Clödeli

1. Am Städtlimonster fahre got guet sitt die chlii Sister nöme cha go hälfe cho... nur frogsch dich am Friitig wohär das Chopfweh und dringlichkeit ufs WC go, chunt. Hetsch also locker chöne trinke, wärsch glichwiit.

2. Wänn de Örgeli-live Musig z Unteregge seisch sie söllet spille bis mir uf de Car müend, sinds zimli froh wenn churz vorem halbi 3 äntli hörsch tanze.

3. Für de nüü/alt Tourplaner, oder wie au immer das jetzt isch, ich würd gern z Unteregge mal chli länger bliibe. Sie hend die best Kafistube.

4. Im Apero vorem Schännerumzug lohnt sich alleweil, danke liebi Oberstiftin.

5. Yess, Gänger-Töffelifahre chani immer nu.

6. Choge vill Lüüt stönd am Strosserand z St.Galle am Umzug - chan dene aber bitte mal öbbert sägä, dass Gugger nöd Freud hend wenns Konfetti direkt an Grind überchömet?!

7. Wenn als Gugger de Punkt 6 de Lüüt wetsch erklärä und du seisch, hegsch än Konfettialergie, chemsch en grüene Grind über, nehmets ein eher nöd so ernst.

8. Sone Rösti am Fasnachtssunntig bide Rüth isch de Hammer.

9. Es git Moment im Läbä woder es rieeeeessse Loch neb dir wünschisch, zum driii versinke - keis schöns Gfühl wenn en z grosse Schnorri bisch.

10. Wenn de Bölle under de Nase durelauft, chasch nüt defür das am letschte Uftritt ase Träne vergüssisch.

Schön isches gsi - schön isches verbii:-)

 


Donnerstag, 15. Februar 2018
Kapellmeister

1. S'letzte mol Erkentniss als Kapellmeister schribe, loht wiedererwarte doch es bitzli Wehmuet ufcho.
2. Wenn am Schluss vo dä Fasnacht dä halb Verein am Träne vergüsse isch, frogsch di scho, wieso das die Lüt überhaupt ufhöred. Jänu, so händ mir imene Johr sicher wieder en huufe gueti Hamburger!
3. Trotz dä Sammelaktion und dä Car-Verlängerig bim Bruno, chunnt irgendwenn dä Ziitpunkt wo mer us em fahrende Huus wieder muess uszieh. Schad hät s'Geld nöd glanget, das mir alles bis nöchst Fasnacht chönd im Car loh.
4. Wemmer sich z'St. Galle am Umzug mit dä Startziit verschätzt, chas passiere das eim die eige Gugge spielend entgege chunnt. Frei noch A. Hinterberger: Huere schlimm weg eimol.
5. Bewerbige für ä Gugge-Fründin nimm ich absofort entgege. Jetzt wo d'Janine nüme däbii isch sött ich öpper neus ha, wo so guet uf mich lueget. Und immer fahrt.
6. Im Remy chli go Jasse isch ä glungni abwechslig. Wennd aber d'Ohrestöpsel muesch inetue, wills so en verdammte Lärm isch, wirds mit dä Kommunikation chli schwieriger. Guet sind mir alli dä Zeichesproch mächtig!
7. Am freie Mäntig miteme glatte Grüppli ane Bade-Taste-Party goh isch ziemlich lustig. Blöd nur, wenn dä einzig bisch wo sich a dere Party verkleidet hät.
8. Das es ä strengs Fasnachtswuchenend isch, merksch spötestens denn, wenn dä Ochse jedes mol scho zue hät wennd no uf es Fiirobigbier willsch.3
9. D'Hirachie i üsem Verein muess glaub wieder hergstellt werde. Mittlerwiele sind scho d'Hamburger im Car am liirä.
10. Erstunlich, was binnere Gruft-Putz-Aktion so alles für Müll füre chunnt. Uf jedefall händ mir jetzt kei Stempel-Maschine meh.
11. Wenn dich am Monster dini zwei "Fröschli-Wiiber" im Stich lönd, muesch dich halt selber um Nochschuub kümmere.
12. Wennd am Monster willsch go z'Nacht esse und völlig verdutzt a dä gschlossen Bauamttür rüttlisch, merksch selber das öppis nüme glich isch wie früehner.
13. Bi so Wetter wie am Zistig lauft mer doch gern dä ganz Umzug z'Krinau. En musikalische Leckerbisse isch es aber trotzdem nöd grad gsi.
14. Wenn dä Hinti zmol mit rosarote Leggins näbed dir im Car hocked, luegsch chli gnäuer ane wo das er sini Händ hät. Bitzli Angst häts mir scho gmacht.
15. Wenn z'Sirnach s'Drehliecht afangt und dä Chapeua eifach dä Huet drüber stülp, chasch guet nomol eis, zwei spiele.
16. Notiz a mich: s'Vogelisi chammer oktaviere, sött mer aber nöd. Gell Roger?
17. Nebed em Cöni huupe macht verdammt viel Spass. Wenns aber no es Stückli meh gsi wär, hetts eine vo üs zwei vermuetlich gnoh. Vorher hett keine ghört spiele.
18. Nei Pocahontas, es tuet mir nöd leid. Du bisch ä elendi Nervesäge!
19. Z'Unteregge sägeds dem Wienerli. In Worheit isch es aber nur en Darm wo mit chli warmem Wasser gfüllt gsi isch.
20. Wenn z'Niederhelfeschwil en Thurvogel vor dir uf em WC-verschwindet, wunderisch di es bitzli wieso das er nöd es freis Pissoir ninnt. Churz druffabe han ich denn ghört, wieso das er sich für ä Kabine entschiede hett. Guet, wenn ich so en rüsel müesst spiele, wür i mi glaub au für d'Kabine etnscheide.

Viele Dank eu allne eimol meh für ä strengi, geili und musikalisch sehr erfolgrichi Saison!
Es hät unglaublich viel Spass gmacht mit eu - Danke eu allne für dä Isatz und die hammer Fasnacht!

Allne ustretende vielen Dank für euen Isatz und alles gueti! Bitzli Tröttel sind ihr trotzdem... :-)

Erholet eu guet!

Auf die Dauer - Schätzli-Schränzer Power!


Donnerstag, 15. Februar 2018
Regu

Liebi Schränzer ich wött nöd eifach 10 Erkänntnis schriibe, ich wett eu aber 41 mol vo ganzem Herzä dankä säge:

 

Dankä Adi, dass du mir gholfä hesch, mich uf mine Trömmeli zrächt zfinde - au wenni ab und zue dri, denäbe oder chrumm druf ghaue ha!

 

Dankä Angi dasi ha dörfä mit dir brüelä! Bisch en wunderbare Mänsch! 

 

Dankä Anita für die schönä, fantasievolle und abwächsligsriiche  Guggegwändli!

 

Dankä Bettina B. für die schöni Hamburgerzyt wo mir zäme gha händ!   

 

Dankä Bettina L. für di gmeinsame Autofahrte und gute Gspröch mit dir!  

 

Dankä Chapeau für d Erkänntnis, dass nöd di jüngschtä Schränzer am längschte i de Beizä höckled!   

 

Dankä Clödeli für die immer liebe Chärtli zum Geburtstag mit de Geburtstagswünsch!

 

Dankä Cöni für alles! Öb FCB-Spässli, Geburtstagsparty crashe  oder abentürlichi Schlittefahrtä,  du hesch d Fasnacht für mich eifach schöner gmacht!

 

Dankä Corina für d Plättli im Car und notürli s Bier, s Eve und d Mineräli! 

 

Dankä Dani für dini treui und hilfsbereiti Art! Me cha sich eifach uf dich verloh! 

 

Dankä Desi für dini immer gueti Luunä! Vor, während, noch de Gugge - eifach immer! 

 

Dankä Fabi für dis Posunäsolo bim FF, s wär eifach nöd s gliiche ohni dich!   

 

Dankä Fabian fürs probiere biibringä vom “Seel ächli lo bambele loh“ Text! I cha en zwar nonig ganz, schaffs aber irgendwenn scho no! ;-)  

 

Dankä Gispel für die luutä und dütlichä bäh bäh bäh bim Schnägg! I werd da au in Zuekunft am Radio so mitsingä!

 

Dankte Hinti fürs sii wied bisch! En riisä Trottel wo zu de beschtä Hamburgertruppe ghört hed - obwohl du eis oder zwei Mööli verschloffä hesch… ;-)  

 

Dankä Janine für dini viele viele Stunde wo du für de Verein investiert hesch, immer glueget dass üsi Zahle stimmed! Alles Gueti für d Zuekunft! :-)  

 

Dankä Käthere, dur dich hani mi immer vor em Hugo spiele chönnä drucke. So schlächt wie du d 7ner Reihä chasch, han ich kain Plan vo links und rechts! :-*    

 

Dankä Kevin für dis super Hamburgerjohr! S Eve und s Mineral isch immer pünktlich cho! 

 

Dankä Leni für die guti Guggezyt! Ohni dich hätti z Aros a de Sternäbar nie es Teebüütelshöttli gno!

 

Dankä Lisä für eifach alles! Du bisch mis allerberschte Lieblings-Regischtergspändli ever! Immer do für mich, hesch mi i schwache Stunde (zum Biispil z Moslig) immer useglupft. Bisch eifach de Hammer!  

 

Dankä Lösi für s Erlebnis, dass sich au Mänschehöörli wie Schofwullä chönd aafüühlä!

 

Dankä Mäh für dini Gaschtgeberqualitäte! Du bisch mit Abstand de einzigartigschti, wörldbeschti, humorvollsti und au chli dümmschti Gaschtgeber! Wennt Bewertige für dini Höhli bruchsch, gib mir Bscheid, vo mir gids 5 Sternä! 

 

Dankä Mäsi E. für zäme eis näh! Öb i de Chalberhallä oder uf de Guggereis - s isch immer luschtig!  

 

Dankä Mäsi K. für alle wichtige, unnützä, tüüfgründige und oberflächliche Gspröch! ;-) 

 

Dankä Mäthi für d Nussstängeli im Car - die händ mi useglupft! Und gell, dänksch as Bier wot em Dani muesch zahlä! ;-)  

 

Dankä Matze für s Erläbnis, zum fascht ime Lift stecke z bliibe - mit somä altä Lift wötti nie meh fahrä! :-)     

 

Dankä Melanie für de scho fascht legendäri Spruch: „Mach mol so…“ !  

 

Dankä Päddy für dini strukturierte, organisierte, konsequentä und lustige Guggeprobe! Du hesch de Sauhuuffä immer im Griff gha und üs fürschi brocht. Da isch ganz grosses Kino gsi!!!

Päddy, Päddy, Paddy!!!… 

 

Dankä Pinsel für dini verruckti Art, du bisch eifach es dureknallts Huehn!   

 

Dankä Ramona für alli Strofä vo „Es tut mir Leid Pocahontas“ - meh mueni glaub nöd säge! :-*

 

Dankä Regi für dä eeeedli Tropfe vo Whisky im Car! ;-)

 

Dankä Remo für die Förmli wo du mir ab und zur verpasst hesch - mängisch ohne dasis gmerkt ha!  

 

Dankä Roger für d Hilf bim Hugo und Wendli - bi ab und zue froh gsi um dich!  

 

Dankä Silvi für die exakti Fotidokumentation (chönd hälfä bim rekonstruiere vo Lugge) uns s Lösä vo minä Fasnachtschnötä i mim Ruggä! 

 

Dankä Silvian für die luschtigä und mängisch verpeiltä Gspröch a allnä mögliche Barä i de letschtä füf Johr! 

 

Dankä Simon für s erklähre vom Hackbrätt! Himmel da Ding hed pro Ton füf Saite und zug vo drüü Tonnä! Bi ächt beiidruckt und jo - priis! ;-)     

 

Dankä Stägi für s schönä zweistimmige singä! Ha schon immer gwüsst, dasis nöd cha, aber mit dir heds immer Spass gmacht!   

 

Dankä Stef für die viiiiilä, viiiiilä Nastüechli (und ab und zue de Guggegwändliärmel)! Und notürli fürs luege, dass ich uf mim Schlitte immer is Tal cho bi!  

 

Dankä Tabea für dis Füdlischwänkä, do merkt me ez nie wennt bim Trompetäfigger us em Takt gheisch! :-)  

 

Dankä Urs für die schönä Stunde wo mir „Spiel und Spass mit U R S“ gha händ  mit dir als Obergugger, im Tiiischer oder i de Schränzer-Bänd!

 

Dankä Yves für dini Uusrutscher bim Schminkä mit de Luft a minä Ohrä, ha immer müessä lachä!

 

 

Ich wird eu vermissä! Dankä für die hammergeili Zyt!  

 

Regu


Mittwoch, 14. Februar 2018
Philipp Öpfel-Chlöpfer
http://www.oepfel-chloepfer.ch

Hallo Städtli-Schränzer Danke für Euren Bsuech und dä mega Uftritt bi üs in Muolen. Gugger-Gruess Philipp


Montag, 12. Februar 2018
Ehrenpräsi

 

  • Wenn niemer weiss wo düre das mer sött laufe und sich denn di ganz Gugge verlauft, cha mer au schnell en Kontermarsch mache… da müend mer denn allerdings mol no üebe.
  • Wenn z Schaffhuse s Monster churzerhand abgseit wert, spilled mer hald eifach so no es paar Stückli, das heisst, mer spiled so lang bis au di letschte vier Mitglieder uftauched.
  • Am Maskeball z Bütschwil händs gfühlti zäh verschiedeni sorte Bier, zum Glück händs s Falke-Bier ussloh.
  • Wenn mer im Alpärock-Pub Musig laufe loht, sött mer luege, dass Bass-Boxe nöd i de Bierschwemmi ine stoht.
  • Schad händs nöd a jedem Umzug so schöni laminierti Zettel wo mer am Täfeli Träger cha uf Brust ane chläbe. Patrizia, bisch au nöchst Wuchenend wieder willkomme.
  • Gaudiloch Güttinge = Hammermässig Geil gsi, Infernoball Rorschacherberg = Hammermässig Geil gsi. Alles i allem en Hammermässig Geile Obig gsi.
  • Wenn a dene Bäll ase viel scharfs Züüg umestoht, frögsch di, öb die Securitas vo allne de Waffeschii verlangt händ.
  • Wenn eine vo dene Securitas mues dusse umestoh, schickaniert er eifach de Bruno er müesi umparkiere. Allerdings isch de akünti Liniebus nie cho.
  • Wenn mer zmizt i de Nacht hei chunnt, denn aber gad is Bett goht und mol cha uf de Ochse verzichte isch mer am nöchste Morge wahnsinnig froh. Danke Schatz!
  • Info a Trompete, nur well mer i de Cherche spieled müend mer nöd zwingend alles dopplet so langsam spiele. Villicht müesst de Päddy nöchst Johr wissi Händschli alegge und dirigiere.
  • Noch de Cherche im Ochse eis trinke, e Worscht esse und achli Konfetti umewerfe isch cheibe lustig, viele dank de Chrumbachhäxe für die tolle Stunde.
  • Jetzt weiss au Züri-Gugge das s Pocahontas-Lied drüü Strofe hät, bi de vierte gohts wieder vo vorne los. D Liederbüechli sind scho mol tuuscht.
  • @Hinti: Isch es jetzt demfall offiziell, dass jede cha dä Huet alegge wo em gad passt?
  • De Meiri isch scho en siebesiech, wo er in Ochse cho isch hät er s Pocahontas-Lied no nöd mol kennt, wo er gange isch hät er s ganz scho chöne singe und spiele. Hut ab!

Dienstag, 06. Februar 2018
 
Powered by Phoca Guestbook

Eingabeformular