Cöni

1. De Mäh isch schlanker wie en Teddybär. Aber nödso kuschlig.
2. Wenn de Mäh immer mittrinkt, aber nöd debie isch, muesch halt s‘dopplet trinke.
3. Wennt innere Bar nüt findsch wot gern häsch, chasch gern au mehrmols de dopplet Pries zahle für en flügende Hirsch. (1. Ahzeiche vo „trink nüme!“)
4. Geld zrugg? Ä was… nomol paar Hiiioorrschhhh… (2. Ahzeiche vo „trink nüme!“)
5. Bi nu eim Uftritt chasch so richtig alles gäh und gumpe und spiele… und … phu!!
6. Wenn de DJ so richtig Gas git, gohts wieter mit tanze, gumpe und singe, … (3. Ahzeiche vo „trink nüme!“)
7. Wennt bi de letschte Zündkerze nu so tuesch wie wennt würsch trinke, häsch di letschte 3 Ahzeiche nöd gseh und somit nützts nüme viel.
8. Wenni amel am Schluss chönnt wähle zwüschet   A) in Ochse goh bis eim usewerfet   oder   B) Kotze und Durchfall bim Mäh dihei   muesmor nöd immer A) näh.
9. Am Samstig hanni endli mol chönne minni Überstunde chli abbaue.
10. Wenn am Mentig go schaffe chunnsch, und zwei wäge Mage-Darm-Gripp fehlet, denn chasch alli Pünkt obe grad vergesse! Pfff… Weg dem bitzli wo de Mäh trinkt!
11. Minni Rückspiegel sind poliert für nöchst Wuchenend!


Montag, 29. Januar 2018
Kapellmeister

1.    Wohl dem, wenn nur s’Hi-Hat vergesse gange isch. Gell Roger?
2.    Wennd als letzte us em Car usstiegsch, no es vergesses Gwändli-Oberteil gsehsch und extra mit ninnsch, bisch ziemlich entüscht, wennd merksch das uf dä Bühni glich alli eis ah händ.
3.    D’Nochfolg für dä musikalisch Leiter hät sich am Fritig greglet. Mir machets wie d’Luzerner und stellet eifach die schönst Frau füre. Denn spielts nämlich au kei Rolle, wennd dä Takt falsch azeigsch.
4.    Als Uswertigi-Ostschwizer Gugge wirsch immer solang belächlet, bis mir fertig sind mit spiele. Meistens wechslets denn vo belächle uf bewunderig.
5.    I verzell eu jetzt es Gheimniss: Dä Grund wieso dä Hinti nie 10 Erkentniss schriebt isch nöd, will ers nöd chan. Er weiss am Mäntig schlicht nüme, was die letzte 72 Stund passiert isch.
6.    Punkt 1 vo mine letzte Erkenntnis wär somit no offiziell bestätigt.
7.    Hät Dortmund es Goal gschosse? Wart, ich lueg mol gschwind…
8.    Z’Gams uf em Manne WC willsch währed em grosse Gschäft nöd unbedingt vonere Frau gstört werde. Wennd ihre das nochher mitteilsch und sie dich komisch aluegt und frogt wie du weisch das es sie gsi isch. Do wär dä Tipp: „isch do no friiiiiiii?“
9.    Fälschlicherwies redet mer uf em Bau immer vomene Doppelmeter. In würklichkeit isch es aber en Zweimeter-Meter. Froget doch eifach mich, ich bin schliesslich vom Fach.
10.    Git schlimmers als miteme Schinke-Chäs Toast dä Obig im Ochse usklinge loh. Und Cöni: Häsch nöd recht gha, isch doch wieder dä Gölä gsi wo es Konzert gspielt hät.


Montag, 29. Januar 2018
Geburtstagsgast

Wenn mer bim Fabi zum Geburtstag iglade isch, chas si, dass mer bi vier Rotwiifläsche - Vier verschiedeni überchunnt... cool


Donnerstag, 25. Januar 2018
Ehrenpräsi

1. Wenn im Ochse vo so hübsche Engeli und Tüüfeli empfange wersch, gits sicher e gueti Fasnacht.

2. Info an Hinti: loh dis Handy nie unufbesichtigt uf em Tisch ligge, wenn de Schlegel i de nöchi isch.

3. Wenn't einer mit ere Sicherheitsnodle s Kleid söttsch enger mache, bisch froh wenn dini Frau gad näbedra stoht und der cha helfe.

4. Wenn de Pinsel bim Uftritt infolge Platzmangel direkt näbed der stoht, denn cha mer de Showeffekt bim Spoiler nöd mache.

5. Bim z Morge esse Chasperlitheater lose isch sehr amüsant. Gäll Schorsch Gaggo!

6. Wenn mer kei Hi-Hat debi hät, chunnt mer sich vor wie en kastrierte Muni!

7. Wenn näber i d Rundi ine rüeft, dass mer nocher zämä Mooooooooniaaaaaaaa uf de Bühni singed, bisch froh wenn de Stägi öppä glich lustig isch und mitmacht.

8. Nöd jede Bauer, ledig sucht, isch au am sueche.

9. Wenn z Wuppenau noch dem geile Uftritt am Organisator tschüss seisch, und er der es Bier schenkt, cha mer fasch nöd nei säge, au wenn mer gad no e frisches gholt hät.

10. Wenn eine im Ochse e Schränzer-Rundi zahlt, isch es vo Vorteil, wenn mer gad hinder de Bar stoht und cha ifluss näh was es denn für es Schnäpsli git.

11. Wenn seisch, du trinksch nur no schnell da Bier läär und gang nocher ist Bett. Häsch di quasi selber verarscht, wenn s Bier am Morge no halbe volle isch.

Isch en tolle Uftakt gsi, wünsch allne gueti Erholig. - Bis am Fritig!


Montag, 22. Januar 2018
Cöni

1. Wennt di di ganz Wuche freusch, am Frietig am vieri en Long Island chönne go trinke zgoh, denn ischs recht entüschend, wennt um die Ziet no am schaffe bisch.

2. Defür chasch am füf vor halbi sechsi die vom Ochse grad id Gruft mitnäh.

3. Halt! Es isch füf VOR halbi. Ah, denn nimmi no zwei Appezeller.

4. Die Fasnacht häts überall wo mir sind so Plagiats-Schränzer vo üs ume. Die Chinese weret würkli immer besser! - Nu, wer hät sonen seich bstellt?

5. Schwäbisch Gmünd seg jetzt schinnts am öffentliche Verkehrsnetz vo de Schwiez ahgschlosse. Es fahrt es Postauto use.

6. I hett au sölle en Schinke näh wenn de noch Poulet gschmeckt hät. Well mis Poulet hät nu noch Knobli gschmeckt. Ää wart, das isch jo besser!

7. Für in Car hanni es Glücksrad bstellt für d'Wahl vom jewielige musikalische Leiter. Lustig gsi!

8. De Dani stoht die Fasnacht sicher aumol vor mir. Chaschen denn nocher nomol fröge Päddy. I glaub, du bisch uf derre Siete gstande wo amel de Gispel gsi isch, dött ghört er no guet.

9. Wenn d'Ramona am Silvio nohrennt zumem d'Underschlüch vom Lieb zriesse, chas durchus mehreri Gründ haa.

10. Falls öpper vo üs je uf d'Idee sött cho, sies gschminkte Gsicht annere wiesse Zimmerwand z'riebe zum luege öbs abfärbt, fröget doch d'Regu, sie weiss jetzt öb jo oder nei. Däh Mäh übrigends au. Isch sinni Wand gsi.

 

Aaaa... Eine hanni no:

11. Two Beavers are better then one!


Montag, 22. Januar 2018
 
Powered by Phoca Guestbook

Eingabeformular