Cöni

1. Wennt krank bisch, ischs nu halb so glatt.
2. E Zusag zmache für de letscht Uftritt am halbi Zwei isch recht muetig.
3. Guet händ mir aber nöd müese am halbi Drü spiele!
4. Geil isch de Uftritt gsi, aber i finds us Prinzip muetig. *zwinker*
5. Sone Hafekneipe wie in Arbon söttmor haa. Oder zumindest die Ahgstellte und d'Hamburger.
6. Wennt eigentli so richtig nöd magsch, aber denn de Mäh gsehsch id Meitliriege laufe, muesch innerlich scho bitz schmunzle.
7. Z'Stei findsch nödmol am eis ide Nacht es ruhigs Eggli. Müend mir wiedermol goh!
8. Sone unmotivierti Gugge hanni selte gseh wie d'Schränzer z'Stei - a mol, die wo noch üs händ müese spiele z'Stei.
9. Aber kum hättmor s'erste Bum vo de Pauke ghört, häts nurno kesslet, gumpt und tue was hät möge! Sehr en geile Abschluss gsi!
10. Bim Uselaufe häts grad chli Platz brucht.
11. Wennt wiet und breit kei Liecht me gsehsch, denn stiegt au nu de Roger usem Car us und lauft hei.
12. Nochem Uftritt hetti no so möge, doh hettmor guet nomol chönne id Bärehöhli!

So, jetzt freumi uf de Abschluss 2.0 uf de Skipiste. D'Stoppuhr am Schlitte isch gnullt und ich hoffe de Rekord vo Arosa chönne z'breche: 5 Sekunde und zägg a de Bar. Das gilts z'schloh.


Freitag, 10. März 2017
Ehrenpräsident

 

1. S Eichhof-Büchse-Bier isch jetzt definitv überegheit, oder isch es echt vo Afang a nöd so guet gsi?

2. Mi ninnts wunder woher die Schönegröndler de Schnee gstohle händ für die Bühni.

3. Wenn en Flying Hirsch trinksch, aber s Red Bull weg losch, wells nöd magsch verlide im Alter, denn merksch ersch recht wie gruusig de isch.

4. Wenn ame zuekünftige Ehemolige-Gugger es Bier wötsch zahle, er nei seit, aber nocher glich selber eis chauft, denn chunnsch der recht blöd vor.

5. Wenn de Lösi nüme graad cha laufe sött mer gschider selber go luege wo er sis Gwändli hät, er wörs  jo eeh nüme gseh.

6. Z Arbon häts e Kneipe, die isch fasch so wie früener de Pfaue, eifach Herrlich.

7. Wenn no achli am liire bisch, isch es ganz OK wenn de Roger s Startsignal git.

8. Han i scho gschriebe, dass es i de Hafekneipe z Arbon recht gmüetlich gsi isch, nur s Bodesee-Wasser isch zimli süess, devör de Hamburger super.

9. Wenn als ersti Gugge i de Halle muesch spiele, aber dusse au no öppis lauft, chas si, dass no nöd soo viel lüüt i de Halle sind zum zuelose. Zum Glück mached mer das am Monster nöd eso.

10. I jedere Gugge häts eine wo di en ganze Obig chönt vollliire, zum Glück gitz Alkohol, denn mues mer nämli zwüscheddüre uf s WC.

11. Stein AR = Moslig SG = Einmal Hölle und Zurück!

12. Isch ein Hammergeile Abschluss gsi bi üsne Appezeller Fründe, do sind mer sicher nöd s letscht mol gsi.


Freitag, 10. März 2017
Kapellmeister

- Wenn 5 vo 8 1. Trompete fehlet, bisch froh wenn eine churzfristig glich no uftaucht.

- Im Schönegrund trotzets doch tatsächlich am Klimawandel und händ no ä Schneebühni baue. Am Samstig isch vo däre aber nüme viel ume gsi.

- Wennd freiwillig in Schönegrund fahrsch, merksch das es langsam zäch wird.

- Wenn sogar dä Haselmösler-Wage seid, das am Gispel sis Mami uf DSF chunnt, wirds vermuetlich au so sii.

- Wenn ein Johny Deer Deer Deer noch em andere gsehsch, bisch im Schönegrund am Umzug. Grad aschlüssend sind mir denn an See See See, Bodesee See See...

- Am Umzug mit em Mäci dä Wäge noh isch zwor ä lustigi Sach, chönntsch theoretisch nochher aber au scho wieder hei goh.

- Ä Kaffistube wo sich "Möhl-Stube" schimpft, aber weder Säftli no Bier verchauft, han i au no nöd grad gseh.

- Das Appezeller nöd ganz normal sind, isch jo Landeswiit bekannt. Aber wenns öppis chönd, denn isch es Fasnacht fiire.

- Bewerbige für en Bermuda 4-Eck Platz chönd ab sofort igreicht werde. Dä Mäh hät entschiede, das er doch lieber wieder zu dä Meitliriege wür goh.

- Ä Saison händ mir no immer mit em Trompetefigger beendet. Koste es was es wolle!


Sonntag, 05. März 2017
Ehrenpräsident

 

Bevors hüt obig scho wieder witer goht, do au no mini Erkentniss vom letschte lange Wuchenend.

 

1. Wenn mer als Guggefüerer am Städtli-Monster schaffet, gseht mer das Fest mol vonnere ganz andere Site.

 

2. Wenn am Fritig morge mit drü Fraue chasch go s Städtli putze, häsch di richtige mitgno, wenn aber de Lösi au plötzlich mitmacht, isch mer nüme Hahn im Korb.

 

3. Hät jetzt öpper die schwarz Täsche gfunde vo de Dickler?

 

4. Endlich mol es Monster wo klappet hät, danke Päddy und danke de Schränzer wo eifach so luut gspillt händ, das mer di andere nüme ghört hät.

 

5. Zum Glück hät im Kafistübli in Sirnach e gueti Musig gspillt, de Lutz wärs nämli nöd wert gsi zum döt ine höckle, dezue isch Bedienig nöd so locker gsi wie gwünscht.

 

6. Wenn als Liechtesteiger Gugge in Wil i de Bärehöhli ersch use chasch nochere Zuegob, denn hät’s sicher recht fescht tschäderet.

 

7. So en Apero vor und noch em Lütisburger Umzug isch scho öppis schös, me sött eifach s Wiigläsli ustrunke ha bevor mer afangt spile.

 

8. Mängmol wärs schlauer, wenn mer hei wör go, als no in Ochse abschliche.

 

9. Jo, i gibs zue, de Narregottesdienst isch cheibe schö gsi, aber i wer us Prinzip au nöchst Johr degäge stimme.

 

10. Wenn eim de Beizer i de Wies seit, de Schnauz gseht nöd guet us, mues mer em zersch erkläre, dass mer während de Fasnacht guet mol törf, nöd so guet usgseh.

 

11. Schlechts Bier isch jo guet und recht, aber das Maisgold im Plastikfläschli chasch jetzt würkli nöd suuffe, do fang sogar ich a irgendwelchi komischi Drinks suuffe.

 

12. Au wenn mer seit, das mer en Schlüssel debi hät, chas guet si das mer nöd is Huus ine chunnt.

 

13. Im Altersheim gits Pizza mit Rhabarber, oder isch es jetzt glich söss näbis gsi.

 

14. En Munggepupf isch no nie öppis guets gsi, vor allem isch de Rahm total föhrig.

 

15. Mis neu Beizeinstrument isch super, bi no nie so schnell i de Beize ine gsi und wieder dusse.

 


Freitag, 03. März 2017
anna1977
http://fotoscanner-test.net/

Tolle Seite leute !

 

weiter so


Donnerstag, 02. März 2017
 
Powered by Phoca Guestbook

Eingabeformular