1. Wenn s’4. Fasnachtswochenend bi der scho am Gümpelimittwoch ahfangt und ohni Pause am Fasnachtszistig endet, denn isch «Schlof» definitiv ä Nebetsach.
2. Wenn am Donnstignomi no mit Regekleider am Ufstelle bisch, denn entwicklisch z’Obig bim Mönsterli e religiösi Beziehung zum Petrus. Und wenn’s hebet, denn wäsch: De Typ hed safe au Konfetti im Herz.
3. Wenn a de Dörferfasnacht mit e paar Schränzer am Tisch vo dine Eltere hocksch, denn spickt din Dialekt härter ume als d’Konfetti us de Kanone vom Jung und Stark Partywage. Und jo, spötistens etz wäss ii ganz genau, was ehr met «i merk, wenn du wieder Zyt mit dinere Familie verbrocht hesch» mänet.
4. Wenn eimol de Festsieg holä wötsch, denn muesch eifach demet rechne, dass irgendwo e Saskia umeschliicht, wo schlicht und eifach unzerstörbar isch. Die het nämli meh Lebe als es Game mit Cheatcode. Aber wenigstens hesch de Sieg mit üs teilt. Dankä! ❤
5. Hend ehr gwösst, dass es im Kaffi Kuenz kei Spannferkel zum Katerfrüehstück git? Tragisch. Immerhin isch s’Eier-Speck-Sandwich vom Cedi so guet gsii, dass min Körper gfunde het, morn gits glab kän Kater.
6. Wenn z’Sursee mit em Car direkt nebet de Car vomne ehemolige Gspuusi anefahrsch, denn keit mindestens öperem fast d’Auge us em Chopf use. Bi dem Zuefall muesch denn au fast no im Bravohitszelt äs zämä go neh und es paar Tattoos go verteilä.
7. Guet het d’Steffi no die Ganzkörperkondom för de Schmudo organisiert. I dem nassä Sursee bin i scho sehr froh drom gsii. Dankä 1000ig!!❤
8. Apropos nass: Wenn im Technozelt eine mit Badechappe und Speedo gsehsch, denn chasch ehn ruhig fröge, öb er hüt vor hegi häm z’schwimmä.
9. Apropos Sursee: Wenn’s heisst «Wieso spielet ehr nard z’Sursee und nöd z’Luzern?», denn wäsch, dass de Uftritt trotz Malheur s’Publikum überzügt het.
10. Wenn denn am Mäntig z’Luzern vom Dave ghörsch, dass einigi vo Sursee extra zu ehm cho seget, sich gfreut heget üs z’gseh und gfröget heget, wenn und wo mer denn am Rosämäntig spielet, denn wäsch: Jedes Üebä het sich brutal glohnt.
11. Apropos Dave: Wenn er i dä Wöuldebar z’Mol frögt «het echt öpert e Tropfschale debii?», denn het er gschieder nöd druf vertraut, dass es nomä en Furz isch.
12. Wenn z’Möslig am Sunntig d’Halle met ehre Konfettikanone verlohsch und «machts guet ihr Trottels» usebrüllsch, denn hesch offiziell de Luzernerpart vo de Fasnacht iiglütet.
13. Apropos Luzern: Die wo nöd so düend wie d’Wildsaue und ruhig go Schlofe gönd, sind am Mäntig tatsächlich no schö gschminkt, während anderi hingegä usgsehnd wie es experimentells Kunstprojekt.
14. Wenn am Zistig i dä Bärehöhli din Stanley Cup mit grüenem mit Mineral föllsch, denn hesch nöd nur dis ZWIWA debii sondern au s’System komplett ustrickst.
15. Eifach schö, wenn die ehemolige uf dä Bühni mit eim de Trompetefigger und de What’s up metspielet. Schö sind ehr debii gsii und schö hend ehrs au so gfühlt.
16. Vögel, Vögel, hässlichi Vögel… dä Ohrwurm het sich bi mer komplett iigmietet, mini Hirnzelle ummöbiliert und denkt nöd emol ahsatzwiis dra uszieh. Dankä för nüt, aber irgendwie au för alles.
17. Wenn das Wochenend gad Fööf Gegeständ im lustigä Faltblättli abstrichä chasch, wod drus trunkä hesch, denn wäsch, das dini Hemmigä för en Moment bitzeli verlorä hesch und jedi Chance nutzesch zum diä cheibä Challenge z’schaffä.
18. Wenn s’Gotti vo de Aurelia wirsch, denn chasch guet mit em Götti vom Leandro en Europaparkusflug planä.
19. Mer isch s’Herzli brutal ufgange, wo so viel Bäre uf mi zuechoh sind und gmänt hend, es seg eifach richtig geil z’gseh, met wellere Liideschaft mer uf dere Bühni stönd. Üsers Strahle sägi meh als 1000 Wort. För mi definitiv en Marmeladenglasmoment! Hopp die blauä! 🩵💙
20. Wichtig: 3x um de Kreisel im Auto vo de Janine setzt vorus, dass du en Angstbügel zum umchlammere hesch, din Sicherheitsgurt stramm sitzt, s’Gebetbuech griffbereit hesch und idealerwiis no e Lebensversicherung abgschlosse hesch. Do setz ich lieber wieder uf die harmlos Carversion död isch nämli s’Zentrifugäfeeling nöd gad so intensiv.
...und bald auf ein letztes. Ich freu mii! 🩵💙
2. Wenn am Donnstignomi no mit Regekleider am Ufstelle bisch, denn entwicklisch z’Obig bim Mönsterli e religiösi Beziehung zum Petrus. Und wenn’s hebet, denn wäsch: De Typ hed safe au Konfetti im Herz.
3. Wenn a de Dörferfasnacht mit e paar Schränzer am Tisch vo dine Eltere hocksch, denn spickt din Dialekt härter ume als d’Konfetti us de Kanone vom Jung und Stark Partywage. Und jo, spötistens etz wäss ii ganz genau, was ehr met «i merk, wenn du wieder Zyt mit dinere Familie verbrocht hesch» mänet.
4. Wenn eimol de Festsieg holä wötsch, denn muesch eifach demet rechne, dass irgendwo e Saskia umeschliicht, wo schlicht und eifach unzerstörbar isch. Die het nämli meh Lebe als es Game mit Cheatcode. Aber wenigstens hesch de Sieg mit üs teilt. Dankä! ❤
5. Hend ehr gwösst, dass es im Kaffi Kuenz kei Spannferkel zum Katerfrüehstück git? Tragisch. Immerhin isch s’Eier-Speck-Sandwich vom Cedi so guet gsii, dass min Körper gfunde het, morn gits glab kän Kater.
6. Wenn z’Sursee mit em Car direkt nebet de Car vomne ehemolige Gspuusi anefahrsch, denn keit mindestens öperem fast d’Auge us em Chopf use. Bi dem Zuefall muesch denn au fast no im Bravohitszelt äs zämä go neh und es paar Tattoos go verteilä.
7. Guet het d’Steffi no die Ganzkörperkondom för de Schmudo organisiert. I dem nassä Sursee bin i scho sehr froh drom gsii. Dankä 1000ig!!❤
8. Apropos nass: Wenn im Technozelt eine mit Badechappe und Speedo gsehsch, denn chasch ehn ruhig fröge, öb er hüt vor hegi häm z’schwimmä.
9. Apropos Sursee: Wenn’s heisst «Wieso spielet ehr nard z’Sursee und nöd z’Luzern?», denn wäsch, dass de Uftritt trotz Malheur s’Publikum überzügt het.
10. Wenn denn am Mäntig z’Luzern vom Dave ghörsch, dass einigi vo Sursee extra zu ehm cho seget, sich gfreut heget üs z’gseh und gfröget heget, wenn und wo mer denn am Rosämäntig spielet, denn wäsch: Jedes Üebä het sich brutal glohnt.
11. Apropos Dave: Wenn er i dä Wöuldebar z’Mol frögt «het echt öpert e Tropfschale debii?», denn het er gschieder nöd druf vertraut, dass es nomä en Furz isch.
12. Wenn z’Möslig am Sunntig d’Halle met ehre Konfettikanone verlohsch und «machts guet ihr Trottels» usebrüllsch, denn hesch offiziell de Luzernerpart vo de Fasnacht iiglütet.
13. Apropos Luzern: Die wo nöd so düend wie d’Wildsaue und ruhig go Schlofe gönd, sind am Mäntig tatsächlich no schö gschminkt, während anderi hingegä usgsehnd wie es experimentells Kunstprojekt.
14. Wenn am Zistig i dä Bärehöhli din Stanley Cup mit grüenem mit Mineral föllsch, denn hesch nöd nur dis ZWIWA debii sondern au s’System komplett ustrickst.
15. Eifach schö, wenn die ehemolige uf dä Bühni mit eim de Trompetefigger und de What’s up metspielet. Schö sind ehr debii gsii und schö hend ehrs au so gfühlt.
16. Vögel, Vögel, hässlichi Vögel… dä Ohrwurm het sich bi mer komplett iigmietet, mini Hirnzelle ummöbiliert und denkt nöd emol ahsatzwiis dra uszieh. Dankä för nüt, aber irgendwie au för alles.
17. Wenn das Wochenend gad Fööf Gegeständ im lustigä Faltblättli abstrichä chasch, wod drus trunkä hesch, denn wäsch, das dini Hemmigä för en Moment bitzeli verlorä hesch und jedi Chance nutzesch zum diä cheibä Challenge z’schaffä.
18. Wenn s’Gotti vo de Aurelia wirsch, denn chasch guet mit em Götti vom Leandro en Europaparkusflug planä.
19. Mer isch s’Herzli brutal ufgange, wo so viel Bäre uf mi zuechoh sind und gmänt hend, es seg eifach richtig geil z’gseh, met wellere Liideschaft mer uf dere Bühni stönd. Üsers Strahle sägi meh als 1000 Wort. För mi definitiv en Marmeladenglasmoment! Hopp die blauä! 🩵💙
20. Wichtig: 3x um de Kreisel im Auto vo de Janine setzt vorus, dass du en Angstbügel zum umchlammere hesch, din Sicherheitsgurt stramm sitzt, s’Gebetbuech griffbereit hesch und idealerwiis no e Lebensversicherung abgschlosse hesch. Do setz ich lieber wieder uf die harmlos Carversion död isch nämli s’Zentrifugäfeeling nöd gad so intensiv.
...und bald auf ein letztes. Ich freu mii! 🩵💙