäh, dass de ganz Car mues warte bis mer d Chnobler i de Gruft ghollt hät.
  8. Eigentlich isch es no recht lustig gsi in Schüpfheim, aber nöchst mol nämed mer denn d Instrument gär nöd mit, wäg dene vier Stückli chönted mer au no Singe.
  9. Wenn der di neu Schniideri z Bütschwil seit, chom i flick der dis Gwändli, und ere denn de Riissverschluss-Plömpel i Konfetti aber keit, muesch der säge, dass da gschiider innere ruhige Minute selber gmacht hetsch.
  10. Wenn der z Bütschwil a de Bar en sechzäh Jöhrige seit, «Adi wötsch en Gin? I zahl der eine!» stunsch s erscht mol. Wenn er denn no seit, «weisch isch Gratis, i kenne die hinder de Bar» denn stunsch gad nomol. Danke Noah!
  11. Wenn noch de Liechtesteiger Chinderfasnacht i de Chalberhalle fründlich bette wersch, öb mer wör a Bar go das chönd Tisch ufrume, bisch worschindli scho wieder verhocket. Wenn denn aber no is Pub gosch und no afangsch Sekt trinke isch de Ruef vom Sonntigstrinker eimol meh gfestiget worde.


Bonus: Wenn der am Mäntig de Ueli vo der SRF Musikwelle alütet öb mer wör es Radio-Interview mache, du denn Termin uf de Mittwoch schiebsch, i de Hoffnig dass denn wieder e Stimm häsch, am Mittwoch aber no gär nöd besser isch, denn isch es sicher wieder mol e Tolls Weekend gsi.
Müüüsli geschrieben am Februar 14, 2023
1. Z’Zizers chasch guet emol no gschwind bi eim uf de Parkplatz fahre und dich und e paar anderi Gugger no zume Getränk bi dem Eigetümer iilade. Pätsch und Chantal, ehr sind offiziell mini Lieblingsbünder.
2. Wennd Ü40 Manne z’Zizers e Bar füehret, chasch devo usgoh, dass dei ine Pardy Hardy isch.
3. Wenn im Car "Ohhh! Jeeeh! Jeeeh! Ohhh! Ohhh!» ghörsch, hend wohrschindli eimol meh d Jolanda und de Peter bim Chnoblere abgrumt.
4. Wenn de Stägi z'mol of Meitli-Schnüpf umstellt, well er nömä meh ue bringt, mosch em vellicht no gschwind zwo Filter id Nase setze.
5. Ich find jo recycling wörkli öppis tolls, aber wenn mer usere Underhose zmol en Hüftgurt macht, isch da au för mi eine z'viel.
6. So en unverhoffte Schlag mit eme Sitzchössi z’mitzt i mis Gsicht dod au nochli weh. Lösi, i glaub etz simer quitt!
7. Wenn noch Schüpfheim müed usem Car usstiegsch und ide Gedanke scho ide WG bisch, sötsch vellicht bi dem Gedanke au bliebe und nöd nomol uf Bütschwil goh. De Sunntig isch dementsprechend au chli strenger gsii.
8. Wenn z'Bütschwil denn aber en wildfremde junge Borscht zo der anechunnd, e Glas voll Zimt uspackt und seit "De Zimt bring ii. Bringsch du dis Schneggli?", mosch trotz Müedigkeit recht lut lache. För ehn hets den aber glich nu e Zimtstange geh. #SnailFail
9. Wenn während em Narregottesdienst dir so denksch, "Läck die Ministrantin isch aber au no recht alt!" chönnds vellicht au Diakonin gsii sii.
10. Hender gwüsst, i de Gugge hemer en neue Wingman. För die wonen nöd kennet, es isch übrigens au de glich, wo de Silvana während em Uftritt ufs Födli ghaue het. Hihihi Födli!

Bonus:
Wenn am Sunntig die Vernünftig usehenksch und (fast) kei Alkohol meh trinksch, welld am Mäntig wieder mit em Studium ahfangsch, bereusches spötistens i dem Zytpunkt, wod mit eme Wiiberli i de Finger ufeme Stuehl hocksch und das Wiiberli GANZI 15 Minute mit beobachte und ertaste of die wirke loh mosch. I dem Sinn: Hallo Studium!
TV-Star geschrieben am Februar 13, 2023
1. Wenn sich Trompete am Sternmarsch ufstellt wie en Wald voll Affe, chammers guet mol "fründlich" druff ufmerksam mache, dass es so kei Spass macht.
2. Notiz a mich: Amne bsoffne Wald voll Trompete-Affe wölle öppis biibringe, nützt öppe so viel wie dä Sternmarsch selber.
3. Ä Zeltstadt ufstelle und verusse fiire isch allem aschii ah besser wie Turnhalle bruche, wo grad hinedraa stoht. Guet, wer hett im Februar au dämit chönne rechne das es chalt wird?
4. Wenn scho s'gfühl häsch, dass es bitz es trostloses Festli git, denn muesch nur Türe vo dä Chuabar ufmache. Hergott isch dött ä Party gsi - ein Hit am andere!
5. Z'Bütschwil bisch nur solang überrascht das es wenig Lüüt hät, bis d'Musig ghörsch wo dä DJ laufe loht. Do hät mer jo fast Angst übercho...
6. Dank dä Neumödige Technik wirsch a dim freie Obig mit soviel Fotene und Infos bombadiert, dass eigentlich s'Gfühl häsch du segsch mit däbii.
7. Schiints häts endlich ei Gugge begriffe was guet isch. Isch stell nöchst HV en Atrag für ä Namensänderig: Städtli-Schlegel!
8. Notiz a mich: Bim FF funktioniered nur 2 vo 3 Iwürf. Guet chunnt dä Cöni am Samstig - learning by doing. Apropro Cöni: Wenn i dich wär, wür i d'Schiebeischoner alegge - ich bin motiviert wie verruckt.
9. Wenn dir d'Ramona am Sunntig rauchend entgegechunnt hät sie a) immer no Samstig und b) Pfiil-Sunntig.
10. Wenn dich en Hamburger frogt, was denn das für en Scherbehuufe isch, muesch scho bitzli schmunzle wenn denn d'Guggähüpfer umd dä Egge chömmed.
Clödeli geschrieben am Februar 13, 2023
1. Wenn z Zizers ahchunsch, bim Pätsch und dä Chantal grad id Stube stürchle dörfsch, isch de Start in Obig glunge. Danke Meli, dass du nöd ufs Muul ghiit bisch und die halb Gugge bi fremde Lüt ganz spontan ihladsch.
2. Wenn am Samstig frogsch, wo denn am Friitig z Zizers de Essenstand gsi wer, häsch eimal meh s Esse vergässä.
3. Wenn am Sternmarsch de Schlegel imne scharfe Underton seit, d Trompete söll mal ahständig anestoh, weisch was gschlage hät. So Samira, jetzt müämer üs eifach zämänäh... apropos Samira 3:1, ich hole uf...:-)
4. Wenn am Friitigobig dich uf grandiosi Ideeä ihlosch und Abmachige triffsch, bisch froh, wenn keine vo de andere zwei z Bütschwil nachem Uftritt öbis degliche tüend.
5. Wenn s Gfühl häsch, schaffsch es ei Saison ohni bösartige Schrumpfkopf, häsch dich spötistens z Bütschwil girrt.
6. De Regi hätmi das Wucheend anä Erkänntnis vom letschte Wucheend erinneret: Wenn dä er seit Claudia muäsch mal ahlangä wie härt de isch... bisch nöd sicher öb jetzt würklich am Bart kräbelisch oder suscht amne Ort.
7. Dass de Silvio gern diskutiert isch mir nöd unbekannt. Das er uf de Bühni z Schüpfheim aber völlig usser sich isch, will nach insgesamt drüü Stückli scho s letscht Stückli ahgseit wird, und er denn meint, für söttigs seg er zu Grüen de ganz Moscht für vier Stückli z vercharre, erstuhnt ein denn scho grad chli.
8. Wenn amne Guggefäscht en Kafi Luz bstellsch unds als Alternative nöd mal Kafi Zwätschge ahbütet wills dich nöd verstönd, und ade Garderobe für ä Abgob vomne Raclettkoffer zwei Stutz söttisch zalle, zeigt, dass nöd ide Heimat underwegs bisch unds definitiv nöd din Obig wird.
9. Mer muäss nur mit dä Lüüt rede gäll Steffi? So hend mir herrlich de ganz Heiweg under der Wulledecki im Car verschlofe und völlig erstuhnt festgstellt womer im Umfahrigstunnel z Wattwil verwachet sind.
10. Mis Kontigent für falsch drii spille wer für die Fasnacht au ufbrucht, immerhin hanis nach eme halbe Ton nu gmerkt und ha nöd so lang müässä usharre wie de Schlegel z Rickebach une.

Zuesatzerkänntnis vom Mäntig:
11. Wenn d Erkenntnis vom Wucheend am Kuchitisch schribsch und nöd bim Schaffe, denn hoffsch eifach, dass bis am Dunnstig d Junggugger wieder zwäg sind.
Ehrenpräsident geschrieben am Februar 7, 2023
Do au no mini Erkentnis vom 2. Fasnachtswochenend.

  1. Wenn d Wilket plötzlich cheibe fründlich sind mit eim, chönts si, dass mers letscht Johr chli zämägschesse hät.
  2. Wenn scho bim erste Uftritt vom Wochenend d Hose wieder verropfed, bisch froh wenn der din Schatz die denn wieder flickt. Danke! - Und jo, während dere Ziit cha mer guet i de Underhose a Bar ane hocke. Fühl di wie Dehai händs gseit!
  3. Immerhin isch Carfahrt uf Hedinge lustig gsi, bi de Party selber händs no achli Potenzial gäge ufe.
  4. Was isch Grüe und stinkt noch Fisch?
  5. Z Wattwil am Zunftmeisterempfang gits ase es feins Tröpfli Wii, da glaubsch gäär nöd.
  6. Wenn z Nesslau scho nöd so viel los isch, denn cha me churzerhand ame Twörker-Wörkschop mitmache.
  7. Z Ganterschwil händ mer glaub achli en gär churze Uftritt gha, si sind no nöd mol parat gsi mit em Bier.
  8. Schiints segs z Ganterschwil no recht lustig gsi bis mer uf s Taxi händ möse... Schiints han i en Ruusch gha.
  9. Wenn de DJ Prügeli is Mikrophon schreit, jetzt chunnt no s letscht Lied. Chas guet si, dass er glich nomol zwei Stund Musig laufe loht.
  10. Wenn öpper nöd weis wo de Hölzig Himmel isch, am Sonntig isch er definitiv i de Truube z Dietfurt gsi.
  11. Und jo, d Mosliger händ mer denn scho no pökt, si händs nur gschafft en Bank kaputt z mache, mer händ en Bank und en Tisch möge!
Müüüsli geschrieben am Februar 6, 2023
1. Wenn am Guggegaudi zum Securitas anelaufsch und ihm erklärsch, dass er dich da Johr nöd usewerfe dörf, moner sehr wohrschindli au chli lache.
2. Wennd s’ Clödeli s ganz Wochenend jolend ide Partyzone vom Car verbringt, het sie vermuetlich ihri Jugend nomol gfunde.
3. I bi offesichtlich nöd die einzig gsii, wo nöd gwösst het, dass z’Hedinge so ä höllä Party git.
4. Notiz a mich: Jutechössi sind sehr verlockend, dönd aber anschinend no bitzeli weh. Sorry Lösi, aber 1:0 för mi.
5. Wenn der d’Samira am Fritig erklärt, dass sie ämel am taube Näsli ah merkt, wenn sie chli bsoffe isch, ribsch der evtl. de halb Obig dini Nase wund.
6. Wenn denn noch de Ganterschwiler Fasnacht im Taxi hocksch und z’mol merksch, dass bi der nöd d’Nase, sondern d’Wange taub werded ischs denn aber definitiv zspot.
7. Apropos Ganterschwil, han de Silvio nonie so sanft mit ere Frau umgoh gseh, wie mit de (Gummi-) Susi. De Securitas het das aber glaub chli anderst gseh.
8. Wennd voller überzügig falsch spielsch und en grossteil vo de Gugger drusbringsch, bisch vellicht ebbe glich chli lüter als denkt hesch. Sorry!
9. Bim Umzug z’Wattwil bini scho fast chli rot worde, wo üs de Speaker ahgseit het. Aber glich schö, wenns endli mol eine erkennt het. 😉
10. Wenn de Lex ide Trube zu üs Schränzer seit, dass d’Meitli etz eigendli hei söttet, luegt er dii vellicht chli verdutzt ah, wenn ehn frögsch wieso das er den scho hei goh wött.
11. Eigendli hets mit de Mösliger scho au no Spass gmacht ide Trube. Wäred mer pegelmässig nöd 4 Stund verschobe gsii, wäred au die mit em Fäschtbank dor s Zelt dörä gjuckt.
12. Het au näber chönnä sägä, dass d Halstüechli eigendli Chopftücher sind.
13. Wenn am Sunntigobig de Schlegel echli vermissesch, het wohrschindli de DJ Prügeli för d’Underhaltig i de Trube mit uuhh viel guete aber ungnutzte Vorlage gsorgt.
TV-Star geschrieben am Februar 6, 2023
1. Wenn am Fritig bim schminke die erst Frog "Salami oder Schinke?" isch, denn isch dini Sandwich-Bstellig bim Mami vo dä Samira acho. Danke tuuusig - und vor allem: wiiter so!
2. Wenn sogar dä Tourplaner seit "isch guet möglich, das mir do nöchst Johr viellicht nüme gönd", denn ischs ziemlich sicher nöd s'beste Festli gsi. Jänu, immerhin sind mir bi Ziite dihei gsi.
3. Am Samstig-Mittag mittere Büchs Bier und eme stinkende Chinderwage in Zug iistige, findet nöd alli glich lustig. Für dä Hinti und mich häts aber gstumme wie verruckt.
4. Wenn d'Claudia plötzlich jede Obig singend durch dä Car hüpft, hät sie wohrschindlich nomol ihren Gugge-Früehlig entdeckt.
5. Apropro singe im Car: Wenn dä Jan s'Zepter i dä Hand hät, isch das zwor sau glatt, aber mit singe häts denn nüme viel am Huet..... aber schööööön muss sie sein!
6. Wenn z'Nacht am 3 dä Hinti mitme Schlüssel i dä Hand däher chunnt und froget was er dämit söll mache, dä seg irgendwo am Bode gläge bisch cheibe froh, wenn merksch das es din Veloschlüssel isch. Huuuii han ich es Schwein gha!
7. Wenn dich d'Silvi uf em Weg mit ninnt zum go schminke, muesch bitzli früehner parat sii will sie no muess "vorbereite". So en Kompressor brucht denn au würklich 20 Minute, bis er betriebsbereit isch - do han i doch möge stuune.
8. Am Samstig sind wohrschindlich alli Obertoggeburger uf Hedinge a d'Fasnacht. Anderst chan ich mir das nöd erkläre.
9. En Chinderwage s'Loch abe rupfe, luege wie dä Hinti in Dreck gheit und dä Chlapf fast abgfacklet: En perfekte Sunntig - grosses Kino das cheibe Chinderwagerenne!
10. Dä Maa vom Fernseh hät gmeint, das dä Hinti und ich wohl ehner kei grossi TV-Karriere vor üs händ. Wenn aber nur dini Antworte im Fernseh chömmed, häsch immerhin bitzli weniger schissdreck gschnorret wie dä Hinti.
Clödeli geschrieben am Februar 6, 2023
1. Wenn z Hedinge in Car ihstigsch und alli devo redet dass ide Halle au nöd meh Lüt gha heg und dich öbs denn überhaupt ä Halle gha heg, häsch en lustige Friitig obig gha.
2. Die aller wichtigst Erkenntnis vo dene Täg; die chlii Stüssi suft ein definitiv under dä Tisch. 2:0 für d Samira...
3. Und d Erkenntnis Nr. 2 machts im Fall überhaupt nöd besser, wenn jede zuder seit "sie isch halt au nu jung..."
4. Apropos jung... hender gwüsst, dass d Anita die dritt ältischt Frau i üsem Verein isch und sie das mit entsetzä festgestellt hät?
5. En Platz z vorderst im Car garantiert dir ä super Ussicht uf d Stross, wenn denn aber all ahfanget schlofe, muäsch denn doch zwüschet ine en Abstächer id Partyzone mache.
6. Mitem Stägi hani immer scho gärn gjodlet "Bimmm, bammmm...."
7. Wenn äfängs um 21:00 Uhr vom Mami zum Gugger wettsch mutiere, denn bstellsch guätmüätig näbst em Suureöpfel/Istee grad nu än Flying Hirsch. Dasi die ja nart nöd so gärn ha, hemmer ja letscht Wucheend scho besproche.
8. Z'Nesslau obe isch d Devise, hauptsach mir hend ä Palme uf dä Bühni und ä choge Spass a üsem Uftritt, die restliche 30 Bsuecher hends glaub eifach zur Kenntnis gno.
9. S'Guggefieber a die nächst Generation witerzgäh, isch üs bis jetzt definitiv glunge, sött öbert d Bewegige vode Lieder nöd kännä, froget doch d Jarina.
10. Für alli Hamburger än wichtige Tipp vode füft ältischt Frau i dem Verein: söttet ihr mal es Rüschli verwütscht ha, sicheret üch zwei Stuck Brot vorem nächste Uftritt, die suget.
Fäbs geschrieben am Februar 6, 2023
S zweite Fasnachtswuchenend isch au scho wieder düre und es isch scho wieder einiges passiert 😉
  1. Wenn dir a de Shotbar en Männergripp-Schnapps atrüllt wird, isch den de Name grad au Programm bim trinke.
  2. Han gar nöd gwüsst, dass de Ogi glich besser chan Pauke spiele als ganze Pousuneregister zeme.
  3. Im Aargau isch d Fasnacht irgendwie eifach nöd ganz sgliche. Seit dene mol öpert, dass mer au söt Werbig für es Fäscht mache?
  4. Immherhin hend mir au döte am fast Heimspiel chöne zeiege wo i de Ostschwiiz die guete Guggene her chömet.
  5. E Chüssischlacht mit gfüllte Jutesäck isch glaubs nöd für alli glich lustig.
  6. Wenn eim d'Gwändlihose gflickt werdet, denn chan mer guet au mit de Underhose a de Bar hocke blibe und wiiter trinke.
  7. Wennt amene Umzug bevor d Lüüt chömet scho 2x de Grappa hesch muese spile chönts no en strenge zweite Teil werde.
  8. Es isch glaub scho e Kunst us emene Schnapps-Fläschli drinke, s Mul verfehle und uf drü Siite usesprütze.
  9. De Heizschluch vom Zelt vo de Truube bi parne s grösst gsi isch wos scho je zwüschet de Bei gha hend.
  10. S Chinderwagerenne eifach wieder grandios gsi isch. Bis i vier Johr!
Ehrenpräsident geschrieben am Februar 3, 2023
  1. Wenn noch em Ufstelle i de Chalberhalle uf d Meli wartisch, dass chasch go s Gwändli alegge, chönts au si, dass es Komunikationsproblem vorliit.
  2. Wenn mer a d Fasnachtseröffnig nur Bier trinkt, und das konsequent, denn dankts dir din Chopf am nöchste Tag.
  3. Geile erste Uftritt gsi!!! Komisch isch aber, dass Trompete nöd zersch händ müese diskutiere öb und wie mer bim Biiinesämi wieder sölled isetzte wenn d Lüüt witersinged. Isch amel gange!
  4. Wenn de DJ Tschau d Amore vo de Chlostertaler laufe loht, isch Schluss.
  5. Schiints seg ich am erste Uftritt di andere Johr immer zimmli Volle gsi, bis uf das Johr. Stolzbin! Denn cha mer guet am Samstig chli meh Gas gäh!
  6. I säg nie me, dass es z Wil e komischi Chinderfasnacht isch, mit so wenig Konfetti… bi nocher eines besseren belehrt worde.
  7. Es Krokodil mit de Silvana und de Eveline z Teile cha no recht söffig use cho. Wenn denn aber alli Schnäpsli volle sind mit Konfetti findsch es plötzlich nüme so lustig.
  8. No weniger lustig isch, dass gad währed em Güggelischmaus es Telefon überchunsch, din Sohn heg Unfall gmacht z Mühlrüti am Maskeball!
  9. Wenn z Wuppenau noch em Uftritt de netti Herr a de Getränkeusgob frogsch, öb er der s Spezli chön uftue und er denn fründlich seit, es hegi en ganze Harrass vor mim Gsicht mit bereits offne Bier, überleisch der, dass villicht mol sötsch es Mineral näh… Jä nu, isch denn glich es Spezli worde.
  10. Wenn de Organisator vom Hügelball mit zäh Flying Hirsch zo der chunnt, bisch mega foh, wenn de Ogi i de nöchi isch und no öppä ein abninnt.
Müüüsli geschrieben am Februar 1, 2023
Juhuii endli wieder Fasnacht und endli wieder 10 Erkenntnis..

  1. Im Galsche hets so e komplizierti Abwaschmaschine wo immer wieder usstiegt. Zum Glück het de Casti de Ramona und mer zeiget, wie mer die wieder zum Laufe bringt.
  2. De Uftritt am Fritig isch eifach sagehaft gsii. Schränzer er sind die Beste!
  3. Wichtig!! Müsssli isch nöd gleich Müüüsli und scho gär nöd Müesli.
  4. Wennd gern wörsch Fiirobig mache, aber d‘ Lüt nöd häm wönd, holsch eifach nomol de Partyanimal ii der use, zettlesch eh Polonaise mit de letschte Bsoffne ah und laufsch Richtig Usgang.
  5. Notiz a mich: Die Streife machet dii schlank, gsehsch us wie en Fisch, isch kei Kompliment.
  6. So en Fotichaste isch scho öppis tolls.
  7. I glaub letscht Wochenend het no öppä nebert Konfetti kenne und hasse glernt.
  8. De Stägi, üsen Tanzbeischwinger, het z’Wuppenau glich mol no Angst öberchoh, dass er i dä nögste paar Minute vo de unbekannte Tanzbärin ufgfresse wird. Guet het er sich hinder em Kevin und de Saskia chönnä verstecke.
  9. Und guet het churzerhand de Chapeau de Paartanz öbernoh.
  10. Wennd z’Nacht am 4ii i dä WG no öber die dütsch Grammatik diskutiersch, isch definitiv Zyt zum is Bett goh oder eifach de Silvian heizschicke.
Clödeli geschrieben am Januar 30, 2023
  1. Wenn am Friitigmittag Schmätterling im Buch häsch, stoht d Fasnachtseröffnig vor de Tür.
  2. De Matse richtet s Buffet ide Kalberhalle definitiv logischer ih als ich letscht Johr.
  3. Wenn nachem zweite Stückli scho Siitestächer häsch, weisch das erstens Vollgas gäh häsch und zweitens das nunig in Top-Form bisch wie denkt häsch.
  4. Wenn am Pädi seisch, min Plan isch ufgange, ich bin ämal nöd dri gschosse, und es dicks „hihihihi“ zrugg chunt, weisch, dass er nur es Jöhrli älter isch aber nöd riifer.
  5. De Uftritt vor heimischem Publikum i üsere Kalberhalle, isch eifach geil gsi!
  6. Wenn en Appezeller nimmsch, will Flyinghirsch nöd so gern häsch, bisch denn glich froh, dass en Hirsch zum spüehle häsch.
  7. Wenn am Samstigmorge 05:30 Uhr verwachsch und meinsch liggisch imne Wasserbett, weisch, dass de 2. Appezeller und s Lützli uf de Heiweg sini Spuhre hinderloh hend.
  8. Au wenn de Platz im Car langsam chli äng wird, herrlich z gseh, wevill Guggenochwuchs mit vollem Elan debii isch.
  9. De Hugo würd ufem Bächer sitze…. Schön das ei falschi Posune, die ganz Gugge cha drus bringe, aber ich würd sägä mir hend üs doch nu grettet:-)
  10. Wenn de Stägi Auge macht, wiener en 6er im Lotto gwunne heg, will ä Frau ihn ahtanzt, muesch fescht lache, wenner ei Minute spöter verzwiiflet um Hilf bättlet, de Traktor mit Schneekettle wieder los z wärde. Guet gits de Schapo… als Retter in Not, häter de Stägi sofort mit Tanze abglöst.
Egon P. geschrieben am Januar 30, 2023
1. Chrank i d'Fasnacht starte isch eher suboptimal. Aber im verglich zu letzt Johr isch das immerhin wieder erlaubt.
2. Wenn vo dinne Groupies uf d'Fasnacht neui farbigi Pulswärmer überchunnsch, freusch di sehr uf dä erst Uftritt. Wenn die vorher dihei aber vo dä Chind entdeckt werdet, muesch halt glich wieder dä alt alegge.
3. Wenn dä Hugo usnahmswies mol nöd uf em Becher hocket, chunnt au wenig Hugo use. Danke Claudia, dass du mich us däre peinliche Situation grettet häsch. Stur lächeln und winken.
4. Wenn d'Bühni vo dä FGL z'chlii isch, stohsch halt usnahmswies mol irgendwo anderst. Zu minnere grosse Belustigung isch dött grad au dä Selfie-Automat gstande. Selte so viel z'tue gha währed eme Uftritt!
5. Wenn d'Priska nüme weiss was sie söll trinke, bin ich ihre i dere Notsituation en guete Fründ. D'Freud über die alt Birä isch riesig gsi!
6. Apropro Notsituation: Wenn dir dä Hinti i dem Moment s'gheime WC im Städtli zeiget bisch: a) sehr erstuunt, dass es das git und b) cheibe froh, dass für dä Moment din Friede häsch. Danke Oooondi!
7. Wenn z'Wuppenau i d'Halle laufsch und denksch "uiii..do hät aber glaub eine ine kotzet" bisch nöd erstuunt, wenn churz druff abe am Übeltäter über dä Weg laufsch.
8. Jetzt chunnsch die cheibe Tüürig sogar im Car z'gspüre über. Nöd das es mich wür reue, aber wenn für 10 Stutz nüme 4 Spezli überchunnsch, stimmts irgendwie eifach nüme. Zum Glück isch dä Jan so flexibel, ich bin nämlich en rechte Gwohnheitsmeinsch.
9. Wenn dich noch em Uftritt ä alti Frau aapfutteret, wieso das mer nöd mit em Huet umegönd go Geld sammle muesch nur solang mit ihre diskutiere, bis sie denn halt ällei ein hunderter spicke loht.
10. Wenn amne uswärtige Gugger vo Sins es grües Smirnoff für 5 Stutz verchaufsch, findet ers so geil wills so günstig isch, das 10 Stutz Trinkgeld überchunnsch. I dem Moment häts für beidi gstumme.
Egon P. geschrieben am März 15, 2022
Wenn noch dä Fasnacht direkt i d'Skiferie gohsch, muesch alli Rädli in bewegig setze, dass ä Wuche spöter no 10 Erkentnis anebringsch.

  1. Wenn noch em schminke vor dä letzte Appezeller-Rundi alli flüchtende Mädels gohsch go zämechratze und ihne dä Appezeller ufzwingsch, sind die würgende Gsichter ä gueti Belohnig für dä Ufwand gsi. Hihihihihihi.
  2. Wenn d'Melanie im Stollä alli Manne am Pfiffeli (hihihi, ich han Pfiffeli gseit) i ihrem Gsicht riibä loht und ihne denn es bitz Gin-Tonic is Gsicht sprüzt, hät sie deinifit en guete Obig.
  3. Wenn dich zu spoter Stund denn dä Fründ vo dä Meli uf dä Bühni durevöglet, hät au er definitiv en guete Obig.
  4. Wenns i dä Chlapf-Gade-Siäch-Alp meh verkleideti Lüüt als a jedem Fest vo dä FGL hät, bisch sehr positiv Überrascht. Genau so muess ä richtigi Hundsverlochete si!
  5. Wenn am Samstig mol in hindere drittel vom Car zu dä Fütz gohsch, erfahrsch es paar intimi und interessanti Gschichte. Uf jedefall isch nochher Schluuchwage-Samstig gsi.
  6. Wenn i dä Spanisch vo Arbon en Lutz bstellsch und chasch zueluege wie das en machet, laufts dir chalt dä Rugge abe. Er isch denn tatsächlich au nur lauwarm, huere starch und gar nöd mol so guet gsi.
  7. Wenn z'Arbon en chliine, dicke Bueb mit Migrationshintergrund en Schränzer mit dä Wort "du Huresohn, du Huresohn" durch d'Gasse jagt, hät er vermuetlich vo öppertem ä ladig Konfetti is Gsicht übercho. Ah wart, das bin jo ich gsi - hahahahahahahah.
  8. Wenn uf dä letzte Carfahr dä Adi als Tourplaner verdanksch, chas dir passiere, das nochher en Schmatz im Gsicht häsch. Glich immer no besser als am Stägi sini Lälle.
  9. Wenn noch em letzte Uftritt im Instrumentedepot ä Matte am Bode liit, muesch d'Chance Nutze und dä Meli ihren Fründ revanchiere (siehe Punkt 3). D'Meli packe, an Bode werfe und luut schreie "jetzt bisch fällig du Sau" löst bi ihre aber bitz en iritierte Gsichtsusdruck us.
  10. Wenn d'Anita am Afang usversehe "Gugus-Schränzer" verstoht, löst das zerst en Running-Gag us. Wenns nochher ghörsch spiele, isch das mit em Running-Gag aber ganz schnell wieder verbie. Sehr viel Gugus und sehr wenig Schränzer. Immerhin händs a üsem Uftritt möge stune, dass es au anderst wür goh.

I dem Sinn wär's das leider scho wieder gsi mit dä Fasnacht und dä lustige Rückblick do im Gästebuech.
Herzliche Dank a üsi Ushilf - bis nöchst Johr! 🙂

Machts gut, ihr Trottel!

Hochachtungsvoll

Egon Pimmelmann