So jetzt isch es würklich s letscht Mal gsi die Saison und doch langets nur für paar wenigi Erkenntnis vo dem Wucheend:

1. Wenn i de Nacht vom Dunnstig uf de Friitig s Kinderbett frisch bezieh muäsch, bisch froh, wenn am Friitig Obig Guggefrii häsch.
2. Wenn denksch, dass d Fasnachtsemotione langsam im Griff häsch, rechnisch nöd demit, was es i eim uslöst numal ide Gruft z stoh - und a dere Stell danke tuusig a die fliissige wo mitghulfe hend, üsi Gruft wieder suber ihzwintere.
3. Wenns nachem Putze heisst, mir hend nu äs Bilett frii für hüt Obig, denn packsch völlig usserplanmässig doch d Chance zum mit dem rote Trüppli numal unterwegs zsii.
4. Wenn d Lutz-Gäng nöd mit dir unterwegs isch, übernimmt de Ogi die Ufgab... Nach füf Lütz hani denn aber mit stolzem Gwüsse gseit: Ogi, wenn ich im Nagle gäg dich gwünn, chani guät im Luz trinke gäg dich verlühre.
5. Merke: Stoh nie bimne Guggeuftritt näbet em Jan - und falls doch, unbedingt Muskle ahspanne und de Winkearm versueche z verdecke - danke Jan, ich weiss jetzt definitiv dasi alt bin.
6. Wenn es alts Guggegwändli ahleisch wo z letscht z Uznach am 11.11. ahghä häsch, muäsch dich nöd wundere, wenn nu es halb ahgfrässnigs herts Stuck Brot imne Sack finsch.
7. Apropos Brot, ab jetzt isch ä chlini Fläsche Salotsauce Sackbefehl, das isch ja die absoluti Steigerig, wie geil isches, während mä Rüschli Brot mit Salotsauce z tünkle?
8. Wenn d gflasht bisch vonere Gugge wo nur 5 Trompete und 6 Posune und 2 Sousis hend, chasch nömä hörä strahle, aber die Präzision bim spille isch ja unglaublich.
9. Wenn nach somne Uftritt mit de Silvana ad Bar gosch und beidi findet, eigentlich isch jetzt grad guät, mir stiiget lieber uf Mineral um, fühlt sich d Silvana fascht scho wie ä Guggeschwöschter ah.
10. Wenn abgschminkt am 2.00 Uhr im Näscht liisch und s Rüschli im Schönegrund loh häsch, bisch de ander Tag abgseh vode Müädigkeit recht fit - danke tuusig für's Heifahre Jolanda.

So das war jetzt wohl definitiv....

1. Scho komisch, dass all Johr wieder am Schmudo die cheibe Abwäschmaschine im Gallsche kaputt isch. De Reiniger isch nämli qualitativ sehr hochwertig.
2. Wenn am 10i Uftritt z’mol e brüellendi Lisä vor der stoht, mosch sie fast no gschwind chli go umarme. De fremd Maa nebet dra, isch denn aber chli iigschnappet gsii, wo i ehm de Rogge zuedreiht ha und met de Gugge useglofe bi. Anschinend heg er luthals no gsät, dass er mi au no umarme wöll.
3. Wenn die richtige Farbe verwötscht hesch, denn isch anere Bogäspeutzerin aka sexy Dude egal, was of em Bändeli stoht.
4. Was ich jo so schätz ah de Fraktion Krummenau-Nesslau, dass jede amne andere Egge vo de Bar stoht, jede 10 för 50 z’bstelle und sich schlussendli jede an Chopf langet, wells merket, dass jede die glich bescheuert Idee gha het.
5. För die wos denn glich nonöd metöberchoh hend, de Schlagzüger vo de Absolut Fidelia isch emfall min Cousin.
6. Sind mer üs einig, dass s’best am Ufrume noch em Schmudo, de Luz im Hueber isch?
7. Ich ergänze: …und s’best noch em Hueber-Luz d’Chäshörnli bim Hinti sind. Dankä 1000ig
8. Apropos Hinti: Selte bin i so schö is Bett brocht worde. Sogär es Päckli het er us mer gmacht und no en Guet-Nacht-Kuss uf d’Stirn druckt. S’Üebe e Woche voher bim Ogi het sich also glohnt.
9. Wenn dini Chindergärtnerin bim Beizeuftritt i dinere Hämääät zu der anechunnd und voller Stolz meint: «So en grandiose Uftritt und denn no under de Leitig vo MIM Chindergartechind.» bringsch s’Grinse kuum meh vo dim Gsicht.
10. Spötistens wenn denn au no din Papi voller Stolz ah de Bar zuenestoht und sini Tränli mo underdrücke, bi denn au ich de Tränli nöch. Und jo au ich ha Emotione!
11. Mis Mami moss jo scho imne scharfe Ton gsät ha: «Ahaaa du bisch also de, wo minere Tochter gsät het, dass sie e hässlichs Gsecht heg». Of jede Fall werdet mer no mengs Johr öber de reuhe zeigende Stägi of de Chnüü rede.
12. En gfitzte Gugger het immer en Schnupfpommel debii, e gfitzi Fasnächtlerin es Hasekostüm ah. Die beide Pommels chasch uf jede Fall glichig bruche.
13. Hesch gwösst 2 Gugger usem Meitliverein sind i de meiste Fäll zwei z’viel. Danke för die Rettigsaktion us em Wöschhüsli Ogi. «Arrivederci! Machts gut ihr Trottels!»
14. Merke: Wenn Buuräfransle schniide lohsch gsehsch 15 Johr jünger us. Aber ich gönns de Anita.
15. Wenn en Metzger Car fahrt, denn chasch guet no paar Plättli bstelle. Dankä 1000ig Leni
16. Und wenn bim Plättli schnabuliere nebet ehm Cedrin hocksch, denn chas guet sii, dass no gschwind es Candlelight-Dinner drus machsch und mitenand vo dine 7 gmeinsame Kind träumsch.
17. Wer behauptet, dass de Leoparde-Schlüppi nöd sexy seg, het de Regi und mi nonöd i dem gseh. I mein wieso nur ein sexy Arsch, wenn zwei chasch ha.
18. Wenn för d'Eveline go d’Britney Spears wünsche gohsch und denn eifach Geier Sturzflug gspielt wird, bisch froh, dass wenigstens die richtig Person grüesst hend.
19. Apropos Eveline: Wenn sie für sich zwei Hamburger bstellt, weisch nöd ob de Hunger oder glich de Durst grösser gsii isch.
20. Ääs momer jo de Vollgas-Muetter scho loh. Sie frögt wenigstens, ob sie Deko heineh dörf. Fänds aber glich no spannend, ob de Fuchs no gschwind zum Egon P. hei choh isch. Well de heg anschinend de Frau dehäm no gross ahkündet, dass er no of d'jagd gächi.
21. Han also nöd schlecht gstuunet, wo d’Frau Präsidentin z’mol wieder im Stolle uftaucht isch und verzehlt het, dass sie ihrem Maa zum Abschied chli gwunke heg.
22. Apropos Frau Präsidentin: Da mit em richtige Moment ufjucke üebet mer denn uf nögst Saison nochli.
23. Het nomol nebert echli e Loch im Herzli, well d’Fasnacht scho wieder verbii isch?

Es isch eifach grandios gsii. Dankä ehr Mäusers! HOPP DII ROTÄ!

Eigentli hani denkt, dasi de Biitrag nach de Operation wird schribe, dasi ezze ehn eifach usem Chrankelager schribe und das alles verschobe wird, mit dem hani würkli nöd grechnet...

1. Seg nie zude Jolanda das gwüssi Bedürfnis hesch, well sie druckt di scho ad Bar ue... Aber das noher so en nasse Arsch hesch und da huere Putzwasser bis id Schueh abelauft... Ahm jo nai isch nöd so geil...
2. Am Fritig hend glaub bi üs alli All-Inn gha... Wenn am Güggel sind zLibige ufzmol zwei Wasser bstellt werdet, weisch wos Stündli gschlage het...
3. Wennd denn im Vollrusch no di halb Familie vom Fründ kennelernsch, bisch au froh, bisch gschminkt gsi und dassd schwöster wenigstens glich volle gsi isch... Danke Rolli, dass mer sis Mami vorgstellt hesch🤣
4. Wenn denn zwei Manne diskutiered wieso sie kai Hoor me hend ufem Chopf, bedanksch di au, wenn de Fründ meint, da chunt devo, wennd Fraue Hornhuut ade Oberschenkel hend... Zum Glück hetter die Hoor scho nüme gha, woni en kenneglernt ha... Find ezze am Ogi sini Weisheit schönner: Wenn halt sHirni usem Chopf use wachst...
5. wemmer solang muess Car fahre am Fasnachtssamstig, chammer guet achli Tee trinke debi... Isch ebe schono guet so en Tee
6. Wennd denn nebis e Restaurant suechsch in Altstätte und schlussendli glich inen Döner hocksch... Rechnisch au nöd demit, dass die so Paranoia hend, dass mer nöd zahled..
7. Wennd scho wötsch es Taxi bstelle zum no schnell as Katerfrüehstück go, hesch nöd mit äm Stäger grechnet wo nochdem er 2 mol nai gseit het, glich no mit em Chauffeur redet und üs es Cartaxi uf Moslig organisiert💪🏼 löver yuu
8. Noch 2 Stund schlof go Schminkä för de Umzug isch gär nöd so schlimm gsi, vorallem wells ase schö Wetter gsi isch😍
9. Wennd denn ade Chinderfasnacht no selber hinder dBar muesch go suurä Öpfel Istee mache, hani scho möse Schmunzle, vorallem wennd nocher am Clödeli en Löffel voll zum Probiere gisch und sie ufzmol findet, he glöffled isch da jo no viel geiler.
10. Ha no vergesse sege.. en gfitzte Gugger lueged daser cha alli instrument vor e Bar ane stelle und cha d'Instrument vo dinne us bewache und debi no Znacht esse und es paar Partygetränk💪🏼
11.wennd denn nochem Umzug schowieder en Ufgwärmte hesch, isches vilicht nöd di besti Idee gsi mit de Melanie is Wöschhüsli zgoh... Ase en Ruusch hets gäh... Dasi nocher ha möse Hamburger esse... Het aber nöd so gwohlet... Drum hani nochem Uftritt lieber wieder es Smirnoff und Salzstängeli gnoh... Und niemert hets denkt... Zack bini wieder do gsi und ha no last of Schränzers möge hebe, bi denn aber schochli froh gsi, woni ha chöne heilaufe und is Bett, weni ehrlich bi😅
12. Und Müesli... Irgendwenn wünschi denn au mal es Lied för dii, aber denn chönds denn Britney Spears🤣
13. Am Zistig hend wohl di einte au wieder de all in Chip gfunde dehei... Läck du mir... Aber lustig isches gsi... Vorallem wenn denn Ufzmol d'Präsidentin vor eim stoht und meint sie möchi ezze s'erste Foti för mis Familiealbum... Denn posieremer doch gern mit üsere Zellerappenfläsche vom Rössli, wie wenns üses Erstgeborene wär🤣🤣

Soo da wärs glaub scho gsi... Tschüss ihr Lustige Trottels... Bi scho froh, muesi euri Gsichter nöd gad wieder ahluege🤣

1. I glaub dä komisch Vogel im Feld het irgendwie verpasst das Fasnacht isch. Us irgendeme Grund hetter nöd so freud gha, dass mir det gspielt het. Villicht hets au demit z’tue gha, dass de Ogi ihn bim spiele zwei mol mitem Schläger ghaue het. Uf jedefall sind die Schläger schnell weg gsi währedem spiele. Aber zum Glück isch es ja nöd so ufgfalle, will de Ogi ja eh nie luut spielt 😜
2. Apropos Ogi: Wenn er in Bütschwil chli en seich spielt und du ihm seisch, er söll doch mol chli Wasser trinke, chas sie dass die rundume dich falsch verstönd und du 3 Fläsche Wasser bi dir hesch. Aber schö wie mer ufenand lueget, leider bim Falsche aacho
3. Wenn de Mösliger sini Fründin zur Begrüessig abknutscht, chasch guet au mol uf ihn zuego zum es Küssli geh. Aber i glaub er hets nöd erwartet dass ich ihn würkli küsse, isch gad chli verwirrt gsi
4. Wenn nochem Halleuftritt bim Uszug en Schlagi vonnere andere Gugge e Fläsche Wasser anehebet, ninnsch natürlich sehr gern paar grossi Schlück noch dem heisse Uftritt. Nur blöd wenn nocher merksch dass es kei Wasser gsi isch sondern Berliner Luft
5. Wenn in Rappi gnueg Ziit hesch, chasch guet no rasch in Mac go paar Burger hole. Aber irgendwie lueget die Fraue scho nöd uf ihri Manne, guet han ich für mini Schatzibolles gad mitbstellt, suss wär de Lösi verhungeret. Scho guet Anita, i lueg natürlich dim Maa, chasch mer mol eis zahle
6. Wenn de Schlegel leitet, loht er di sogar no fertig pfiile, au wenn mer scho hettet müsse spiele. Danke dir für dini Geduld. Aber nur wil ez eimol Lieb gsi bisch, muesch nöd gad falsch iizelle bim Fönky
7. Zum Thema Pfieli, eventuell het i au mol e Wasser chöne neh zwüscheddure. Wenn de Kevin nöd gad det gstande wär, hetti immer no a de verchehrt ume aazündete Zigi zoche. Aber das chli komisch gschmöckt het, han i scho gmerkt emfall…
8. Leck du mir han ich en Stolz gha wo i mini chli gseh han mittanze (vorallem im Takt!!!) währed üsem Uftritt nochem Gottesdienst❤ Wenn sie währedem spiele zu dir anelauft, chasch ihr au en Schläger id Hand drucke, sie het gad ohni Erchlärige gwüsst wo mitschloh. Und fair isch das chline Ding au no, noch eim Lied mitem Appa het sie natürlich au no eis mit de Muetter mitgspielt😊
9. Nochem Mittagsburger chasch sehr guet no go ligge wenn no meh wie e Stund ziit hesch. Nur blöd wenn Janine und de Cedrin nöd usem Laabermodus chömed, denn wirds doch nüüt mit schloofe
10. Fall ihr eu frooget, wieviel Blottere mer chan in- und ufenand ha, bi mir sinds am Wuchenend 3 gsi. Villicht schaff i ja zum das da Wuchenend no z’toppe

1. Uf grosse Wunsch vo minne Groupies isch am Samstig dä Egon P. wieder mol unterwegs gsi. Sache mit Pfiffeli machet mich eifach fröhlich. Hihihi, ich han Pfiffeli gseit.

2. Wenn "Hüt is Öl" das isch, wo s'ganze Wuchenend am meiste ghörsch, denn weisch welle Trend das sich die Fasnacht duregsetzt hät. Knapp dähinder folget "HOOOOI - Gömmer in ÖÖÖÖÖÖÖL", "Hüt mol recht chäch is Öl" und "ÖÖÖÖÖÖÖÖÖÖÖÖÖÖÖÖÖLÄÄÄÄÄÄÄÄ".

3. Was sich allerdings nöd duregsetzt hät, isch dä Öl-Bueb am Fritig z'Nacht. Ase eini mit hei gnoh, und denn isch dä Tank leer. Dafür hät er grad au nüme müesse Danke säge.

4. Wenn am Sunntig noch dä Kirche nünt ahnend i d'Gruft ufe laufsch, stuhnsch nöd schlecht, wenn zwei Ehremitglieder es Hamburger-Lokal eröffnet händ. Danke für dä Service - huere fein gsi!

5. Apropro Service: Wenn di z'Rappi vor luuter hunger nöd chasch entscheide, was das söllsch esse, bisch Cheibe froh wenn dä Öl-Bueb mitere hampfle Cheesburger um dä Egge gschliche chunnt. Danke für dä Service zum zweite - huere grusig und glich so fein gsi!

6. Wenn mangels Alternative und us luuter Verzwieflig en "Tee-Zwetschge" bstellsch, löst das nur bi einere Person begeisterig us.

7. Wenn die eint Person vo Punkt 6 nöd d'Samira isch, chans sii, das sie sich über dä ganz Tag verteilt immer wieder mol beschwert, das es nünt rechts z'trinke hät. Guet han ich mit mim Charme und viel Verhandligsgschick am Schluss glich no chöne en Suure-Öpfel Icetea organisiere.

8. Wenn dich d'Melanie 2 Sekunde vor em Uftritt froget ob chasch leite, wills ihre nöd so guet goht, überninnsch das natürlich gern. Für en churze Moment bin i aber chli überrumplet gsi - guet möglich, das ich bim Funky es chlises bitzli falsch iizellt han.

9. Wenn Pickel im Gsicht so gross sind wie Cervelat-Rädli, denn isch definitiv wieder Fasnacht. Aber glich no besser als dä Botox-Fäbs.

10. "Proooooooooooost! Düüdaa, Düüdaa, Düüdaa: Hey händ mir en Durst! Und für d'Fraue? Heey händ mir es Dürstli!" Herzlich Willkomme in Bennau.

11. Wenn d'Olivia am Sunntig noch em Mittagsschlöfli seit "jetzt chönnt ich en Schnapps verträge", hilfsch ihre als guete Fründ selbstverständlich us ihrem Dilemma.

Hochachtungsvoll

Egon Pimmelmann

1. Wenn am Fritig erst uf die 19:30 Uhr go schminkä mosch, denn chasch guet no för d’WG so zsägä Spätzle met Sooos choche.
2. Wer e gueti Chinderstubä gnosse het, weiss nöd nur wie mer sich benimmt, sondern au, dass mer immer de ganz Mehlsack zu Chnöpfli verarbeitet.
3. Z’Bütschwil au mol i de undere Halle spiele, isch nöd emol so ooleid.
4. Wenn de Ogi frögt, wenn denn de Car fahrt, denn chas eventuell guet möglich sii, dass er da 2 Stund z’spoot fröget.
5. Frage: Wie lang bruchet zwo Gugger zum es Erdbeertörtli z’verdruckä? – Mit Gable vo Lichtesteig bis Chappele und ohni Gable hesch das Erdbeertörtli nard scho inhaliert, bevor de Bruno de Motor vom Car startet.
6. Nennd eu doch bitte alli es Vorbild an Stägi: De goht mol gschwind us de Raver-Höhli use, lauft zu sim Sousi und isch u stolz of sii, dass sie nonöd devo glofe isch.
7. Und wenn die Raver-Höhli mol zuemacht, denn stoht de nögste Garteparty nüt meh im Weg. Und wer nöd ufs Muul keiht isch, de frögt eifach fründlich noh, ob das do nur för e gschlossni Gsellschaft seg. Ganz noch em Motto: Wer nöd frögt, bliebt durstig!
8. Churzi Frog: Chan i velleicht of die nögst HV en Ahtrag för e Schönheits-OP stelle? De Stägi het nämli z’Bennau sinngemäss gmeint, dass i e wüests Gsecht heg. Wör jo den so quasi för die ganz Gruppeästethik öppis due.
9. Noch zahlrichem useschnorrä und probiere z’verbessere, het denn au de jung Schnufer Sam gfunde, dass er doch endlich söll ufhöre rede. Am Schluss het de Stägi aber kurve glich no biräbitzeli verwötscht. Fazit: kei Hot-Girl, aber es Hörtgirl.
10. Wenn s’Fasnachtsgrippli sich ahbahnt, denn hesch am Narregottesdienst emol nöd vom Alkohol de dumm Grind.
11. Wenn denn aber öber de Mittag id Gruft en churze Nugg go mache gosch, denn fühlsch die am Umzug wieder es bitzeli wie neugebore.

Wenn mers zweite Wuchenend het müsse ussetzte, chammer guet Erkentniss vo de erste Wuche jetzt nooreiche 😬

1. Zum Glück simmer wieder unterwegs, Olivia het scho gar nümme gwüsst wo sie emel ghocket isch
2. Entli sind durch Pilz ersetzt worde. Ha wie nöd dra denkt, dass es ohni Kontext komisch chönt überecho, wenn ich de ganze Gugge Pilz verteile, isch ez halt eso
3. Au de Töggelichaste i de Gruft isch mit zwei Sieg geg die 4 Pläuschler eröffnet worde. Aber immer druf achte, dass uf kein Fall die Tischplatte aglanget wird, isch nämlich erst gad putzt worde!!! De Cedrin wird’s uf jedefall nümme so schnell aalange so wie er glueget het wo mers ihm z’dritte ganz lieb gsait hend…
4. Was so en Sitzplatzwechsel alles chan uslöse, aiaiaiiiii…Muess mer halt am neue Gspänli au mitteile dass mer sich muess melde, wenns drum goht dass mer abfahret und söttet Vollständig si.. Aber guet isch da Taxi so schnell in Mühlrüti und denn in Will gsi, Danke Mami Dööv für de Spontaniisatz!
5. Mühlrüti…Do het mer ganz nochem Motto vom trömmelige Gamser chöne agiere «cho, cho, und wieder gange…»
6. Falls mer nomel söttet uf Müllrüti wür ich min Comback uf de Pauke geh…Chönt mer wieder mol de Bruch-Counter ufejage ^^
7. Wenn dir in Müllrüti Guggespänli entgegelaufet und verzellet, dass sie ez in Car hocket wils im Zelt gad L’amour toujours mitem Ausländer-Raus-Text grölet, gits nur ei Reaktion druf: Ab is Zelt! Blöd für das 14 jöhrige Meitli wo ich gad als erst gseh und ghört han de Text mitschreie. De Blick vo ihre isch uf jedefall herrlich gsi, wo i sie ganz lieb gfroget han, was sie denn gnau singet… Aber vo luuter ufregig het sie irgendwie s’muul gar nümme ufbrocht. Het ez no gern disskutiert mit ihre.
8. Ein Vorteil devo, dass Fasnacht so spoot agfange het: Mer muess sich nöd zwinge zum de Superbowl luege wills scho noch de erste Wuche gsi isch statt noch 4 Täg Mosliger-Fasnacht. No nie so ring gange zum luege, obwohl churz vernappt  Fly Eagles Fly!!!❤
9. Hender scho all die Entechläber gseh wos umehet? 😍
10. Es Wuchenend dihaime ohni eu Sauaffe isch doch bitzli langwielig, i chume doch wider mit ✌️😉

1. Wenn d Samira im Car no verzellt wafüren riese ICK dasses isch wenn Manne früüret und du usem Car use laufsch und aaaarschkalt hesch laufsch glich nomel ine und holsch unuffällig de Pulli☺️. Blöd isch nur gsi dass d Samira gad nebetem Pulli gsi isch und mi gseh het schlottere.
2. Wenn d z Wattwil während em Umzug 2 mol nochenand us de stross muesch wil en Busfahrer s gfühl het er mue döt düre chas scho biz schwierig sii zum mitem wägeli us de Stross z cho…
3. Wenn bim gliche Lied 2 mol de huere Schläger vergumpet denn muesch der würkli überlege wie schwers enart isch zum de Schläger eifach mol e stückli lang z hebe. Sooooorry.
4. Wenn denn aber am Schluss vom Samstig obet merksch dass endli mol ane brocht hesch zum so luut spiele dass de Schläger a eim wuchenend wenigstens soviel Holzabriib git wie bim Regi noch 2 Minute spiele denn fühlts sich scho chli besser a. Siuuuuu
5. Wenn denn am Sunntig a de Chinderfasnacht vonem 3 meter gorilla usversehe öpe eis an grind bechunnsch bisch froh wenn nöd de einzig bisch wo s gfühlt het de schlagzüüger isch doch de Gölä. Danke Melanie🙏

1. Wenn am Ziistig mit Fieber dihei liihsch, freusch dich lieber nöd z füäh, dass ja no gnuäg Ziiht bliibt, bis am Friitig wieder wiiter got.

2. Zwibelsöckli, Essig-Wadewickel, Appezeller, Tigerpatch, Schüsslersalzvergiftig - nüt blibt unversuecht, damit am Samstig wieder en Teil vode Gugge dröfsch si.

3. Wenn de Maa älei Usgang hät, muäsch dich nöd wundere wenner wie es jungs Rehli d Nacht wett dure mache – daser mit de liebevolle Wort „Herzlich Willkomme Dihei, schön häsch de Weg gfunde“ begrüässt wird, heter vermuätli nöd erwartet, häter doch scho grossmächtig am Stägi gseit, er ghöri denn es Dunnerwätter.

4. Anschiendend wird’s zur Mode, d Umzugsfüährig dur de grössti Gaggo dure z plane, de Nesslauer Umzug topt sogar Gähwil vo letscht Johr.

5. Apropos Nesslau, Notiz a mich – frog de Melanie nie meh, öb nöd do es Platzkonzert planet wer, eigentlich chani froh si läb ich nu, wenn Blicke töten könnten. Aber recht hätsi, immer das huärä Driigschnorr hani ja sälber scho predigt segi müäsam, also halt dich doch wenigstens sälber a dini Wort Claudia!

6. Wenn vo drüü Lüz nur grad eine guät gsi isch und de nu sälber vom Schlegel gmacht isch, stiigsch lieber wieder uf Suureöpfel-Istee um, do weisch wenigstens was dich erwartet.

7. Wenn im Car es Power-Näppli wetsch mache und merksch, dass es vill z ruhig ide Party-Zone isch, änderisch d Meinig und gosch lieber es Schnäppsli hindere go tirnke.

8. Wenn de Pfüdi bide Kleideruswahl nöd vill gstudiert hät, lehnsch em gern s Halstüächli für de Nachtumzug us – s Mutti hät doch alles debii.

9. Ab sofort hend mir au es Trinkverbott uf de Bühni, so wie d Uzepatscher, denn hät d Angi gar nüt meh z tuä a dem Fäscht.

10. Wenn am Mäntig frii planet häsch, häsch alles richtig gmacht, schliessli muäss d Energie bisam Friitig wieder bi 100% sii.

1. Wenn dä Silvio im Leue (oder für d'Libiger: im Läuä) füf Berliner frisst, bin ich viellicht nöd ganz unschuldig dra. Isch aber jede Stutz wert gsi!

2. Wenn am 8i dä letzt Uftritt häsch und dich din ehemolige Guggefründ uf en gmüetliche Obig mit Shisha und Rotwy iiladet, ninnsch das Agebot dankend ah. Dä huere Krach magsch jo irgendwenn sowieso nüme verliide. Obwohl ichs mit dä Wilket scho no gern z'Bode diskutiert hett, wieso genau das mir nöd i dä Halle spielet.

3. Apropro ehemoligi Mitglieder: Wenn nomol eine vo dene triffsch, lehnsch ihm cheibe gern dini Posune us, damit er bim Whats Up au no chli chan mit dudle.

4. Eis isch sicher: Wenn dä Hinti seit es isch en Raucher-Car, denn isch es en Raucher-Car.

5. Wieso das ich letzt Johr am Umzug in Zizers usgruefe han, sött spötestens noch em Umzug in Nesslau jedem klar sii. En chliine und bekannte Tipp vo minere Siite wo chönnt helfe: Luege, Lose, Laufe.

6. Notiz a mich: Nöchst Wuchenend en Pingu-Sirup mit neh - suss verdurstet mir dä arm Stägi no bim Car fahre. Tendenz Formkurve sinkend, alte Maa!

7. Wenn mit dä Luz-Wiiber umeziehsch, muesch dir kei sorge mache, das z'churz chunnsch. Für dä Notfall-Hunger hät d'Samira sogar en chalte Hamburger im Gwändli.

8. Wenn d'Auge chlinner und s'lächle breiter wird muesch di langsam druff gfasst mache, dass dä Hinti hilf brucht zums rechtziitig in Car schaffe. Um s'Instrument chasch di denn au en Tag spöter no kümmere.

9. Dä Barchef in Ganterschwil sött sich mol es Bispiel a mine Getränkidee näh. En Shot wo noch Kaffisatz schmöckt - was für en Blödsinn! Jetzt bliibt nur no d'Frog offe, wer so en Saich bstellt. Gell Samira?

10. Chönnd mir am SchmuDo d'Bühni uf em Goldige Bode au eifach mol irgendwo anderst here Stelle? Nütze tuets gar nünt, isch meh so ä Prinzipsach. Do chunnt jo kein Mensch meh druss..

Endlich dörfemor selber wieder uf Bühni.. 😍
1. Wend nervöser bisch uf Fasnacht als uf sus was, bisch gotte froh wend mit de erste guggä en shot chasch neh und diä findet da isch jo mol eh herrlichi sach, weisch das es eh gueti idee gsi isch..
2. Wenn alli Mosliger zmol din name kennet, hesch glaub en blibendä ihdruck gmacht mit bitzeli Text..
3. Wenn de Dave kunnt und findet ich han eh gschenk für dii, langem nöd an rugge es isch füechter als wener is Hallebad got..
4. Silvana chan nöd nur guet Trompetä Spiela, sii chan au sehr guet Busäää-blosää.
5. Danke de Melanie chönd ez au 4 Frau immer wieder mol ah nebisem umäspielä, Danke Tuuuussiig.. 😉
6. Wenns den aber dä stägi da is muul nint und spicke loht, machts bluuub und s’deckli isch unuffindbar im schwindlirosa Konfettii ez chamer halt nuno eier schauckle loh..
7. De hai weg isch ganz underem Motto gsi «wer schwankt hat mer vom Weg»
8. Wenn du musst dann musst du mal und mengmol gits den gad no es bächli-Rennä gell Müüsli..
9. Tipp am Rande: zum Gratis Busfahre mumer nur am morge am 6ii, halb gschminkt uf de Bus.
10. Noch dä chäääshörnli isch vor dä Spaghetti Carbonare au wemer nur 3 gable mag hauptsach meh het no was gesse..
11. Wenn de Güggel sini hüehner fast komplett im Bett hät und den glich nöd will is Gräbli muess halt s’huehn1 zum huehn3 noh rutsche.
12. Wenn den z’mol no eh heissi Deo Dosä under de Decki fürä kunnt, wilsch lieber nöd wüssä wo diä de ganz obig gsi isch..
13. Wenn noch de Fasnacht chli chasch go baggerä weisch das sich Bagger-Socke scho glohnt hend..
14. Und Nei mir übertriebets doch nöd scho am erste Wuchenend.. 😅do frogi mi wii kömmet echt di nöchste Wuchenend use.😏

So probier ich doch das au mol.
1. S wechsle vo de ersti uf die 2 posune muni sege het sich glohnt, de güggel lueget guet zu sine 3 hüehner!! Danke🤗ps. De Päddy het natürli au immer guet glueget♥️
2. Wenn denksch du gosch da Wuchened nöd all in chunts halt glich anderst als me denkt... Aber de Wodka Mate de lohni schö sie!
3. Is langolino go Pizza esse isch wieder e gueti entscheidig gsi, me het sine gfühl wieder mol freie lauf chöne loh🤣
4. Wenn vo Rickebach wieder zrugg uf Mühlrüti gosch chunts ganz sicher nöd guet... Voralem wenn de alterdurchschnitt 16ni isch🤣
5. Ufm heiweg bi de Tanja no go chäshörnli esse tönt sehr verlockend de schwoger het zwar gmeint segi für mich ziit hei, wählsch halt glich d chäshörnli well i glaub wienerli gits dehai eh ä keis 🤣
6.De bsuech ufm heiweg ide WG dörf natürlich nöd fehle, sie hend jo au no nüüt gesse drum machet mer take away bi de tanja so het d WG au no en mitternachtsnack🤣 danke Tanja!! D pfanne chunt den wieder zu der🤗
7.De eini wo den doch a dem Obig chli z tüüüf is Glas glueget het, uf de bode gheit und findt i blieb grad ligge, merkt er den doch Sofa isch eigentlich bequemer isch jo nöd so das er eigentlich es Zimmer heti🤣🤣
8.Wenn den am sunntig morge heichunnsh findt de ma i glaub mer gönd uswärts go esse, den weish definitiv das alt usgsehsch!! D jolanda und d Melanie müend lache wens eim gsehnd den isches bestätiget🤣
9.Aber d erkenntnis vo dem Wuchenend, ihr sind eifach e supper Truppe!! Freu mich uf die nöchste Wuchenend mit eu!!
10. Zu de frog vo de Claudia i bi zwar nöd de sitznochbuur vom Dave aber ha jo gruefe het nur all gheisse psssttt bis ruhig de Stägi isch am schwätze bis den bim 4 mol sege endlich mol öpper gmeint het jo scheisse segs lüüter! Ishes den halt scho z spoot gsi... Aber de güggel het sini hüener nöd in Stich loh!!🤣

1. Wenn dä Jan seit: "mol recht verdammt in Öl hoi", muesch dämit rechne, das er au recht verdammt in Öl goht.

2. Wenn dir am Samstig bim Car uslade d'Olivia ohni Farb im Gsicht begegnet, wöttsch ihre es Kompliment mache will sie wieder mol so schlau gsi isch, zum sich scho im Car abschminke. Wenn sie dich denn breit grinsend alueget und seit "äääh.. nei.. hihihi" isch sie vermuetlich zwüsched dure mit em Jan unterwegs gsi.

3. Wenn dir en Mosliger sis Portemonnaie hinder d'Bar wirft und rüeft "I NIMM ALLI" bisch froh, häsch am Däve glich no dä Uftrag geh zum go Capri Sonne poste. Huere gruusig, und doch so guet!

4. Wenn mit em Silvio willsch go Fütz jage, damit er sini gross liebi chan finde, isch er ziemlich entüscht wenn er merkt, dass nur dä John-Deere Fanclub as Fest iglade händ.

5. Notiz a mich: Wenn s'nöchst mol d'Claudia mit em Mikrofon i dä Kalberhalle stoht, söttsch sie vor ihrem Uftritt druff ufmerksam mache, das sie gar nöd so guet chan singe.

6. Apropro Claudia: Wenn sie dä "hütschgi" hät stohsch ihre als guete Fründ gern mit unkonventionelle Massnahme zur Verfüegig. Bitte.

7. Zweitname-Rätsel, wer kennt d'Lösig?
- Doris?
- Chrigel?
- Willi?
- Debooorah?
- Stefan?
- Simon?
- Bianca?
- Emre?

8. Wenn d'Sabi im Apéro gross akündet was sie z'nacht no vor hät wenn sie hei chunnt, isch s'muul vermuetlich en Brocke schneller gsi als dä Chopf. Für die wo nöd druss chömmed: es goht um es Wienerli, aber nöd eis zum esse.

9. "Alli vier" Grüess gönd use a d'Melanie - schön ischs gsi!

10. Min Rang als Dr. Sommer muess i anerkennend am Jan wiitergeh. Mit viel Fingerspitzegfühl und Fachwüsse verstoht er d'Fraue doch um einiges besser als ich. Egal ob frischi Bettwösch oder fertig knüsperlet, Danke säge nie vergesse!

11. Eigentlich isch s'Konzept vo dä Spanisch jo scho genial: Wenn d'lüüt rauche lohsch stinkts so fest, das grad au nüme muesch putze.

12. Wenn d'FGL vergisst das sie am Obig au no ä Gugge organisiert hät, muesch di nöd wundere, wenns chli knapp Platz hät zum spiele. Schlagwerk une und Blöser obe isch aber ehner suboptimal.

13. Wenns z'Mühlrüti vergesset das am Obig au no ä Gugge organisiert händ, muesch di nöd wundere, wenns chli knapp Platz hät zum spiele.

Entlich Fasnacht……….

1. Wenn das Johr alli so giggerig uf d Fasnacht gsie sind nu du irgendwiä ersch am Frittig gmerkt hesch das loos goot bisch zimlich hinädri.
2. Wen den aber gschminkt bisch i de Halle stosch und d Guggä afanget spilä… merk au ich scheisse es goot entli loos.
3. nörchst mol wen d Mosliger bi üs Spilet weiss ich das i eifach nu mu segä wer das sind, wil usrede loh hends mi jo glich nöd.
4. Aso Peter a dinä überzügigskünst musch nochli üebä… öppä 10 min. het er d Tanja versuecht z überredä id WG z cho. I ha 1x müsä frogä öb si mitchunt uf en Absacker. Und zack isch sie bi üs am Tisch ghocket.
5. Joo di erscht Nacht i de WG han ich persöndlich chli einsam gfundä. D Melanie isch lieber mit öperem anderem hei als mit mir. Aber wenigstens isch si jetzt uf Null. I mags dir gönnä.
6. Noch derä einsamä Nacht sind den halt de Stägi und ich zämä go Zmorgä hollä in Hueber. Beleiti Brötli zum Zmorgä isch ebä scho chogä guet.
7. Wen den zmol au no vo de Claudia s Whatsapp chunt mit “mir bringet Bolognaise zum Zmitag“ weisch de Samschdig chan nu guet werde.
8. D Pizza hets den a dem obig au no ge… zum Glück isch d Jolanda näbet mir gsie i ha s Bsteck garnöd brucht. Goot ebä huerrä ring went alles igfürt bechunsch.
9. Aso i glaub s Spanisch isch au nu glatt wen en Hufä trümligi Schränzer dinä hocket und chli umäjolät und singet. Noch emenä Aschebächer schmöksch aber so oder so.
10. Wenn sich öpper mag errninerä… letschdjohr het mi d Desi mol werend em uftrit umarmt will si so stolz uf mi gsie isch… dass Johr isch es d Claudia z Mühlrüti gsie wo mi verküsst het, bi aber scho au chli nervös gsie näbet ihrä z spilä.
11. Joo i bi froh bin i den noch Wil mit em Car hei… i de WG no es Bierli mit em Hinti ne. Obwohl trunkä het jo er glich beidi Bier, und den ab go Pfussä… hani gmeint. Wen den aber zmol en gschminktä Grind über dir isch weisch das d Melani die nacht id WG gschaft het. Juuuhuuu

1. Wenn mit de Sabi am SCHMUDO zum Fanartikel verchaufe iiteilt bisch, bisch noher wohrschindli bitz ahgsürslet und wenn Glück hesch, wird dir gad au no en Job ahbote.
2. Du merksch, dass dini beste Johr verbii sind, wenn dii en junge Burscht 25i schätzt, du mit nei 27i antwortisch und er eifach kommentarlos weglauft und niemeh wieder bi der a de Bar go bstelle chunnd.
3. Wenn der den z'Goldige en andere junge Burscht zerst sät, dass usgsechisch wie de Grinch und denn dass 27i gär nöd schlimm seg, well er nard immer scho alti Fraue gha het, machts die Sach mit em Alter definitiv nöd besser.
4. Wenn am SCHMUDO de Cöni ide Weegee 4.0 schloft, denn dörfsch nöd nur am Fritigmittag Chäshörnli mampfe, sondern au am Samstigmittag und am Samstig ide Nacht. Vellicht no bitz viel, aber definitiv u fein gsii. Dankä 1000!!
5. Wenn am Fritig noch em SCHMUDO eigendli am Nomi pfüsele wötsch, hesch evtl. no spontan und ohni z'wüssä Tag der offenen Tür.
6. Han mer sägä loh, dass mer amne nüechterne Peter nöd glaube sött, wie isch denn das bim Stägi, well de het öppis vo churzem Umzug i Wittebach gred.
7. Wenn de Mäthi, am Fasnachtssamstig erst spöter zuestigt, chasch ehn guet emol ersetze. Anschinend heissts denn aber nöd Randstäääbier, sondern Randsteibier. Da mit em Dialekt moni glab nochli üebe.
8. Apropos Dialekt, wenn die alli immer weg dem "Ä" fertig machet, bisch scho chli froh, wenn d Steffi um de Egge chunnd und neberem "jo i wäss" antwortet.
9. Wennd weg dene blödä Konfetti zwei Nahtoderfahrige mache mosch, bisch wohrschindli z'St. Galle am Umzug. Dankä, aber nei Dankä!
10. Wenn am Sunntig no nöd gnueg Fasnacht gha hesch för da Wochenend, denn chasch guet no gschwind ah d'Uslumpete goh.
11. Wenns denn aber kei Gschwind meh isch, denn bisch evtl. am Mäntigmorge bim Schaffä chli müed.
12. Wenn der en Mösliger understellt, dass er eigendli no de Notnagel för mi seg, het er wohrschindli die andere 10 Schränzer ide Halle nonöd gseh. Well en Städtli-Schränzer kommt selten allein.
13. Wenn denn glich mol en einsame Schränzer gsehsch, ischs vellicht de Peter, wo im Stollä vergesse gange isch. SORRY!
14. Wenn z'mol vo dinä Fründinnä besorgti Nochrichte öberchunnsch, hends nöd metöberchoh, dass am Fasnachtssamstig Stv.-Tag gsii isch.
15. Apropos Stv.-Tag: schono streng, wenn z'mol alles mitspiele mosch.
16. Deför umso schöner, wenn de überglücklich Schlegel vor dir stoht, uf 4 zehlt und de Clown macht.
17. Isch jo nüt neus, dass sich Fraue, wo viel mitenand underwegs sind, sich irgendwenn bi gwössä Sachä anenand ahpasset. D'Synchronisierig vo de Silvana und mer het mer denn aber im nochhinein scho chli Angst gmacht. Silvana, vellicht lohsch dii mol dörä checke, ob au e Laktoseunverträglichkeit hesch.
18. Wenn am Fasnachtszistig s'Clödeli Dankä sät, denn chunnsch zmol chli under Zytdruck, welld scho z'Ganterschwil verbii gfahre bisch.
19. Notiz ah mi: s'nögst mol mach i die Kussufforderig a Desi nöd im scharfe Rank, de Kuss ellei isch nämli scho gnueg scharf gsii.
20. Chömmer üsen Tourplan bitte ahpassä, dass de Sprenger-Lars immer mit eme Smirnöffli parat stoh cha? So guet isch mir nämli nonie glueget worde während eme Uftritt.
21. Wenn im Stollä meh am grinsä, als am spielä bisch, denn hesch eifach nur freud, dass de ganz Sauhufä leite dörfsch.

EXTRA-BONUS: Ehr sind eifach nur grossartig! Dankä för so ä unglaublich schöni Saison! Hopo die rotä!

i weiss gärnümä wo afangä mit de Erkentnis vo dem Wucheend!

1. wen am Mittwuch d Nochricht chunt das d Silvi krank isch denn machsch der gad echli sorgä um s Monster am Donnschdig obig. Isch den aber alles guet glaufä, d Stefi und i hend kurzerhand mol s Zepter id hand gno und müsä merkä „goot den scho“
2. me hend den au gmerkt me sind keis Team sondern mer sind „das Team“
3. Wen den am Fritig noch em Hallä ufrumä denksch chöntsch no 1-2 stündli go Pfüsselä merksch zimli schnell das ez i de Weeegeee wohnsch wil det wird an Tisch ghokt und witer Bier trunkä.
4. I glaub irgend öppis het s Müssli am Fritig z Nacht mit mir gmacht wil am Samschdig Morgä mit Hüftschmerzä eifach so ufwachä isch nöd normal.
5. wen d Claudia z Schänis zu dir chunt und vom Mami zur Guggä wet mutierä musch halt schnel s Schöttli wot no irgendwo i de Hosä häsch suechä, au wen sie sich bis es gfundä hesch chli Ignoriert fühlt.
6. aso Kaffi Stobä wösets z Schänis nöödwa da isch.
7. den musch halt kurzerhand mit de Frau Präsidäntin id Hallä go ab rave. d Claudia het da nämli schono gern
8. als chlinä Tip vo mer, glaubet niä am Peter wen er nüechtern isch! isch den äbä glich guet gsi i de Laser Halle
9. Went s Car fahrä äbä doch nöd magsch verlidä und di zum Peter fürä gsellsch hend den nöd alli freud went afangsch is Mikrofon schwäzä (singä)
10. wen de Lenny z Moslig zu dir chunt und seit er heg dasmol au fasch chli müsä brüelä wils ihm so gfallä het den musch ihm halt schnel en Vodka Redbull zahlä als ufmunterig.
11. aber isch jo au nu fair gsie weni ihm scho en ganzä wegtrunkä hesch werend em Uftrit. Dankä Lenny (Brüederherzli)
12. De St.Galler Umzug wär jo schono schö aber diä Goffä mit de Konfetti nöd so, zum glück sto i nöd am rand ossä.
13. s Monster Konzert chamer guet mol us lo noch em Umzug.
14. Zum glück bin i und d Melanie am Sunntig werend em Uftrit vo de Sprenger z voderschd gsie. den hemer de Dömi wenigstens chönä as Lachä errinerä. glaub so vill het er noniä glachet werend em spilä.
15. Aso langsam sind jo d Melanie und ich wiä Schwösterä, mer hend ned nu immer di glich frisur sondern au einigi anderi sachä ufenand abgstumä.
16. de Höch teil vom Tärätärätärä isch halt nöd min Teil, aber d Stefi het den gmerkt das en d Olivia und d Anita au ned gspilt hend. uf zmol isches ruhig do hinä. Upsiii hani noniä gspillt
17. Aso i hock glaub ezden immer bi de Samira vornä, hend gmerkt das mer eigentlich no de glich grüssig humor hend. wär gschider fürener fürä ghoket.
18. wen di de Stägi z Beunoderä d Spagetti zwingt zum essä magsch den vilicht nümä sicher mitspilä, zum glück het mi niemer ghört uf em Beüggli obä.
19. Went an Sprengerstolä mit 10 Konfetti Kanonä inä laufsch chas sid das öppä 3x gseit bechunsch das nöd inä dörfsch. Has den aber gschaft.
20. I glaub ez möget mi alli Sprenger noch dem i allne verzellt ha das da mini Idee gsie isch mit de Konfettikanonä. hihihihihi


Sooo mini liäbä erhollet eu guet.
lg Siiilv

1. Wenn am Schmudo vo allne ahgfiehlet wirsch, öb wieder representativi Ufgabe hägsch, dörfsch nach de Guggeverpflägig stolz sägä, das mal hani definitiv meh weder am letschte Fäscht gschaffet.
2. Wenn der Desi seit, dass dä vode Amriswiler ä super Trompete seg, glaubsch es erst, wenn stuhnend vor dem Herrgöttli stohsch und s Mul vor luuter guet spille nömä zuä bringsch. Eimal im Läbä würd ich gern so spille chönä.
3. Wenn de Leni am Schmudo muäss nüchtern bliibe, chaner guät Taxidienst für alti Guggegspähnli mache. Nur häter gmeint, er chemi niä meh im Ulisbach ah, d Lise hät doch drüü Hält dezwüschet brucht.
4. Wenn am Friitig nachem Schmudo Ziiht für en Znüni im Hueber häsch, simmer huärä schnäll gsi mit ufruhme. Und übrigens, de Schlegel got denn au nur eimal im Johr in Züni.- Proscht Pädi Lüzli
5. Wenn mit dä ano dazumal Lehrlingsusbildnerin z Goldige schnäppslisch, isches dumm gloffe, wenn sie nur Appezeller gern hät.
6. Wenn d Kind am Fasnachtsamstig kei Energie meh hend zum bim Tschüss sägä z’brüehle, weisch dass für hüt definitiv gnuäg Umzug gloffe sind.
7. Ä schlächteri Kafistube als z Schänis hani die ganz Fasnacht oder gar miner läbtig nu nie gseh – Punkt!
8. Wenn de nüchtern Peter seit, es lohnt sich nöd id Laserhalle z go, du det ine äs riise Fäscht häsch, will mir das BumBum äbä scho nu gfallt, glaubsch ihm ab jetzt nüt meh.
9. Wenn us dere coole Laserhalle denn usechunsch, und Guggemusig ghörsch, erinnerisch dich, warum überhaupt do bisch, ah ja isch ja eigentlich Fasnacht, hami nu gwunderet warum d Silvana so en farbige Grind hät.
10. Wenn im Car alli Fraue d Hülle falle lönd und ihri BH’s zeiget, denn stoht de heissischt Uftritt vo de Saison bevor.
11. Cha dene Mosliger mal öbbert sägä, dass d Mänschheit äs Gwohnheitstier isch? De ganz Uftrtitt lang han ich gstudiert, wo ich denn jetzt i dere Halle am Guggemusige bin.
12. Wenn am Kevin en warme Hamburger in Car mitbringe willsch, muäsch sälber lache, uf was für Wärme-Ideeä chunsch. Ha scho lang nömä so ab mir sälber müässä lache, au wenni glaub die einzig gsi bin, wo min Spruch luschtig funde hät.
13. Wenn de Pfüdi en Böller abloht und wartet und wartet bis de cheib abhot, hoffsch, dasses ihm bide Fraue nie so got.
14. Wenn s eigete Kind im Car is Mikrofon liiret, häts verstande, dass s Mami sit dem Johr öbbis zsägä hät im Verein.
15. Apropos Kind: Der Apfel fällt nicht weit vom Stamm, wenn de Knopf denn mal offe isch, schnorrets wie es Buäch… ich wünsch üch jetzt scho vill Spass wenn denn die zweit au nu richtig rede chan.
16. Wennmer am Fasnachtsziistig nur drü Lüt nocheschminket, händ all verstande, dass de Numitag au zum Programm ghört und eigentlich en choge dankbare Tag isch.
17. Wenn am Obig vom Fasnachtsziistig kei Gäld meh bruchsch und glich en glatte Obig häsch, chunsch sicher nöd nüchtern hei.
18. Wenn stolz bisch, dass nachem letschte Uftritt nöd so emotional bisch, häsch nunig am Mäthi tschüss gseit, wo üsi Schränzerfamili mit vill Träne verloht.
19. Wenn uf de Kippi gsi bisch, öb nu im Sprängerstolle blibe söllsch oder doch lieber brav de Car go uslade gosch, chasch guät ide Underhose am eigete Kuchitisch mit em Maa uf ä wunderschöni Gugge-Saison ahstosse.
20. Wenn am Aschermittwoch zum Pizzaplausch ihladsch, bruchsch praktisch kei Alkohol, guät chönd mir de Reste wieder am Haab zrugg bringe.

Danke tuusig vill mal für die wunderschön Saison, ich wird üch vo Härzä vermissä!

1. Wenn d Chalberhalle vo mehrere Gugge als Hexekessel bezeichnet wird, ischs glaub es tolls Fest gsii😘
2. En gfitzte Gugger schnappt sich bim Ufruume am Fritig sofort en heiss begehrte Bese😎
3. Wenn für dich Nagellack mitnimmsch zum während em Schminke chli ahmölele, chas sii, dass plötzlich di ganz Gugge mit schöne Nägel ad Fasnacht got 💋
4. Gär nöd gwüsst, wie gross da Wittebach isch. I ha gmeint mir chönd nüme ah😅
5. De Macarena-Tanz got imfall zu jedem Lied und i jedem mögliche Tempo🎵
6. En gfitzte Gugger spielt in Moslig nur mit BH unterem Gwändli😁
7. Guggegwändli tuet mir ja nöd wäsche, aber wenn de Pfüdi drufseicht, würis vilicht glich mol uswäsche😂
8. Für das, dass St.Galle e grossi Stadt isch, isch de Umzug huere eng
9. Monsterkonzert noch Umzüg sind für Ahfänger😜
10. Wenn mehreri Mösliger zu dir chönd und säget, wie Freud das hend, dass sooo viel Städtlischränzer ad Uslumpete cho sind, zeigt da, wa für e tolli Truppe mir sind😍

Jeeeeey es got ab uf Adelberg……….

1.Am Fritig chum in Car igstigä bisch und scho musch dini Hosä abälo nu wil alli de Blau Fleck wend gse wo der de Silvio gmacht het.

2.Da chogä Knoblerä isch lustig, aber 2 Schnäps mitenand isch gärnöd so guet, veralem wens den no en Rahmigä und en Normalä zämä isch.

3.Aso Claudia mir wär das immer as Nastüechli denkä eifach z vill woni müst überleggä, i bi definitiv Team Betazug wäschä 🙂

4.Ich Glaubä so vil galachet wi a derä Apresski Party in Adelberg hemer alli no niä weret em Uftrit, wen den aber du und d Desi mitenand lachet chas den halt sie das d Sakia alei mus spilä. Aber he glich scho lang nüm so vill Kompliment übercho für üsä Uftrit.

5.Am Samstig z Adelberg go schminkä isch jo kei Problem, diä Schminkkomision isch jo huerä guet igrichtet.

6.Apropos Schminkä. I ha mi scho gad echli gehrt gfühlt wo de Stägi gmeint het ich derf das Wucheend chlli Rot schmink. D Sternä hend den aber nöd so klapet sind eher Flädä gsie. Uuuupsii

7.I ha jo gärnöd gwüst wa üs do z Schwäbisch Gmünd so erwartet, eifach mol istigä und luegä wa chunt. I Glaubä went immer schö machsch wa d Nina und d Sabine säget den chunts guet.

8.Uf de Bühni musch den aber eher mol uf s Clödeli losä will chan halt würkli si das ihrä de Titti z lang got. I ha mi doch gad uf di churz Verschnufpausä gfreut gha!

9.Wen d Desi di im Paulaner werend em Uftrit in Arm nint und di chum me loos lot weisch das irgend öpis richtig gmacht hesch. Aso ich bin au Stolz uf mich das ich d Desi soooooooo Stolz gmacht han.

10.Mitlerwilä bini Zimlich froh het mi s Müüsli und min chlinä Brüeder dezuä bewegt hend zum i de Schwachmatä Verein z go. Aber he er sind di geilstä Schwachmatä wos git!!!

11. Und he ich glaub kei anderi Guggä het so e geili Stimmig, weder Unteränand no ud de Bühni! und da isch jez jo definitiv au hoch Offiziel! Top Stimmungsmacher 2024 in Gmünd

12.Noch drü Täg Späzle mit Sauch chan der Irgendwen auch chli verleidä aber wen di de Silvio am Sunntig scho zum Zmittag iladet den derfsch halt au nöd mötzlä.

13.Apropos iladä, i find da uuuuhuerä schö das mit de Schränzer eifach mol es Wucheend chasch weg und vo alnä igladä wirsch, vilicht lits au dra das eifach d Euro nöd mitgno hesch.

14.Aso mir und mim Portmonnaie hets wörkli gfale, i has so wenig brucht das is am Sunntig den natürli au gad im Car lo han, aber usene chamer jo eh niemer öpis, will Geld hani kei dinä!

15.Aso eis muni sägä Claudia! Für mich isch es noch dem Wucheend es klars JA!

Wenn chum weisch wod söllsch starte, mit de Erkenntnis, fangsch am beste eifach mal ah schriebe:

1. Wenn's a dä HV ä grossi, emotionali Diskusione git öbmer das Johr uf Adelberg/Schwäbisch Gmünd söllet go, wunderisch dich nöd, wenn es chliners Trüppli als gwohnt in Car ihstigt.

2. Umso meh biberisch aber bis am Friitig morge, dass kei wiiteri Abmeldige ineschniiet (und jetzt spötistens wüsset ihr wem die Erkenntnis ghöret:-)), und bisch denn doch entüscht, wenn krankheitsbedingt numal drüü usfallet.

3. Es git zwei Möglichkeite wie mer nach de schönschte Näbetsach vode Wält mit de Mikroläbewäse umgot. Zu wellem Team ghörsch du? Inselhüpfe oder Bett frisch bezieh?

4. Au wenn es grosses Muul häsch, amne wenig guät bekanntem Kuchitisch Smalltalk betriibe isch denn sogar für mich usserhalb vo de Komfortzone. Wenn dich am Sunntig bide Verabschidig herzlich Umarmsch, weisch aber wieder, das sind eifach au nach vier Johr immer nur Härzensgueti Mänsche.

5. Äntli chum isch jetzt bi dere Cammerer-Familie au mal druss, de grösst isch dä Robin, de jüngst isch dä Pascal, de wo am meiste redet isch dä Frederic und dänn gits do nu d Schwöschter Sonja wo am Bodesee wohnt und d Schapo-Schwöschter Maria und dä Koch wo üs am Friitig fein verköstigt hät. Tschegget?

6. Apropos Cammerer Familie: gäll Frederic, muäschs nöd nur do ha.... sondern au do..... d Gestik chönder üch nach dem Wucheend sicher denke... 1:0 für mich - gelöscht-gelöscht!

7. Wenn de FC s Fäscht äxtra ä Wuche füre verschiebt weg üs, freusch dich, dass a dem Friitig nu öbbis lauft. Nur das mit de Bar ufstelle, müänds üs Schwiizer glaub nu bitz abluägä.

8. Wenn de Melanie seisch, probier lieber am Friitig Obig us, was mit üsere chlii Formation möglich isch zum Spille, muäsch dich nöd wundere, wenn nach em Uftritt die 1. Posune muäsch go ufheitere - eeeeeeeeaaaaasssyyyy, die Dütsche wüsstet wenigstens wie d Layla würd töne.

9. Uf dä Stägi isch verlass! Wenns heisst, morge am 9ni parat sie zum Schminke, richtet de Stägi alles gut gelaunt und wartet bis all sini Schminkkommissionsgspähnli nur nur d Schminkpistole müänd id Händ näh. Apropos Stägi, wenner im Liiri Modus isch, nützt mit lieb rede und bittibätti mache nüt, anehocke und schnorre zue, isch vill efizienter.

10. S'erst Mal an Zunftmeister z Schwäbisch Gmünd isch ä Ehr. Aber nüchtern betrachtet eigentlich au nüt Speziells. Ussert mer dörf de Momänt mit zwei liebe Mänsche teile!

11. Wenn de Bobo ahgseit wird, de Hugo verstohsch unds nu luut hindere rüefsch, wirds en depremierende erste Uftritt. Danke Silvi dass du am schnellschte reagiert häsch und mir knapp vorem Pray denn nu d Kurve verwütscht hend.

12. Defür sind ab dem Ziihtpunkt alle höchst konzentriert parat gstande und reagiertet üsserscht flexibel, wenn mir s Stückli eifach zu lang got und ichs chli abkürze. Danke tuusig ihr sind eifach super!

13. Während em Päusli vom Ufrtitt bis zum nächste, hänksch dich eifach paar Schränzer ah, wem spillt das Johr so überhaupt kei Rolle, jedem mit jedem eifach genial!

14. Zum Glück hend mir nachem Znachtesse nomal vorem Prediger dörfe zeige wie mir richtig Musig machet, min absoluti Highlith Uftritt vom Tag, vo zforderst bis z hinderst sind alli Händ dobe gsi und hend mit gmacht.

15. Guet sind de Adi und dä Mäh mit uf Gmünd cho, immerhin kennet sie jetzt dä Prediger in und uswendig, für meh häts aber leider nöd glanget.

16. Wenn bim 9. und letzte Uftritt denn doch mal nu dä Schrumpfkopf ihsetzt, bisch froh, dass es erst so spot passiert.

17. Normalerwiis hend mir am Sunntig z Adelberg aml rasch bitz es ihwärme gmacht bevor mir uf Schwäbisch Gmünd. Aber was isch das Johr scho normal, himmel, so vill Adelberger han ich ja nu nie gseh! geil!

18. Heisst aber au, dass nach de Dankes-Ahsproch denn grad es Schnäppsli zur beruhigig vode Närve bruchsch. De Job duät mir glaub nöd guät, seg schiins ide letschte Wucheene nöd s erste Schnäppsli gsi wos brucht heg.

19. Bravo Tourplaner, äntli hend mir s aller ersti Mal dörfe i dere grosse Halle spille! Gäll Regi, es isch doch au din ersti Uftritt i dere Halle gsi oder?

20. Wenn 3/4 vo de 22 spillendende Schränzer nöd wüsset, das mer a dem Guggeträffe Prise gwünne chan, zeigt das, das mir vo tüüfem Härze das machet, wo üs Freud macht. Eifach einzigartigi Schränzer-Musig!!!

Ich bin so wahnsinnig stolz uf jede einzelne wo alles gäh hät, das mir spielbar gsi sind ihr sind genial und ich freu mich mega, das mir ab jetzt wieder hoffentlich (!) vollzählig chönd zämä Musig mache, wie geil muäss dänn fascht doppleti Schränzer-Power töne?!


p.s. nu än Tipp vomne gfitzte Gugger:
En gfitzter Gugger blost die Wuche mal nu rasch die andere 12 Stückli vom Repertoire dure, damit mer abem Dunnstig denn nöd überrascht sind:-)

Ha no vergesse sege

12. Wenn dis instrument all uftritt muesch umstimme, chas entweder nur wiiblich sii oder uf wish bstellt

Dankä tschau

Wenn so viel neui Lüüt plötzlich Ihträg schriibet, starti doch au mol min Versuech 😉

1. Jo, ich han min Pulli jetzt au ahgschriebe und loh ihn nie meh los.
2. Es git zwor trotzdem so Kandidate (Pfüdi) wo trotz super beschriftetem Pulli de Falsch mit hei nehmet.
3. Wenn kurz vor Saisonbeginn e riiiese Temu-Bstellig achunnt, chönds nur Ohrering oder Entli sii
4. Ganz vorne Sitze im Car muemer zerst üebe. Isch gär nöd so eifach wie mer denkt. Und au eifach schad um die Smirnoff
5. Wenn im Narregottesdienst de Regi nurno de Kopf schüttlet und so bös luegt, dass er bald en Schläger wirft, weisch dass de Ogi no nöd ganz wach isch und en huere Seich zämespielt
6. Falls öppert ah de Chuchi mol usfallt, i cha sit de Bar bim Resti Churfirste jetzt de Guggemarsch 👍
7. Laufe isch für Ahfänger, en gschiide Gugger fahrt mit de Kutsche an Fotitermin
8. Wennd de Hueste hesch, muesch nur zu de Claudia. Die isch für en Appezeller immer zha.
9. En gfitzte Gugger schminkt sich scho im Car ab (Danke Ölä😘)
10. Minnere Meinig no chönnt höchstens de Uftritt in Moslig no geiler werde als de in Ganterschwil. Leck hend mir Gas geh.
11. In Bazeheid hets für Essensbööö au eifach Shots geh
12. De Cedrin het im Tögg sis erste Kafirähmli gesse
13. Vilicht söttet mir de Melanie au es Podestli organisiere, wie de Obergugger vo de Flamingos. Denn wür sie bim Gumpe au endlich höch uecho.

I wünsch eu es wundervolls Wuchenend in Dütschland und freu mi ez scho uf de Schmudo💕

1. Wenn am Mäntig Morge mit eme Kaffi und «Auge wie Schwiifütz» an Tisch hocksch und d’Erkenntnis schriebsch, ischs glab e guets Wochenend gsi. (M.L. Eigenmann, o.D.)
2. Tatsächlich hets d’Weegee au mol rechtzitig zum Schminke gschafft. I hoff, dass da de Samstig und de Sunntig wieder bitzeli guet gmacht het.
3. De Securita z’Mogelsberg hets übrigens da Johr immer no lustig gfunde, wo i gseit ha, dass mer au hüür gladni Gäst seget.
4. Wenn s’Mami am Sunntig obig frögt, obs im Scherrer obe guet gsii seg, well d’Rös ehre verzehlt heg, dass dei nard nie so viel Lüt het, erklärt das einiges.
5. Wenn dei obe d’Frau Präsidentin seit «ah es Gummibärli», denn söt d’Antwort nöd sii «Ah stimmt du bisch jo so Alt, dass da no kennsch»
6. Wenn bi de Kollegä Gähwil 12 Bier holsch und nur 10 Stutz zahle mosch, hesch definitiv en guete Deal gmacht.
7. Het mer au näbert chönnä sägä, dass z’Gähwil mit 3 Lieder dur de halb Umzug magsch, denn het i nämli de Grappa wehemend nomol e Saison verteidigt.
8. Wenn z’Gähwil am Umzug go frögä gosch, wer do denn de Tom isch und der 3 halbi Manne im bare ernst erkläret, dass Tom Schwizerdütsch för Dumm seg, sinds vellicht chli verdutzd, wenn miteme Lachä weglaufsch und seisch «Wow, ehr leistet demfall dem Name alli Ehr».
9. Wenn vor em Uftritt z’Ganterschwil d’Frau Präsidentin zu dir chunnd und seit «hüt all in», denn chasch guet mol 35 Minute spiele. Isch aber GEIL gsii! Dankä Müslis!!
10. Wennd währendem Ganterschwil-Uftritt die verhület Ramona gsehsch, mosch der glich au es Tränli verkneife.
11. Anschinend hend jo d’Mösliger min Ample-Spruch nöd so lustig gfunde. Aber i ha au ghört, dass dei no öppä en Humorlegastheniker heg.
12. Wichtigi Frog: Het nomol näbert Muskelkater vom Gugug?
13. Und wenn am Morge «Auge wie Schwiifütz» hesch, chas guet sii, dass dini 10 Erkenntnis erst am Nomittag ueladsch. (M.L. Eigenmann, o.D.)

1. Z Mogelsberg inä laufä und zersch mol mit de Eveline und em Silvio 2 Krokis trinkä wird sicher lustig.
2. noch all dänä Krokis wider diä villä Stägä ufä laufä isch den aber chogä streng
3. Went uf em Heiwäg no is Feld gosch isch s Heileit vom Obig definitiv all diä Blick wen de Car anä fahrt und 6 Trümligi Schränzer usstiget.
4. zum glück hemer noch em Feld als Weegee absacker no schnaps vom Göni gha, wil s Bierfässli isch nämlich scho läär gsie.
5. bim Ufwärts laufä Spilä isch chogä sträng au wens nu par Meter sind.
6. Z Ganterschwil wiä abgmacht dur d Kuchi inä glaufä aber de Adi isch nöd dötä gsie. bi Schwäääär entüschd Papi
7. I glaub s Stillhartä het de Uftrit gfallä d Ramona het Trändli gha, de Adi gstralet bis über beidi Ohrä und de Lenny het sich gad für d Neumitglider Info a gmoldä.
8. Wen am Nögstä Morgä alli din Brüeder suechet bim Schinkä lütsch mol de ganzä Familiä a, aber wen er nöd dihei sonder z Ganterschwil i de Hallä schloft ischs den no chli Schwirig zum en findä. Er isch den halt direkt go Schminkä cho.
9. Lösii i ha emfal au kein Kather gha wel ziit zum afangä usnüechterä isch definitiv z wänig gsie.
10. s Gumpischloss isch no chogä Sträng. Fam Lenherr, Losser und Brander i chum den süs de Lohn am Fritig go izüchä.

Bonus 1. 1 Posunä, 2 Trompetä und 1 Schlagzüg a de Bushaltestell tönt gärnöd mol so guet.

Bonus 2. am Silvio hock i nüm im Bus ihnä sus hesch sicher 7 Blaui Fläckä und e kaputs Ohr

Soo ez set au ich langsam go Schaffä bis am Fritig ihr Schwachmatä.

1. Wenn dis Gwändli bis zu dä Gwändlitaufi wege en huufe Extrawünsch unterwegs isch, hoffsch eifach, dass es denn passt wenns ahleisch. Goht denn scho.. A dere Stell nomol en herzliche Dank!
2. Notiz a mich: Wenn du extra Fasnachts-Gadgets chaufsch zum anderi dämit nerve, dörfsch es nie am Manser schenke.
3. Ä Pizza anstatt ä Henne: besti Idee gsi sit langer Ziit. Zäck hocksch mi 7 Fraue am Tisch und häsch en cheibe lustige obig und bisch noch 30 Minute wieder uf em neuste Stand was Klatsch und Tratsch betrifft. Zruck lehne und gnüsse.
4. ... zudem häsch als Maa denn grad au no es Briefing, was mer alless so sött oder ebe au nöd. Achtung fertig, fertig, iischratze oder en Speck häre werfe zum befüechte seg schiints nöd i Ornig. Das muess mer eim halt au mol säge!
5. Wenn plötzlich ganz neui Name im Gästebuech uftauchtecht bisch a) überrascht und b) stolz, das bi allne namentlich erwähnt bisch.
6. Wenn vor em erste Ton en fremde Maa uf dä Bühni stoht und dich froget "wie viel muesch für din Huet ha?", häsch ziemlich sicher ä geni(t)ali Idee gha. Wenn denn währed em Uftritt en huufe Lüüt uf dich zeiget und lachet, bisch sogar ganz sicher, das ä geni(t)ali Idee gha häsch.
7. Wenn s'Instrumentedepot innere Duschi isch, söttsch dini Posune nur denn an Duschchopf hänke, wenn dä Manser nöd hinter dir stoht. Suss wirsch nass.
8. Grundsätzlich löblich, wenns i dä Kaffistube ä Heizig installiert händ. Wenn die aber nur chalti Luft inebloset, ischs ehner kontraproduktiv. Immerhin isch dä Lutz nöd guet gsi.
9. Wenn dich dä Regi froget ob en Kaugummi willsch und du seisch, denn muesch au eine vo mine neh, muesser ziemlich fest lache, wenn dä glich schlecht Scherzartikel us dä Hose zauberisch.
10. Wieso genau muess mer jetzt bim Uszuug ufzmol möglichst langsam uselaufe? I chume nüme druss.

Hopp die rote - bis am Fritig!

Herzlich willkomme allne nüüe Erkenntnisschriiber, so cool got die Tradiotion wiiter:-).

Natürlich han au ich fliisig Erkenntnis gsammlet:

1. Das ich nöd uf s Muul ghiit bin wüsset ja alli, das mir nach em erste Fasnachtswucheend aber d Wort fählet, het au ich nöd denkt, es isch eifach en hammer Saisonstart gsi und zwüschetziitlich hani füechti Auge gha!
2. Wenn d Olivia feststellt, dass ich "NUR" 15 Johr älter bin als sie, tönt das bim schriebe nöd so schlimm, wie wenn de Underton bim "NUR" nu dezue ghörsch.
3. Wenn merksch, das eigentlich nur am umeschnorre bisch, statt am Buffet z hälfe, muesch nur die passend Usred defür finde - ich han mini Repräsentativi Ufgob vo mim nüüe Ämtli sehr z Herze gno. Definition gemäss Duden:
a)Vertretung einer öffentlichen Einrichtung auf gesellschaftlicher Ebene
b) an einem gehobenen gesellschaftlichen Status orientierter, auf Wirkung nach aussen bedachter, aufwendiger Lebensstil
ich würd sägä das passt wie d Fust ufs Aug
4. Wenn de Schlegel ä abgschminkti Nase hät und em du seisch, du gsehsch us als ob gschnupft häsch, stuhnsch nöd schlächt wänner stolz sis 10jöhrig, bald lääre Schnupfdösli füre nimmt und seit, sicher hani!
5. de "Goht denn scho"... hät überigens recht gha, würd sägä, das sind glungeni ersti Uftritt si.
6. Wenns am Friitig vo Ehemolige Gugger heisst, so vill Schränzer hani am 03:30 Uhr ide Kalberhalle au nu nie gseh, bisch eifach nume stolze uf die geil Truppe!
7. Wenn der de Pädi verzellt, dass er en nüüe Huet hät, bisch ja scho gspannt was ein wieder erwartet und wenen denn zerst mal demit gsehsch, muäsch eifach nur no lache.
8. Au wenn nu sone zueverlässigi bisch, ade Fasnacht pünktlich all Stund parat z stoh für s Stundeschnäppsli mit em Hinti, isch recht herusfordernd.
9. En gfitze Gugger hät sini Kleider mit em Name und de Telefonnummere beschriftet, wenn das so wiiter got wie das Wucheend, bini denn scho froh, wenn die Nummer au würklich gnützt wird, suscht hani denn bald kei Guggekleider meh.
10. Noitz a mich; Hänk doch dini Kleider nöd ad Garderobe sondern rüehrs eifach zum Reste vode Schränzer Kleider wo am Bode ligget, so chan de Car ohni 4 Minute Verspötig abfahre.
11. Wenn ein s Kind am Mäntigmorge nöd go schaffe loh wett, erstuhnts ein nöd, wenn am Numitag denn doch dihei ufem Sofa d Erkenntnis schriibsch.

Ich freu mich jetzt scho wahnsinnig uf s 2. Fasnachtswucheend.

1. Wennd ade Gwändlitaufi immer wieder d Claudia suechsch und merksch dass sie ihrne representative Ufgobe nohgoht, chasch druf goh dass die de ganz Obig nöd hinderem Buffet wirsch gseh.
2. und denn hoffsch ganz fesch dases nöd dra liit das ihre echli vorher emol gseit hesch sie segi NUR 15 johr älter als ich...
3. Wennd zum Stägi echli gosch go schmüüsele und en komische maa nebet ihm stoht, seit ich söll doch au echli zu ihm cho go schmüüsele, lehnsch dankend ab und laufsch devo.
4. Reminder a mich selber fürs 2025: S' Hennenesse isch ebe au lustig und es git au öppis anders als nur Henne zum Esse. Schiisst di denn glich ah wennd zmittstine muesch goh.
5. Es isch aber glich uu lustig gsi bim Pizza esse, au wenni jetzt en Kulturschock han. uuuiiiuiiiuiii
6. Apropos Pizza esse. Aso Speck chan ich eze definitiv niemeh esse. Danke Schlegel!
7. Gesucht: Schlagzüüger mit chäppli retour ah + Sunnebrille, trägerliibli, Bizeps und tattoos: Wenn da hesch - chum zu üüs id Gugge;)
8.Wennd de anderne Gugge zueluegsch bisch mengmol nöd sicher öb sie dezue zwunge worde sind oder öb sie das würklich freiwillig machet...
9. Du freusch di defür umsomeh uf de Uftritt wenn anderi Gugge seget das sie sich uu uf üse Uftritt freuet und alli uf dich wartet.
10. Fasnacht isch, wennd di am Mäntig scho wieder riiesig ufs Wuchenend freusch!!

Es isch Ziiht, s Gästebuech wieder z aktiviere:

Do mini 10 Vor-Fasnachtserkenntnis:
1. Zum Glück startet d Fasnacht, besser werdet mir nüme.
2. Mit null-komma-null Promille happerets bim Abba und Whatsapp.
3. aber hey, got denn scho… gäll Pfüdi?
4. Ganz spontan nu en Ufdruck für s Gwändli z entwerffe, isch ziitintensiv, aber versöhnt ein mit de ville Nähstunde für s Gwändli, jetzt fählt s Tüpfli ufem i nöme.
5. Zämä go Znachtesse nachere Samstigsprob fühlt sich „wie zu guten alten Zeiten“ ah, nur dass mittlerwile nu vier stolzi Junggugger mit am Tisch hocket.
6. So schön wie alli folget, mittlerwiile müener sogar wieder Tisch zämärucke bim Friiwilligehöck.
7. Für all wo min Dialäkt immer nunig verstönd: ich bin kein Zürcher, kein Glarner sondern ä Märchlerin und wirds au immer blibe;-)
8. Wenn bim Abba am Ogi zueluegsch wie er uf vier zellt, damit er sini drüü Paukeschläg zur richtige Ziiht bringt, chas guet si dass de eiget Ihsatz verpassisch.
9. Verloh dich nie ufen Insta-Countdown, rechne gschider sälber rasch noche.
10. Wenn s Chribble im Buch immer grösser wird, weisch warum mit vill vill Härzbluet en Städtli-Schränzer bisch.

I dem Sinn, ich freu mich riiiissig uf de Fasnachtsstart mit üch verruckte chöge;-)!

En gfizte Gugger sött eigentlich wüsse, das d'Fasnacht erst am Zistig-Obig fertig isch. Drum do mini Erkentnis über s'komplette Fasnachtswuchenend.

1. Wenn bim Esse schöpfe allne seisch, dass du extra früeh ufgstande bisch zum choche, denn chunsch dä ganz Obig en huufe Kompliment über.

2. Notiz a mich: Wenn bim abbreche vom SchmuDo dä Lösi froget "wer cha mir helfe?", rennsch gschieder so schnell wie möglich dävo. Will wenn er di verwütscht, häsch en strenge Morge.

3. Wenn unverhofft dä Cöni z'mol nebed dir uf dä Bühni stoht, muesch dä Moment nutze und geh was häsch. Will a) muesch dä Seich kompensiere wo er spielt, b) lüüter sii wie er, und c) nöd us em Glichgwicht cho vor luuter gingge. Alles i allem e schwierigs unterfange gsi uf dem Bänkli obe, aber lustig ischs gsi wie verruckt! Ei mol meh ä grossi Ehr gsi!

4. Wenn z'Goldige zum Adi gohsch und ihm seisch, ich han ä Frog und ä Kritik glichzitig: Wieso genau sind mir no nie do gsi? muess er selber lache und stuune, das es i dä nöchi no so gueti Fester git wo er nöd kennt hät.

5. Wenn dä Samstig spöter in Agriff ninnsch, chas dir passiere das glichziitig au no Schminker bisch. Jo danke, ich weiss und nei, ich chum nöd i d'Schminkkommission.

6. Apropro Samstig: Wenn zwei alti Gugge-Legende im Car vor dir nur no chli vor sich ane vegetieret und Sache ghörsch wie "ich bin halt au scho chli älter worde" oder "mini Lippe tuet weh" oder "Mami, chunnsch mi go hole, ich will hei" denn weisch, dass die beste Ziite vo ihne vermuetlich verbie sind.

7. Wenn z'Niederwil es paar schaulustigi Schränzer um ä belüchteti Stäge stönd, sind sich zwei Teenager intensiv am vergnüege. Cha mer mache, muess mer aber nöd.

8. Wer hät jetzt noch em Mosliger Umzug eigentlich dä Schwanzverglich gwunne bi dä "Guggekonzert" hineusse? Hihihihi, ich han Schwanz gseit.

9. Wenn im Car allne Fraue danke seisch, häsch d'Hoffnig das wie letzt Johr für s'Danke säge mitme Kuss belohnt wirsch. Wenn denn aber dä Lösi däher z'gumpe chunnt, häsch s'Ziel definitiv verfehlt.

10. Wenn noch em Uftritt im Sprengerstollä zmol d'Claudia mit Träne i dä Auge vor dir stoht und froget, obs jetzt das würklich gsi seg mit minnere Guggekarriere, bringt das die eigene Gedanke nomol ziemlich durenand.

11. Wenn dis Handy im Car ligge lohsch, wers besser wenn das nöd erst dihei im Bett merksch. Nomol en herzliche Dank a alli wo mir das so schnell wieder zruck brocht händ!

12. Notiz a mich: I dä Risi obe isch "Häts kei Chääääs" rüefe definitiv nöd nötig.

1. Wenn de Adi ide Ahsproch vom Monster seit, mir gebet de Galsche-Schlüssel de Claudia, die isch verantwortigsvoll, denn stellsch sicherheitshalber 10‘ vorem Treffpunkt de Wecker, dass jo nöd vergissisch, s Instrumentedepot pünktlich ufzmache.
2. Wenn dich freusch, das bis kurz vor Schluss ide Essensverpflägig für ämal kei Konfetti muesch ufläsä, häsch nöd miteme trümmlige Suri grechnet. Wenn dich denn lutstarch bim ehemalige Schuelkolleg mit *Adrian* beschwärsch und all lachet, denn weisch, dasen wohl niemert meh so nännt.
3. Ich sägs ja immer wieder, mer muess nur mit de Lüt rede. Danke tusig fürs hälfe Ufruhme ide Essensverpflägig ihr sind eifach geil, liebi Semphoniker!
4. So, sitem Friitig wüsset jetzt ali Schränzer, dasmer au geili Fäschter änet em Ricke fiire chan. Het eine mich gfroget, het ich scho lang gseit dasmer grad z Goldige blibet. Ja numä, d Ihladig für nächst Johr hemer üs scho mal gsicheret.
5. Isch nie schlächt, d Lüüt persönlich z känne, so wartet de Apéro direkt nachem Uftrittszällt und nöd wie planet vor de WC uf üs. Und wenns denn vode Apéro-Fraue heisst, das machet mir im Fall nur bi üchere Gugge, bisch doch bitz stolz.
6. Wenn z Goldige im Ländlerzält spilsch, die drüü alt verkleidete Wiiber gsehsch und denksch, die eint gseht wie d Raffi us, aber die sind ja sicher nöd do underwegs, stuhnsch nachem Uftritt nöd schlächt, dass sis ja würkli gsi isch.
7. Ich säg üch eis…. en gfitzte Gugger, hät nachem Uftritt Hamburger Fläcke ufem Gwändli. Wenn dich denn all froget wohär sonen geile Burger häsch, isch d Antwort klar: en gfitzte Gugger, bstellt s Esse vorem Uftritt, daser nachem Uftritt direkt de Hunger stille cha.
8. Apropos gfitzte Gugger: en andere gfitzte Gugger nehmi lieber ä Fläsche Haldeguet, do heger meh devo - proscht Adi, mir wüsset halt wie.
9. Wenn am Leni gfühlt 100mal de gfitzti Gugger under d Nase riibsch, chas guet si, dass s’erst mal i fast 17 Johr „du dummi Chueh“ gnännt wirsch. Ja, wenns bimne Lenherr um s Ässe got, verstohni das.
10. Wenn dich am Friitigobig unverhofft s Kind numal mitme Fieberschub dihei erwartet, es dich froget: Mami, häsch ade Fasnacht gspillt, huere geil gsi? Muesch trotz de Umständ luut lache.
11. Wenn z Niederwil kein Plan häsch wo de Car abfahrt, laufsch gschieder nöd am Silvio hinde noche, de weisses nämli au nöd.
12. Wenn ä Karton Trompete bim Uftritt stört, gönnsch dem junge Schnufer kurz sin Uftritt und ruhmschen denn ziihtnöch entschlosse vode Bühni weg.
13. S grosse Zelt z Sirnach hätmi grad chli überrascht und de cool Uftritt dezue ane grad au nu, das passiert wenn mit wenig Erwartige vom letschte Corona-Johr wieder dethii go spille gosch.
14. En gfitzte Gugger chunt für en Hotdog/Mineral Bon - en suure Öpfel Istee und es Schnitzelbrot über. Danke Sirnach, gnau sovill Flexibilität gägäüber Gugger söttet alli ha.
15. Wenn en Jungugger z Moslig vo ihrne drüü Fähler im Läbe verzellt und s Nr. 2 wo grad mit ihre redet ade Stiehl-Motorsägi ah erkennsch, verstohsch warums en Fähler gsi isch, aber immerhin heg ers chöne. Nach de Gspräch im Foyer wüssemer jetzt aber au, dass nöd jede Schränzer richtig zelle cha, das hät für mich nach meh als drüü Fähler tönt.
16. Söttis Gugger under üs gä wo nöd so en morivierte Sunntigsnumitag/Obig gha hend wie ich, man lerne: es isch ä Ehr z Moslig ade Uslumpete dörfe z spille! Was füren geile Uftritt!
17. Die grösst und wichtigst Erkenntnis vom Fasnachtswucheend lutet aber: wenn de Leni ufem Bank tanze cha, cha ich nu lang uf em Tisch tanze. Und wenner ein denn nu friiwilig zumne Tänzli abholt, weisch, das isch üsen Fasnachts-Momänt.
18. Wenns am Endi vo dere Saison immer nu öbbe es erstuhnts Gsicht git, wenn en Pfiil nimsch oder Schnupf Wucheend häsch, denn wird er ide letschte vier Johr zude Gugge gstosse si, woni entweder Schwanger gsi bin, gstillt ha, oder wieder vo vorne ahgfange ha. Das s Clödeli es Fästfüdle cha si, sött de Alt-Gugger ja nu bekannt si.
19. Und das bringt mich zude nächste Erkenntnis: mit dene Vorussetzige und i dem Alter mit de erste graue Hoor gnüsst mer d Fasnacht umso bewusster. Ahständig due, chani dihei wieder.
20. Übrigens… en gfitzte Gugger hät sich d Erkenntnis sitem Dunnstig vorzue ufgschriebe, darum stönds jetzt scho im Gästebuech.

Juhui ich freu mich sehr uf morn… und denn isch denn aber au wiedermal recht, wenns s normale Läbe wiedee stattfindet.

1. Z’Zizers chasch guet emol no gschwind bi eim uf de Parkplatz fahre und dich und e paar anderi Gugger no zume Getränk bi dem Eigetümer iilade. Pätsch und Chantal, ehr sind offiziell mini Lieblingsbünder.
2. Wennd Ü40 Manne z’Zizers e Bar füehret, chasch devo usgoh, dass dei ine Pardy Hardy isch.
3. Wenn im Car "Ohhh! Jeeeh! Jeeeh! Ohhh! Ohhh!» ghörsch, hend wohrschindli eimol meh d Jolanda und de Peter bim Chnoblere abgrumt.
4. Wenn de Stägi z'mol of Meitli-Schnüpf umstellt, well er nömä meh ue bringt, mosch em vellicht no gschwind zwo Filter id Nase setze.
5. Ich find jo recycling wörkli öppis tolls, aber wenn mer usere Underhose zmol en Hüftgurt macht, isch da au för mi eine z'viel.
6. So en unverhoffte Schlag mit eme Sitzchössi z’mitzt i mis Gsicht dod au nochli weh. Lösi, i glaub etz simer quitt!
7. Wenn noch Schüpfheim müed usem Car usstiegsch und ide Gedanke scho ide WG bisch, sötsch vellicht bi dem Gedanke au bliebe und nöd nomol uf Bütschwil goh. De Sunntig isch dementsprechend au chli strenger gsii.
8. Wenn z'Bütschwil denn aber en wildfremde junge Borscht zo der anechunnd, e Glas voll Zimt uspackt und seit "De Zimt bring ii. Bringsch du dis Schneggli?", mosch trotz Müedigkeit recht lut lache. För ehn hets den aber glich nu e Zimtstange geh. #SnailFail
9. Wenn während em Narregottesdienst dir so denksch, "Läck die Ministrantin isch aber au no recht alt!" chönnds vellicht au Diakonin gsii sii.
10. Hender gwüsst, i de Gugge hemer en neue Wingman. För die wonen nöd kennet, es isch übrigens au de glich, wo de Silvana während em Uftritt ufs Födli ghaue het. Hihihi Födli!

Bonus:
Wenn am Sunntig die Vernünftig usehenksch und (fast) kei Alkohol meh trinksch, welld am Mäntig wieder mit em Studium ahfangsch, bereusches spötistens i dem Zytpunkt, wod mit eme Wiiberli i de Finger ufeme Stuehl hocksch und das Wiiberli GANZI 15 Minute mit beobachte und ertaste of die wirke loh mosch. I dem Sinn: Hallo Studium!

1. Wenn z Zizers ahchunsch, bim Pätsch und dä Chantal grad id Stube stürchle dörfsch, isch de Start in Obig glunge. Danke Meli, dass du nöd ufs Muul ghiit bisch und die halb Gugge bi fremde Lüt ganz spontan ihladsch.
2. Wenn am Samstig frogsch, wo denn am Friitig z Zizers de Essenstand gsi wer, häsch eimal meh s Esse vergässä.
3. Wenn am Sternmarsch de Schlegel imne scharfe Underton seit, d Trompete söll mal ahständig anestoh, weisch was gschlage hät. So Samira, jetzt müämer üs eifach zämänäh... apropos Samira 3:1, ich hole uf...:-)
4. Wenn am Friitigobig dich uf grandiosi Ideeä ihlosch und Abmachige triffsch, bisch froh, wenn keine vo de andere zwei z Bütschwil nachem Uftritt öbis degliche tüend.
5. Wenn s Gfühl häsch, schaffsch es ei Saison ohni bösartige Schrumpfkopf, häsch dich spötistens z Bütschwil girrt.
6. De Regi hätmi das Wucheend anä Erkänntnis vom letschte Wucheend erinneret: Wenn dä er seit Claudia muäsch mal ahlangä wie härt de isch... bisch nöd sicher öb jetzt würklich am Bart kräbelisch oder suscht amne Ort.
7. Dass de Silvio gern diskutiert isch mir nöd unbekannt. Das er uf de Bühni z Schüpfheim aber völlig usser sich isch, will nach insgesamt drüü Stückli scho s letscht Stückli ahgseit wird, und er denn meint, für söttigs seg er zu Grüen de ganz Moscht für vier Stückli z vercharre, erstuhnt ein denn scho grad chli.
8. Wenn amne Guggefäscht en Kafi Luz bstellsch unds als Alternative nöd mal Kafi Zwätschge ahbütet wills dich nöd verstönd, und ade Garderobe für ä Abgob vomne Raclettkoffer zwei Stutz söttisch zalle, zeigt, dass nöd ide Heimat underwegs bisch unds definitiv nöd din Obig wird.
9. Mer muäss nur mit dä Lüüt rede gäll Steffi? So hend mir herrlich de ganz Heiweg under der Wulledecki im Car verschlofe und völlig erstuhnt festgstellt womer im Umfahrigstunnel z Wattwil verwachet sind.
10. Mis Kontigent für falsch drii spille wer für die Fasnacht au ufbrucht, immerhin hanis nach eme halbe Ton nu gmerkt und ha nöd so lang müässä usharre wie de Schlegel z Rickebach une.

Zuesatzerkänntnis vom Mäntig:
11. Wenn d Erkenntnis vom Wucheend am Kuchitisch schribsch und nöd bim Schaffe, denn hoffsch eifach, dass bis am Dunnstig d Junggugger wieder zwäg sind.

1. Wenn am Guggegaudi zum Securitas anelaufsch und ihm erklärsch, dass er dich da Johr nöd usewerfe dörf, moner sehr wohrschindli au chli lache.
2. Wennd s’ Clödeli s ganz Wochenend jolend ide Partyzone vom Car verbringt, het sie vermuetlich ihri Jugend nomol gfunde.
3. I bi offesichtlich nöd die einzig gsii, wo nöd gwösst het, dass z’Hedinge so ä höllä Party git.
4. Notiz a mich: Jutechössi sind sehr verlockend, dönd aber anschinend no bitzeli weh. Sorry Lösi, aber 1:0 för mi.
5. Wenn der d’Samira am Fritig erklärt, dass sie ämel am taube Näsli ah merkt, wenn sie chli bsoffe isch, ribsch der evtl. de halb Obig dini Nase wund.
6. Wenn denn noch de Ganterschwiler Fasnacht im Taxi hocksch und z’mol merksch, dass bi der nöd d’Nase, sondern d’Wange taub werded ischs denn aber definitiv zspot.
7. Apropos Ganterschwil, han de Silvio nonie so sanft mit ere Frau umgoh gseh, wie mit de (Gummi-) Susi. De Securitas het das aber glaub chli anderst gseh.
8. Wennd voller überzügig falsch spielsch und en grossteil vo de Gugger drusbringsch, bisch vellicht ebbe glich chli lüter als denkt hesch. Sorry!
9. Bim Umzug z’Wattwil bini scho fast chli rot worde, wo üs de Speaker ahgseit het. Aber glich schö, wenns endli mol eine erkennt het. 😉
10. Wenn de Lex ide Trube zu üs Schränzer seit, dass d’Meitli etz eigendli hei söttet, luegt er dii vellicht chli verdutzt ah, wenn ehn frögsch wieso das er den scho hei goh wött.
11. Eigendli hets mit de Mösliger scho au no Spass gmacht ide Trube. Wäred mer pegelmässig nöd 4 Stund verschobe gsii, wäred au die mit em Fäschtbank dor s Zelt dörä gjuckt.
12. Het au näber chönnä sägä, dass d Halstüechli eigendli Chopftücher sind.
13. Wenn am Sunntigobig de Schlegel echli vermissesch, het wohrschindli de DJ Prügeli för d’Underhaltig i de Trube mit uuhh viel guete aber ungnutzte Vorlage gsorgt.

1. Wenn z Hedinge in Car ihstigsch und alli devo redet dass ide Halle au nöd meh Lüt gha heg und dich öbs denn überhaupt ä Halle gha heg, häsch en lustige Friitig obig gha.
2. Die aller wichtigst Erkenntnis vo dene Täg; die chlii Stüssi suft ein definitiv under dä Tisch. 2:0 für d Samira...
3. Und d Erkenntnis Nr. 2 machts im Fall überhaupt nöd besser, wenn jede zuder seit "sie isch halt au nu jung..."
4. Apropos jung... hender gwüsst, dass d Anita die dritt ältischt Frau i üsem Verein isch und sie das mit entsetzä festgestellt hät?
5. En Platz z vorderst im Car garantiert dir ä super Ussicht uf d Stross, wenn denn aber all ahfanget schlofe, muäsch denn doch zwüschet ine en Abstächer id Partyzone mache.
6. Mitem Stägi hani immer scho gärn gjodlet "Bimmm, bammmm...."
7. Wenn äfängs um 21:00 Uhr vom Mami zum Gugger wettsch mutiere, denn bstellsch guätmüätig näbst em Suureöpfel/Istee grad nu än Flying Hirsch. Dasi die ja nart nöd so gärn ha, hemmer ja letscht Wucheend scho besproche.
8. Z'Nesslau obe isch d Devise, hauptsach mir hend ä Palme uf dä Bühni und ä choge Spass a üsem Uftritt, die restliche 30 Bsuecher hends glaub eifach zur Kenntnis gno.
9. S'Guggefieber a die nächst Generation witerzgäh, isch üs bis jetzt definitiv glunge, sött öbert d Bewegige vode Lieder nöd kännä, froget doch d Jarina.
10. Für alli Hamburger än wichtige Tipp vode füft ältischt Frau i dem Verein: söttet ihr mal es Rüschli verwütscht ha, sicheret üch zwei Stuck Brot vorem nächste Uftritt, die suget.

1. Wenn noch em Ufstelle i de Chalberhalle uf d Meli wartisch, dass chasch go s Gwändli alegge, chönts au si, dass es Komunikationsproblem vorliit.
2. Wenn mer a d Fasnachtseröffnig nur Bier trinkt, und das konsequent, denn dankts dir din Chopf am nöchste Tag.
3. Geile erste Uftritt gsi!!! Komisch isch aber, dass Trompete nöd zersch händ müese diskutiere öb und wie mer bim Biiinesämi wieder sölled isetzte wenn d Lüüt witersinged. Isch amel gange!
4. Wenn de DJ Tschau d Amore vo de Chlostertaler laufe loht, isch Schluss.
5. Schiints seg ich am erste Uftritt di andere Johr immer zimmli Volle gsi, bis uf das Johr. Stolzbin! Denn cha mer guet am Samstig chli meh Gas gäh!
6. I säg nie me, dass es z Wil e komischi Chinderfasnacht isch, mit so wenig Konfetti… bi nocher eines besseren belehrt worde.
7. Es Krokodil mit de Silvana und de Eveline z Teile cha no recht söffig use cho. Wenn denn aber alli Schnäpsli volle sind mit Konfetti findsch es plötzlich nüme so lustig.
8. No weniger lustig isch, dass gad währed em Güggelischmaus es Telefon überchunsch, din Sohn heg Unfall gmacht z Mühlrüti am Maskeball!
9. Wenn z Wuppenau noch em Uftritt de netti Herr a de Getränkeusgob frogsch, öb er der s Spezli chön uftue und er denn fründlich seit, es hegi en ganze Harrass vor mim Gsicht mit bereits offne Bier, überleisch der, dass villicht mol sötsch es Mineral näh… Jä nu, isch denn glich es Spezli worde.
10. Wenn de Organisator vom Hügelball mit zäh Flying Hirsch zo der chunnt, bisch mega foh, wenn de Ogi i de nöchi isch und no öppä ein abninnt.

1. Wenn am Friitigmittag Schmätterling im Buch häsch, stoht d Fasnachtseröffnig vor de Tür.
2. De Matse richtet s Buffet ide Kalberhalle definitiv logischer ih als ich letscht Johr.
3. Wenn nachem zweite Stückli scho Siitestächer häsch, weisch das erstens Vollgas gäh häsch und zweitens das nunig in Top-Form bisch wie denkt häsch.
4. Wenn am Pädi seisch, min Plan isch ufgange, ich bin ämal nöd dri gschosse, und es dicks „hihihihi“ zrugg chunt, weisch, dass er nur es Jöhrli älter isch aber nöd riifer.
5. De Uftritt vor heimischem Publikum i üsere Kalberhalle, isch eifach geil gsi!
6. Wenn en Appezeller nimmsch, will Flyinghirsch nöd so gern häsch, bisch denn glich froh, dass en Hirsch zum spüehle häsch.
7. Wenn am Samstigmorge 05:30 Uhr verwachsch und meinsch liggisch imne Wasserbett, weisch, dass de 2. Appezeller und s Lützli uf de Heiweg sini Spuhre hinderloh hend.
8. Au wenn de Platz im Car langsam chli äng wird, herrlich z gseh, wevill Guggenochwuchs mit vollem Elan debii isch.
9. De Hugo würd ufem Bächer sitze…. Schön das ei falschi Posune, die ganz Gugge cha drus bringe, aber ich würd sägä mir hend üs doch nu grettet:-)
10. Wenn de Stägi Auge macht, wiener en 6er im Lotto gwunne heg, will ä Frau ihn ahtanzt, muesch fescht lache, wenner ei Minute spöter verzwiiflet um Hilf bättlet, de Traktor mit Schneekettle wieder los z wärde. Guet gits de Schapo… als Retter in Not, häter de Stägi sofort mit Tanze abglöst.

Wenn noch dä Fasnacht direkt i d'Skiferie gohsch, muesch alli Rädli in bewegig setze, dass ä Wuche spöter no 10 Erkentnis anebringsch.

1. Wenn noch em schminke vor dä letzte Appezeller-Rundi alli flüchtende Mädels gohsch go zämechratze und ihne dä Appezeller ufzwingsch, sind die würgende Gsichter ä gueti Belohnig für dä Ufwand gsi. Hihihihihihi.
2. Wenn d'Melanie im Stollä alli Manne am Pfiffeli (hihihi, ich han Pfiffeli gseit) i ihrem Gsicht riibä loht und ihne denn es bitz Gin-Tonic is Gsicht sprüzt, hät sie deinifit en guete Obig.
3. Wenn dich zu spoter Stund denn dä Fründ vo dä Meli uf dä Bühni durevöglet, hät au er definitiv en guete Obig.
4. Wenns i dä Chlapf-Gade-Siäch-Alp meh verkleideti Lüüt als a jedem Fest vo dä FGL hät, bisch sehr positiv Überrascht. Genau so muess ä richtigi Hundsverlochete si!
5. Wenn am Samstig mol in hindere drittel vom Car zu dä Fütz gohsch, erfahrsch es paar intimi und interessanti Gschichte. Uf jedefall isch nochher Schluuchwage-Samstig gsi.
6. Wenn i dä Spanisch vo Arbon en Lutz bstellsch und chasch zueluege wie das en machet, laufts dir chalt dä Rugge abe. Er isch denn tatsächlich au nur lauwarm, huere starch und gar nöd mol so guet gsi.
7. Wenn z'Arbon en chliine, dicke Bueb mit Migrationshintergrund en Schränzer mit dä Wort "du Huresohn, du Huresohn" durch d'Gasse jagt, hät er vermuetlich vo öppertem ä ladig Konfetti is Gsicht übercho. Ah wart, das bin jo ich gsi - hahahahahahahah.
8. Wenn uf dä letzte Carfahr dä Adi als Tourplaner verdanksch, chas dir passiere, das nochher en Schmatz im Gsicht häsch. Glich immer no besser als am Stägi sini Lälle.
9. Wenn noch em letzte Uftritt im Instrumentedepot ä Matte am Bode liit, muesch d'Chance Nutze und dä Meli ihren Fründ revanchiere (siehe Punkt 3). D'Meli packe, an Bode werfe und luut schreie "jetzt bisch fällig du Sau" löst bi ihre aber bitz en iritierte Gsichtsusdruck us.
10. Wenn d'Anita am Afang usversehe "Gugus-Schränzer" verstoht, löst das zerst en Running-Gag us. Wenns nochher ghörsch spiele, isch das mit em Running-Gag aber ganz schnell wieder verbie. Sehr viel Gugus und sehr wenig Schränzer. Immerhin händs a üsem Uftritt möge stune, dass es au anderst wür goh.

I dem Sinn wär's das leider scho wieder gsi mit dä Fasnacht und dä lustige Rückblick do im Gästebuech.
Herzliche Dank a üsi Ushilf - bis nöchst Johr! 🙂

Machts gut, ihr Trottel!

Hochachtungsvoll

Egon Pimmelmann