Kapellmöter

1. Wenn z’Bazeheid d’Guggeverpflegig Wienerli mit Brot isch, du aber lieber en Hot-Dog willsch, muesch eifach din Scharm spiele loh und dis Aaliege ganz höflich und sachlich bi dä Bardame deponiere. Chan drum mit Stolz säge, dass ich Wienerli mit Brot gesse han.
2. Notiz a mich Alles was scharf isch und obe ine schoppfsch, chunnt irgendwenn au une scharf wieder use. Isch aber trotzdem ä feini Pizza gsi.
3. Wenn mer bim Jasse gwünnt, dörf mer das im Restaurant ungeniert au chli lüüter kund tue.
4. Als Hamburger chas eim durchuus mol passiere, das mer noch em Umzug 3 Posuune dörf mit hei neh. Scho guet, zahlet mol eis..
5. Wennd ä eigeni Schrinerei häsch, häsch bim Nagle (hihihi, er hät nagle gseit) wenig Konkurrenz. Do zahlet sich mini viele Stunde uf em Bau halt us.
6. Wenn dä Adi mit sim Iphone durch d’Gruft secklet und mit Träne i dä Auge allne es Bild muess zeige, hät er vermuetlich ä lusitig Gschicht entdeckt.
7. Wenn dä Mäci sini Futz-Magnet-Chappe verlürt, isch nöd nur er trurig. Zum Glück hät er sie wieder gfunde, isch mir nämlich persönlich au ä grossi Sorg gsi!
8. Wenn dis Portemonnaie bim Bruno im Car vergessisch, muess eifach immer dä Schränzer wo grad i dä nöchi isch dini Getränk überneh. Guet möglich, dass ich mis Portemonnaie nöchst Wuchenend wieder mol vergesse.
9. Wenn am Mäh sin Schläger-Kopf abbricht und genau a dis Pfiiffeli (hihihi..er hät Pfiiffeli gseit) spickt, muesch bim spiele ä churzi Pause iileggä.
10. Viellicht müesst am Roger mol öppert zeige, wie das mer s’Wägeli richtig zämebaut. Cheibe lustigs luege, wenn sini Toms nöd dä Reihe no agmacht sind, und er am umeheble isch wie en grosse, wills niä ufgoht.

Bonus:
Wenn s’Meitli uf em Heiweg von Nesslau am Cola nüggele isch, denn nagt dä Zah vo dä Ziit vermuetlich au a ihrem Körper. Mimimimimi.


Montag, 18. Februar 2019
Panzerknacker Adi

Do wäred mini Erkentniss vom füechtfröhliche Liechtesteiger-Weekend.

  1. Vor de Gwändlitaufi im Ochse die beide oder sind jetzt glich vier Servierdame beguetachte isch e schöni Tradition
  2. Wenn mer sich sälber seit, dass mer vor em Uftritt nöd soo viel trinkt, nocher aber als erschts gad en Flying Hirsch i de Hand hät, weisch, dass de Egge wo de Mälli stoht sötsch miiede
  3. Wenn de Leni bime Guggeuftritt de Liecht-DJ macht, chunt mer schnell uf d Idee das er das bi üsem Uftritt au chönnt mache
  4. Wieso chum i immer a de Gwändlitaufi uf d Idee me chönt bi üsem Uftritt no en chline Liechteffekt ibaue? Es klappet eh nie
  5. Im Gallsche umzüche wenn de Casti chrank isch, isch recht troche
  6. Di neue Gwändli gänd mega warm. Villicht isch das am Huet gläge, oder au a de Heizig wo mi de ganz Uftritt döre ablose hät. Uf jede Fall hett i viel gäh för es Bier
  7. Als Panzerknacker a d Fasnacht isch recht Witzig und sehr ring, und notfalls machsch hald no schnell en Bruch i de Bank äne. Händ mer scho es nöchts neus Gwändli
  8. Die Hännevogeli sind echt guet gsi, do hetts nöd  emol d Chnoblisose brucht. Weiss übrigens öpper wo die Schale isch
  9. Übrigens, de Schlüssel vom Gallsche isch wieder vöre cho. De Oberhofchoch Pfannestiel hät en gha. Hahaha
  10. Wenn de Musikus am Häneesse scho en Soundcheck macht das mer chönd Mooooniiiiaaaaaa singe, sött er nocher au di glich Duur näh wenn mer uf de Bühni stoht.

No näbis anders.

Törf mer das als Ehr aluege, wenn mer vonnere befründete Gugge e Afrog überchunnt zom bi ene während de Fasnacht go ushälfe? Obwohl mer selber au en Uftritt hät!

Tja, segs wies wöll. T Hoptsach de Chääs isch rääs und de Hond isch gsond.

Bis am Fritig!


Dienstag, 12. Februar 2019
Peach

1. Kennet ehr die Loftmatratze womer drof juckt und de wo scho drof liit sött den verspicke? Am Cöni sini Loftmatratze funktioniert echli anderst. Dei verspicket die wo drof jucket und wenns Pech hend, küssets au no d'Wand

2. Wer het etz enard de Schlössel?

3. Apropo Schlössel, de bruchsch anschiinend nöd immer.

4. De Päddy wär jo gern d Prinzessin gsii. Noch eigener Ussag hegs ehm öber d Arme aber z'fest gspannt. Wers glaubt! Jäno lieber zwo Orange als ein Lauch. ;)

5. Wennd im Spanisch en Chrütter-Lutz bstellsch wersch vo de Barmaid met grosse Auge ahglueget. Fraue drinket da anschiinend nöd.

6. Moscow Mule bstelle isch au nöd äfach.

7. Wemer vom Ochsä nömä id WG laufe mag chammer sit neustem s'Taxi Diana bueche.

8. Am Morge früeh chummi emel ziemli guet ah met minä 90er Hits. I fang glab ä neui Karrierä als DJane ah.

9. Stuhnsch nöd schlecht, wenn der am Mäntig morge näber bim Schaffe säät, dass mer schöni grossi bruni Auge heg. Heti demfall am Sunntig glich no länger chönnä omehockä.

10. Mini Familie behauptet glich stiif und fest sie seget chlii gsi. Und jo, i ha stiif und fest gschrebe.. hihihihi.

 

Machts gut ihr Trottel! Wooop Wooop! ;)


Montag, 11. Februar 2019
Kapellmeister

1. Am Fritig-Nomittag en Firobig-Jass im Ochse chlopfe, isch noch wie vor die schönst Art, zum is Wuchenend starte. Vor allem, wenn dir die vier Bedienige ase guet gfallet. Aso sind jo scho nur zwei wo schaffed, aber vier wo bringet...aso jo, ihr wüssed scho was i meine.

2. Wenn a dem besagte Fritig aber kein Long-Island magsch trinke, bisch dich immer no vonere Gripp am zruck kämpfe.

3. Es Liechtesteiger-Wuchenend mit zwei Uftritt isch uf die spielerisch Art nöd so streng, däfür anderst umso meh.

4. Wer genau hät denn jetzt dä Schlüssel vo dä Gallsche?

5. Wohrschindlich isch s'Ziel vome Gönnerapero nöd, dass dä Aktuar am meiste frisst vo allne. Jänu, trotzdem passiert.

6. Wenn sich dä Maa wo vor dir stoht immer d'Ohre zuehebet wennd di umtrüllsch, ischs ihm wohrschindlich z'luut. Wenn ers dir nochher au no chunnt go säge, ischs ihm nöd nur wohrschindlich z'luut gsi.

7. Mit däre Meute und somene Uftritt die neue und sehr geile (!) Gwändli in Empfang neh, macht eifach verdammt viel Freud! 

8. Vor luuter Polonaise chan mer scho mol verpasse, ob s'Stückli scho fertig isch oder nöd. 

9. Wer z'letzt chunnt, muess Prinzessin si. Hät aber super usgseh, Brüst zum drii biissä! Bim FC isch's übrigens au so: Wer z'letzt chunnt muess s'Schneewittli sii.

10. Jay Jay Music - Unterhaltig uf allerhöchstem Niveau, Hut ab!


Sonntag, 10. Februar 2019
Kapellmeister

1. Wenn mer trotz grosser Akündigung es Johr spöter sini Erkenntnis glich wieder als Kapellmeister chan schriebe, isch irgendöppis nöd ganz richtig gloffe. Jänu, Spass machts au das Johr wieder.

2. Wenn mer bim Charlotta fast verhuddlet, seits relativ viel über d'Qualität vom erste Uftritt us.

3. Erstundlicherwiis häts trotz Punkt 2 en huufe lüt gha, wo gfunde händ das es mega geil tönt hät.

4. Wenn noch em Uftritt lüüt vonere andere Gugge zu dir chömmed und säged, das mega fest händ müesse lache, wos gseh händ das ich vorne ane stoh, chammer stolz sii uf die neu chopfbedeckig.

5. Apropro Chopfbedeckig: Ich han am Bruno im Depot grad no dä Service gmacht. Ihr glaubets nöd, won i han wölle s'WC putze isch no eine dine ghocket! Isch dä cheib bi dä Heifahrt doch tatsächlich eifach uf em WC igschlofe!

6. Notiz a mich: Wenn dä Hinti seit, er goht a d'Bar und loht sich um, denn meint ers au so.

7. Wenn dä Mäci sin Abgang us em Car gross mit "machts gut ihr Trottel!" akündet, d'Cartür aber scho wieder zu und dä Car losgfahre isch, chasch dir es schmunzle nöd verkneife.

8. Wennd ufeme Uftritts-Video genau denn en huere saich spielsch, wennd mit Grossufnahm gfilmet wirsch, denn liidet s'Image scho es bitzli drunder.

9. Wenn ä Frau dä frei Platz vom Bermuda-Viereck will überneh, sie uf dä heifahrt aber mit dä andere zwei (Zitat: "Grooooosse Fasnächtler") am schlofe isch, denn frogsch dich scho, wo die guete alte ziite ane sind. Do isch jo sogar imene Seniorebus noch Ischia no meh Party.

10. Am Rocco Siffredi sis Pfiiffeli isch exakt 23cm lang.

 

Und do no en Spezial-Zuesatz für dä Cöni:

Hamburger, Bier!


Montag, 04. Februar 2019
 
Powered by Phoca Guestbook

Eingabeformular