Cöni

1. Au wemmor als einzige es anders Gwändli hät, söttmor d'Hose glich ahschriebe. D'Jacke ellei langet nöd.
2. Es isch nöd klug, im allererste Stückli drizspiele, so dass Gugge fascht verhuddlet. Usem 4/4 Takt isch spontan en 5/4 Takt worde.
3. Aber luut ischs gsi.
4. Wenns innere Shisha-Bar soviel Rauch hät, dass en Schluch wür lange wott eifach chasch id "Luft" hebe, gohsch gern wieder use.
5. Bim McDonalds gits anschienend di gliche Flattervögel wie am Hennenesse, anderst ischs nöd z'erkläre, dass de Mäh nocher so still worde isch.
6. E Stund und füf Furzgörps spöter, isch de Mäh aber bereits wieder es bitz am schmunzle gsi. Nochere grössere Sitzig häts denn sicher au wieder Platz füre Ente oder bitz Bluetwurst us de Dose gha.
7. Händor gwüsst, Wachmanne müend au schlofe. Und zwor scho am elfi. Schön ischs gsi am Frietig.
8. Nebst de Zuesatzkategorie "Schönste musikalische Leiter" häts auno d'Kategorie "willkürlichi langi Tön anenandreihe und lieslig spiele" gäh. Als Juror hät sich de Mäci anerbote. Pro Minute, wo er uf de Tribühni gschlofe hät, häts en Punkt gäh. En Gwünner hätmor leider nöd chönne eruiere, de Mäci hät bi fascht allne Guggene durregschlofe.
9. Bim helfe Köffer in Car ine biege (wieso jetzt nomol gnau?) hanni müese säge, dass ich meh de Denker wie de Macher bin.
10. Bim abebiege binni leider zur falsche Ziet am falsche Ort gstande.
11. WAS ZUM TÜFEL PACKET IHR ALLES I DIE VERFLUECHTE KÖFFER IEH, DASS DIE SOOOOOOOO SCHWER SIND? Ei Underhose langet doch.
12. Es schös gfühl isch, wennt am Zieschtig Morge immer no liecht de Puls ide krustige und offne Lippe gspührsch.
13. Wer ohni Üebig "all in" goht bim spiele, mues demit rechne, dass di letschte zwei Uftritt eher noch "all off" tönet.
14. Wenn sich de Silvio nocheme Stückli trüllt und meint: "ah, das wär jetzt also di dritt Posuunestimm!?", ischmor sich nöd ganz sicher, öbs würkli es Kompliment isch.
15. Wennt ine Gymnastikhalle - äxgüsi, iispiillokal - chunnsch, wo e Horde Schränzer umehocket sötsch nie säge: "spielet doch chli Völkerball!". Guet, am Afang ischs jo auno e Art Völkerball gsi.
16. Wenn de Mäh dich mit ganz chline Äugli im Car ahluegt und frogt, öb er a dinni Schultere dörf lähne zum schlofe, weisch, dass au er es paar lustigi Stunde ide Halle gha hät.
17. De Leni hät en Freipass gha zum ebefalls solistisch i Luggene zspiele. Händ jo eh alli mich ahglueget.
18. Wennt als Gast mitchunnsch und alli dir mol eis wönd zahle, bruchsch kum Geld. Defür wött aber au jede mol mit dir liire. Mengisch hettis lieber selber zahlt.
19. De Remo isch jo nöd so schnell sprochlos, aber wenn er dir irgend en Brunz verzehlt und du völlig zämehanglos antwortisch: "De Metzger hät halt am Sunntig nöd offe." weiss er nöd grad was säge.
20. Wennt denn nohdopplisch und meinsch: "I hann gmeint, mir säget üs jetzt Sache wo niemert intressiert.", weiss de Remo selber nöd, öb er jetzt söll verruckt werde oder lache.
21. Nutella innere Popcornkruste isch no recht fein. Danke Steffi und danke am ülülü-Lade.
22. Endli hanni mol chönne ide Halle spiele und hann so richtig möge.

Danke nomol recht herzlich eu Allne für das glatte Wuchenend!


Dienstag, 18. Februar 2020
Mela

1. Wenn am Fritig Mittag der 5 Chind wie verrockt usem Fenster zuewinket, weisch nöd gnau, öbs froh sind well'd gohsch oder öbs die etz scho vermisset. 

 

2. Am Mäh ä rundi immne Sportwage spendiert, Karriere als Formel 1 fahrer stoht bevor.

 

3. Wenn dis Gastmami 2 Better zu Verfüegig het, chas guet sii, dass s Wochenend ofeme Liegestuehl pfuuse dörfsch. 

 

4. Wenn am morge id Badwanne go dusche gohsch, mosch scho chlii lache, wenn de Strahl so starch isch, wie wenn d Duschbrause Prostata het. 

 

5. Wenn denn de Fööh au no eh lau's Löftli vo sich git, merksch, dass do alles chli gemächlicher zue und her goht. 

 

6. Wenn am Samstigobig zo dim Schlofgspändli gohsch und seisch:" Die nimm i hüt no hä!" isch de Sinn dehinder nöd es Techtelmechtel, sondern, dass da Gspändli nöd vor luter fehlende Orientierig verlore goht.

 

7. Schlecht ischs nöd gsii aber Bluetworst usem Rindsdarm isch immerno besser als usere Dosä. 

 

8. Guet hemer no paar kreativi Büezer bi üs wo wösset, wie met Kabelbinder omgoh. 

 

9. Zeig nie met em nackte (jo i ha nackte gseit, hihihi) Finger of näbert. 

 

10. Mengmol frögsch dii scho, öb metme Gsangsverein oder met ehre Gugge underwegs bisch. 

 

 

Bonus: Ä lustigs verwache ischs trotzdem wenn z mol gsunge werd: "Schatz chauf mer en Köbi Schlegel ... und mir schleglet omenander of em Köbi omenander.." 

 

Hopp die Schwarzä! 


Montag, 17. Februar 2020
Kapellmeister - dä schönscht sogar

1. Wenn d'Bettina ihri Trompete zum hei goh selber im Koffer versorget, aber die zwei Minute spöter im Car verzwieflet suecht, hät sie vermuetlich es paar glatti Stund i dä Halle gha.

2. I ha lang müesse druff warte, aber jetzt ischs endlich offiziell - dä schönscht musikalisch Leiter bin ich! Wenns dä Maa am Mikrofon seit, wirds jo wohl au so sii.

3. Apropro musikalische Leiter: Wenn vo 20 Gugge dä einzig bisch wo astell vo wiise Händschli e Instrument i dä Hand hät, machts no viel meh Spass, zums chli Krache loh dött vorne.

4. Sehr lobenswert, wenn dir vom Verastalter en Ruum zum ispiele zur Verfüegig gstellt wird. Weniger lobenswert, wenns dä Gymnastikruum isch. Äs chlises Wunder, dass nünt kaputt gange isch.

5. Sehr lobenswert, wenn dir vom Verastalter ä Guggefüehrerin zur Verfüegig gstellt wird. Weniger lobenswert, wenn sie astrengend isch wie verruckt.

6. Dusche innere Badwanne unter dä Dachschrägi isch zwor möglich, aber nöd sehr praktisch. Trotzdem lustig, wenn denn dis Schlofgspändli am morge bim "dusche" ghörsch lache, will us jedem Dorfbrunne z'Afrika meh Wasser chunnt.

7. Bstellt: 1 x Starposunist zum ushelfe für s'ganze Wuchenend. Übercho: 1 x Bsoffne Cöni.

8. Wennd am Sunntig-Morge ä Posune mit Kabelbinder muesch flicke, bisch froh wenns nöd di eige isch.

9. Erfolgsmodell zum lästigi Lüt abzwimmle: Hä? Hä? Hä? Ähäää... Funktioniert iwandfrei und bi gwüsse Persone au meh wie ei mol.

10. Hoffentlich setzt sich dä Mäh bi dä Regierig nöd all zu fest ih, suss gits am Fasnachtszistig i dä Risi obe Bluetwurst us dä Dose. Und jo, au ihr ghöret is Gfängnis - pfui Teufel!

11. Guggemusig und Bowlingbahn passt öppe so guet zäme wie Wurst-Chäs-Salot mit Pommes Frites. Immerhin händ die rechte Manne nochher nochli chöne Pfiiffeli-Verglich (hihihi, er hät Pfiiffeli gseit) am Boxchaste mache.

12. Han am Fritig-Obig usversehe es Bier mit Cola verwütscht (wer macht überhaupt so öppis?!), has denn au usversehe stoh loh.

13. Wenn noch gfühlte 10 Johr wieder mol muesch helfe bim schminke, weisch fast nüme wie das es goht. Aber für ein Tag Glitzer-Chef si isch ganz ok - meh isch meh.

14. Falls dä Regi irgendwenn wieder mol dä Lade muess überneh, wär er vermuetlich froh, wenn ihm öppert wür helfe uf 30 zelle.

15. 10 x 15 Minute git halt glich 2.5 Stund vollgas - dementsprechend fühlet sich mini Lippe au ah. Danke für eue Isatz - hät ei mol meh cheibe Spass gmacht zum musige mit eu allne.

16. I glaub, dä Moderator in Salach hät ab üsem Uftritt es chlises Ständerli (hihihi) übercho. Gar nöd mol so schlecht gsi das Festli - ab dem cheibe Tourplaner stuhnsch scho immer wieder.

17. Wenn mit zwei Manne in MC gohsch go znacht esse, sie aber mit dä Begründig "i han scho öppis Zmittag gha" nur so en chline Cheesburger nähmed, chasch nur dä Chopf schüttle.

18. Danke für dä Navi-Service Melanie, ohni di hett i da cheibe Huus vo dä Maria scho wieder nöd gfunde.

19. Reginold, Oginold, Lösinold und Michinold - die vier Paukentiere. Nur fest chlopfe isch geil!

20. Hier könnte ihre Geschichte stehen.



I dem Sinn: Gueti erholig und ab em Dunnstig mit vollgas is Fasnachtswuchenend!


Montag, 17. Februar 2020
Bundesrat

1. Ich finde Worst-käse salat und pommes e super kombination. Danke Frida

 

2. Wenn mer in Mogelsberg vo de Securitas usegworfe wird.... chammer  in hinterigang, vo döt in Lift.... mit em Lift öpe 10mol ue und abe fahre und sganze system vo mogelsberg isch überlistet und mer stoht wieder a de bar......

 

3. Am hinti sin Umhang isch in Ganterschwil im ne wage "verlore gange"

Ich han zufällig erfahre das de wage im schönegrund au wieder am umzug isch.

Das de Hinti sin gliebte Umhang wieder het, wörd ich am finder wo de umhang am Hinti wieder bringt, es spezli spendierä

 

4. Wenn in Gams plötzlich alli um dich ume rüefet halt, denn hesch nöd öpe es kind überlaufe, sondern dini guggegspändli lueget nur das nöd volgas id kotze laufsch.....

danke eu

 

5.Wenn mer nochemne super uftritt in Ganterschwil, völlig übermotiviert mit em Mäh ahstosst, chas au sie, dass mer nurno scherbe i de Hand het. 

 

Und jetzt ab uf Adelberg


Freitag, 14. Februar 2020
Mela

1. S' Bier id Hand neh und den trinkä isch langwillig.. drom machs doch met de Füess. D'Hose dankts der!

 

2. Wenn vo de Pauke of s Sousi wechslesch, stohsch of de Bühni zwor witer obe aber keihsch au witer abe. 

 

3. Wenn am Guggegaudi no dorst hesch ninnsch eifach de Lift wieder id Halle abe und hoffsch, dass Tör nöd bi de Securitas ufgoht. 

 

4. Wenn am Monster z'Gams d Zueschauer "Zugabe" rüefet, het sich s warte glohnt. 

 

5. Wer kei Taktgfühl het, muess es au nöd met ere Grüeabfuhrtonne probiere. Danke Adi! Held vom Obig.

 

6. Aso wie Tönt etz en Furz wo nöd usedrockt werd?

 

7. Apropos Furz und so... 

 

Der Schurz (flatus faecalis, schurzus major)

Diese gefürchtete Variante ist eine Kombination aus Scheißen und Furzen (daher der Name). Sie wird durch den flüssigen Mitstreiter, den Dünnschiss, gekennzeichnet.(...)

Laut medizinischer Definition wird erst bei einer ausgeschiedenen Menge von über 5 Gramm festen Materials von einem Schurz gesprochen, kleinere Mengen fallen in die Kategorie des feuchten Furzes. Oft hinterlässt der Schurz einen unerträglichen bis tödlichen Gestank.

 

... und drom Schurz und nöd Schlurz. Bitte gerngscheh. 

 

8. Wenn de Adi met eme Sprenger scho en Uftritt ame Hochzyt plant isch er entweder verdammt voll oder.. jo, i glaub verdammt volle.

 

9. Wötsch mer sägä i ha en fette Arsch du...! 

Nei isch wörkli gmüetlich gsii im Taxi. 

 

10. Wenn am Sunntig Morge s' Schminke verpassisch, sötsch d' Clownnase för bitz Farb im Gsicht definitiv ahbhalte.

 

Öppis chlises zo Punkt 7:

Anschiinend gits no de Glitscher. Da chömmer den aber bi de nögste Carfahrt no gnäuer ahluegä. Zyt hemer jo. ;) 

 


Dienstag, 11. Februar 2020
 
Powered by Phoca Guestbook

Eingabeformular