Kapellmeister

1. Lustigs Gschichtli us mim Lebe: Händ ihr gwüsst, dass es i dä Schwiiz zwei Hergiswil git? Ich au nöd.
2. Ä Polizistin, en grosse Trauffer Fan und en Förster, sehr ä schöni Begleitig gsi für d'Heireis vo Hergiswil. Also vo Hergiswil bi Willisau, nöd vo Hergiswil am Vierwaldstättersee - will i dä Schwiiz gits nämlich zwei Hergiswil, isch jo logisch oder?
3. Wenn's die alt Gerbi für es Fest sogar no halbieret, erwartets ehner nöd eso viel Lüüt. Denn chammer guet au chli früehner uf Bütschwil ad Fasnacht.
4. Im Hinti sim Schöppli cha mer das Johr nöd nur Fanartikel chaufe, sondern au Trompetestunde bezüche. Ameldige nimm ich ab sofort entgege, ich zeig eu gern wie das goht.
5. Wenn mer umsverrecke mit sim Traktor und em grosse Fasnachtswage in goldige Bode hindere würge muess, sött mer viellicht nöd d'Frau fahre loh. Isch aber sicher hilfrich gsi, händ ihre alli 10 Begleitige wild gestikulierend gseit, wie das es besser wür goh.
6. Notiz a mich: Wenn d'Frau aschlüssend völlig entnerft us em Traktor chletteret, will sie nöd unbedingt no en dumme Spruch vo dir ghöre.
7. Notiz a mich: Wenn bi dä Guggähüpfer eini mit sehr viel Herzbluet s'falsche Stückli afangt, will sie nöd unbedingt das du sie luut uslachsch.
8. Notiz a mich: Wenn du dini Guggägspändli grosszügig iladsch, zum bi dir dihei übernachte, söttsch vielleicht au d'Garagetür offe loh. Suss wunderisch dich i dä Nacht nämlich nur, was im Keller une so komisch tönt. Im nochhinein ischs vermuetlich dä Mäci gsi, wo verzwiiflet a dä Tür grüttlet hät.
9. Wennd nur zwei Hemder für drüü Täg Fasnacht häsch, muesch dich am Sunntig entscheide welles das weniger stinkt.
10. Sehr ä komplizierti Gfühlslaag gsi, wo mir dä Bruno min Geldseckel (hihihi, er hät Seckel gseit) am Fritig wieder brocht hät. Zum Glück gits im Bermuda Viereck aber immer drü Getränk gratis! Ah nei wart, mittlerwiele hockt jo fängs jede dött wos en grad guet tüecht...

Bonus:
Liebe Gruess a s'Käthi - schön bisch au i dä Kirche gsi!

Sooli, Städtli-Monster und denn nomol eis Wuchenend voll gas - i freu mi. Hopp di schwarze!

Oder wie dä Stägi wür säge (i sinere idrückliche monotone Radiostimm):
"Hoi zäme nöchst dunnstig isch städtli monster chunsch au isch mega schön und macht uf viel spass auf die dauer schränzer power"


Montag, 25. Februar 2019
Silvi

Und wiiiieter gohts!!!! Juhuuuu cool


Freitag, 22. Februar 2019
Ehrenpräsi

  1. Wenn im Blindflug muesch am Pissoir stoh, bisch z Bazenheid. Zum Glück hät de Mond no achli gschune
  2. Wenn ase blendet wersch vo hinder de Bar, mues das nöd immer a de hübsche Barmaid ligge. Aber jetzt weiss i au wo die fählend Lampe vom WC gsi isch
  3. Die lang cheibe Stäge in Mogelsberg isch eifach immer no en mega Scheiss. Ha etz no Roggeweh vom Wägeli abe und ufe träge
  4. Wenn dinnere Frau es Bier chaufsch, si aber denn nöd findsch, trinksch es hald selber
  5. Wer kennt de Film Spaceballs nöd? Glaub sit am Samstig wüssed jetzt alli Schränzer wa das für en Film isch. Danke Kätär
  6. Wenn mer e Chiste Spezli überchunnt noch em Chindefasnacht-Uftritt, die Chiste denn aber eifach nöd läär wert, törf mer guet no e Spezli mitnäh uf de Wäg
  7. Merke, wenn mer am Nomittag z Wattwil i de Markthalle spieled und am Obig als ersts au wieder döt, cha mer guet d Instrument dei loh
  8. Z Ganterschwil mol achli früener spiele isch ganz OK, aber irgendwie glich nöd s Glich. Vor allem wenn mer denn nöd eifach cha bliibe. Hät aber au spöter no gfägt
  9. Glaub z Nesslau händs di gliche Gäst gha wie amel im Sprengerstollä
  10. Wenns z Wattwil am Zunftmeister so tolle Liter Rotwii git, isch de füecht Lumpe cheibe schnell wieder nass

 

Gwöhned eu scho mol as Eichhof-Bier… mer gönd nöchst Wuchenend i d Innerschwiiz.


Dienstag, 19. Februar 2019
Kapellmöter

1. Wenn z’Bazeheid d’Guggeverpflegig Wienerli mit Brot isch, du aber lieber en Hot-Dog willsch, muesch eifach din Scharm spiele loh und dis Aaliege ganz höflich und sachlich bi dä Bardame deponiere. Chan drum mit Stolz säge, dass ich Wienerli mit Brot gesse han.
2. Notiz a mich Alles was scharf isch und obe ine schoppfsch, chunnt irgendwenn au une scharf wieder use. Isch aber trotzdem ä feini Pizza gsi.
3. Wenn mer bim Jasse gwünnt, dörf mer das im Restaurant ungeniert au chli lüüter kund tue.
4. Als Hamburger chas eim durchuus mol passiere, das mer noch em Umzug 3 Posuune dörf mit hei neh. Scho guet, zahlet mol eis..
5. Wennd ä eigeni Schrinerei häsch, häsch bim Nagle (hihihi, er hät nagle gseit) wenig Konkurrenz. Do zahlet sich mini viele Stunde uf em Bau halt us.
6. Wenn dä Adi mit sim Iphone durch d’Gruft secklet und mit Träne i dä Auge allne es Bild muess zeige, hät er vermuetlich ä lusitig Gschicht entdeckt.
7. Wenn dä Mäci sini Futz-Magnet-Chappe verlürt, isch nöd nur er trurig. Zum Glück hät er sie wieder gfunde, isch mir nämlich persönlich au ä grossi Sorg gsi!
8. Wenn dis Portemonnaie bim Bruno im Car vergessisch, muess eifach immer dä Schränzer wo grad i dä nöchi isch dini Getränk überneh. Guet möglich, dass ich mis Portemonnaie nöchst Wuchenend wieder mol vergesse.
9. Wenn am Mäh sin Schläger-Kopf abbricht und genau a dis Pfiiffeli (hihihi..er hät Pfiiffeli gseit) spickt, muesch bim spiele ä churzi Pause iileggä.
10. Viellicht müesst am Roger mol öppert zeige, wie das mer s’Wägeli richtig zämebaut. Cheibe lustigs luege, wenn sini Toms nöd dä Reihe no agmacht sind, und er am umeheble isch wie en grosse, wills niä ufgoht.

Bonus:
Wenn s’Meitli uf em Heiweg von Nesslau am Cola nüggele isch, denn nagt dä Zah vo dä Ziit vermuetlich au a ihrem Körper. Mimimimimi.


Montag, 18. Februar 2019
Panzerknacker Adi

Do wäred mini Erkentniss vom füechtfröhliche Liechtesteiger-Weekend.

  1. Vor de Gwändlitaufi im Ochse die beide oder sind jetzt glich vier Servierdame beguetachte isch e schöni Tradition
  2. Wenn mer sich sälber seit, dass mer vor em Uftritt nöd soo viel trinkt, nocher aber als erschts gad en Flying Hirsch i de Hand hät, weisch, dass de Egge wo de Mälli stoht sötsch miiede
  3. Wenn de Leni bime Guggeuftritt de Liecht-DJ macht, chunt mer schnell uf d Idee das er das bi üsem Uftritt au chönnt mache
  4. Wieso chum i immer a de Gwändlitaufi uf d Idee me chönt bi üsem Uftritt no en chline Liechteffekt ibaue? Es klappet eh nie
  5. Im Gallsche umzüche wenn de Casti chrank isch, isch recht troche
  6. Di neue Gwändli gänd mega warm. Villicht isch das am Huet gläge, oder au a de Heizig wo mi de ganz Uftritt döre ablose hät. Uf jede Fall hett i viel gäh för es Bier
  7. Als Panzerknacker a d Fasnacht isch recht Witzig und sehr ring, und notfalls machsch hald no schnell en Bruch i de Bank äne. Händ mer scho es nöchts neus Gwändli
  8. Die Hännevogeli sind echt guet gsi, do hetts nöd  emol d Chnoblisose brucht. Weiss übrigens öpper wo die Schale isch
  9. Übrigens, de Schlüssel vom Gallsche isch wieder vöre cho. De Oberhofchoch Pfannestiel hät en gha. Hahaha
  10. Wenn de Musikus am Häneesse scho en Soundcheck macht das mer chönd Mooooniiiiaaaaaa singe, sött er nocher au di glich Duur näh wenn mer uf de Bühni stoht.

No näbis anders.

Törf mer das als Ehr aluege, wenn mer vonnere befründete Gugge e Afrog überchunnt zom bi ene während de Fasnacht go ushälfe? Obwohl mer selber au en Uftritt hät!

Tja, segs wies wöll. T Hoptsach de Chääs isch rääs und de Hond isch gsond.

Bis am Fritig!


Dienstag, 12. Februar 2019
 
Powered by Phoca Guestbook

Eingabeformular